الحكيمه فقـــــــط ترد علي ,, بليـــــــــــــــــــــــــــــز

[نور الكوثر]

من صجج روحيله طيران ريلج تعبان تخلينه اساسا لازم تجابلينه وتسويله كل شي حرام داق عليج يدلع يقولج مصخن يبيج يمه

 

[cool zozoa]

حرام الريال مريض اخييييهه مو وقت عناد الحين عاندي مره ثانيه ال ريال راد من السفر تعبان والله لو غيره حتى ما يقولج بمرج يخليج بيت اهله لين يرتاح واييج

 

[&موناليزا&]

رد : الحكيمه فقـــــــط ترد علي ,, بليـــــــــــــــــــــــــــــز

هلاوالله حبيبتي

دام زوجج مريض حتى ولو ماكان مريض

دام انه رد من السفر لازم تكونيين في بيتج

وياربي يوفقج وياه

 

[][عروسه 2008][]

رد : الحكيمه فقـــــــط ترد علي ,, بليـــــــــــــــــــــــــــــز

!!!!!!
غريبه هذا مو دلع اصلا انتي معطيته طاف

وأنا مابي أتدلع ولا أبي أعطيه طاف !!


كسر بخاطري

:flower:

 

[!الجادل الصعب!]

رد : الحكيمه فقـــــــط ترد علي ,, بليـــــــــــــــــــــــــــــز

ترا في فرق بين مهاوشك ولاعن آبو خآمس العدو وغلط وكسر بكرآمتك وسب الاولين والتآلين .. وبين منفس من التعب .. يعني الرجآل تعبآن من السفر ونفس شوي .. وآصلا هو مو مهتم لآن مو في بآله انه غلطآن .. لآنه فعلآ ماسوى شي ..
المفروض تروحين معآه وتخلينه يرتآح ومتى مآقعد من النوم وروق تقولين له انا اخذت بخآطري بسبة كذآ وكذآ ..
والحين تعوذي من ابليس وروحي بيتك ..!

 

[الكريستال]

الله ييسر اموركم يارب

 

[][عروسه 2008][]

رد : رد: الحكيمه فقـــــــط ترد علي ,, بليـــــــــــــــــــــــــــــز

ترا عادى اغلب الرياييل ماينضرون للامور بدقه مثلنا

ويشوفونها بسطحيه تاكدى ان موحاس ان سوا شى غلط عن نفسه ماقل شي

كلامج 100% صح


ولا كأنه سوا شي


وأنا عديت الموضوع عادي بعد مارجعت ماكأن صار شي

:friends:

 

[][عروسه 2008][]

رد : رد: الحكيمه فقـــــــط ترد علي ,, بليـــــــــــــــــــــــــــــز

ياملق السخافه لاتزعلين اجل اتقولين له فيك حيل اتشيل اغراضي أوكي جان خليتي يمرج وعاونتيه اشدعوا عليج اتلككين جد في ناس ثقيلة طينه غصب اتسوي مشكله

<<<< هذا المشترك متنرفز لاتزعلين بس حدج اي شي سببتي مشكله من ولا شي

وأحسن لاتروحين له خلج عند اهلج بتغثينه زود المسكين

هههههههههههههههه

ضحكتيني وزعلتيني بنفس الوقت !!


هذا اللي ربي قدرج عليه ؟ تقولين سخافه ؟


والله مو قاصده شي ولا سببت مشكله بس ريلي يتنرفز بسرعه ولا عنده تقدير للظروف


:eh_s(11):

 

[][عروسه 2008][]

رد : رد: الحكيمه فقـــــــط ترد علي ,, بليـــــــــــــــــــــــــــــز

انتي اساسا حركتج مو حلوة دامج رايحة مغيرة بالشقة جان طبختي عشاء وتكشختي ونطرتي ريلج بدال ماتقولين له روح وباجر تعال دامك تعبان, ترى ريايل يقيسونها يقول اهي مو ولهانة علي ومخليتني لحالي , ترى مو اهو يكسر الخاطر ترى يمكن اهو بخاطره شي من جذي داز لج مسج مشكورة على التغير لو اهو مو بخاطره شي جان دق , انا اقول زوجج تعبان وخلي احد يوديج له

وشفيكم والله مو قاصدتها حركه؟

بعدين مو جاي بوقت وجبه عشان أسويله

وياما سويت له مناسبات بس الظاهر معظم الريايل يحسبون كل الحريم يسوون جذيه !!!


:cxxxp:

 

[غدووور الكويت]

رد : الحكيمه فقـــــــط ترد علي ,, بليـــــــــــــــــــــــــــــز

سويتي وغيرتي بالشقه كان المفروض اتكملين معروفج اتجهزين له عشوه خفيفه وتنطرينه وتفاجئينه لما يرجع
على العموم زين سويتي ما كبرتي المشكله والله يسخره لج يااارب

 

[][عروسه 2008][]

رد : الحكيمه فقـــــــط ترد علي ,, بليـــــــــــــــــــــــــــــز

المفروض تستقبلينة بشقتكم تكونين كاشخه ومجهزة القهوة والجااي والحلو والعشا ,,

ومبخرة البيت ,,

طاافتج المفرووض تعودينة على السنع عشاان لا غبتي يفقدج ويعرف قيمتج,,

الطاااف هذي ماتنفع بهالموااقف,,

والله والله مو طاااااااااف :eh_s(11):


وانا الحمد لله معودته كل مارد من سفر لو ثلاث أيام لازم أغير شي في البيت أو أشتري شي جديد


أكثر من كدا أيه !!! :bbbiu:

 

[عاشقة-الكفيل]

رد : الحكيمه فقـــــــط ترد علي ,, بليـــــــــــــــــــــــــــــز

المفروض تستقبلينة بشقتكم تكونين كاشخه ومجهزة القهوة والجااي والحلو والعشا ,,

ومبخرة البيت ,,

طاافتج المفرووض تعودينة على السنع عشاان لا غبتي يفقدج ويعرف قيمتج,,

الطاااف هذي ماتنفع بهالموااقف,,

معااااهاااااا .........

 

[][عروسه 2008][]

رد : رد: الحكيمه فقـــــــط ترد علي ,, بليـــــــــــــــــــــــــــــز

انا حاسه فيج انتي زعلتي لانه توه واصل وزفج وصارخ عليج علي شي مايسوي وان كانت نيتج صافيه وماتبين تتعبينه
وانصدمتي من رده فعله انه عصب وصارخ
الحل انج تقوليله عللي مزعلج بطريقه حلوة وبهدو صدقيني راح يحس
وردي بيتج

انتي صح 100%


هذا اللي كنت حاسه فيه وفعلا كسر بخاطري على كثر ماني ناطرته وأبي أشوف فرحته بالتغيير

:eh_s(15):

 

[(بريق الماس)]

رد : الحكيمه فقـــــــط ترد علي ,, بليـــــــــــــــــــــــــــــز

أختي الله يهديج الرجال مهما يسوي فيج دايما أخذيه بالمسايس لانه مثل الطفل إذا اخذتيه بدلع ومسايس يطططخ واذا عاندتيه ماراح تقدرين عليه ...

روحي لزووجج وصدقيني خليج هدوء ودايم مبتسمه بوجهه.. ولاتقولين هذا ماينفع معاه شي بالعكككككككككككس أسأأأأأأأليني انا ..

الرجال اذا قعد بروووحه يقعد يفكر فيج وبطريقة تعاملج وشلون اهو يعاملج ويحمد الله على إنه رزقه بزوجه كاااامله

والله يوفقكم ويجعلكم درر بعيون بعض

 

[][عروسه 2008][]

رد : الحكيمه فقـــــــط ترد علي ,, بليـــــــــــــــــــــــــــــز

صاااااحيه انتييييي >>اسفه
مفروض من تحسين ان زوجك في شي مو طبيعي تروحيله ركض بعدد
حتلو طرطع عليك ولا عطاك وجه
وحتى ب بيت ماعطاك وجه
الموهيم ان احد معه ب بيت
ان وحده تواسيه تحاول
فيه شوفيه كيف استانس لمن شاف بيت
و كان بيفرح اكثر لو انتي معاها
هو يبي وحده معه بسراء و ضراء مو بس بسراء عجل لييه متزوج
ياقلبي يا عمري يا حياتي ميسير كذا
لازم تروحيله و تواسينه

واسفه لو ازعجتك ب كلامي بس مدري حسيت موضوع غلط وغريب يعني مفروض تروحين ولا تتغلي ب ذا وقت
واسفه مره ثانيه

كلامك 100% صح

ومو من عادتي التقصير


بس قهرني لما زفني وانا مبسوطه فيه :rgewrg:

 

[الراقيه 81]

لا فشله حبيبتي روحيله وإذا عند يهال خليهم وروحي ابروحج وجابليه يمكن لاشافج يطيب

 

[تعويذه الحب]

اول شي حبيبتي المفروض اج من تدرين ان ريلج بيوصل تخلين احد من اهلج يوصلج شقتج

وهناك تروحين وتعدلين بالبيت وتكونين كاشخه ومزهبتله لقمه ياكلهاااااااااا

وتقعدين معاها وتسولفين وياه هني راح ينسى التعب

وبعدين شكووووو تخلين الريال مريض بروحه وتقولين له تعال بالبيت حبيبتي حتى لو ريلج عادي عنده بس هالشي ترى يحز بالخاطر

والظاهر ان زوجج من النوع الكتوم يعني انتي تخيلي انج مريضه وريلج قاعد عند اهله وهادج بروحج بين وبين نفسج عندج هالشي عادي

ما اتوقع !!!!!!!

حبيبتي جابلي ريلج وعلى قولة المثل البعيد عن العين بعيد عن القلب وحبيبتي لا تعودين ريلج على فراقج ترى يصير مع الوقت

وجودج وعدمه واحد بالنسبه له

 

[أسمكي]

كل وحدة يحصل لها موقف بحياتها لازم تستفيد منه
حتى لو كان بسيط وانحل بسرعة
فحبيبتي موقفج هذا لو صاير لي اتعلم منه وايد اشياء
أولا : ما تكلمينه بأي شي غير الاشواق وهو راد من السفر
ثانيا :تكونين ناطرته بالبيت عشان ماتكلفينه يمرج وهو تعبان وبنفس الوقت تاخذين راحتج باللبس والمكياج و الأحضان و و و أول ما يدش البيت
ثالثا : سبحان الله اذا عصب لأي سبب امتص غضبه بطريقتي وما اوخر عنه أبد << لزقة عنزروت هههه
وبالنسبة لباجي الاشياء انتي ماشالله مو طايفتج من تغييرات وفناتق
سواء ببيتج او بشكلج
والله يسعدج ويحنن قلبه عليج

 

[جــــاذبية]

رد : الحكيمه فقـــــــط ترد علي ,, بليـــــــــــــــــــــــــــــز

لايمه إقعدي في بيت أهلج أحسن ..
وإشرايج أكيد الرجال واصل من سفر وتعب وماله خلق ويكون مشتاق طبعا ..
لا تجي والظهر لا خلها بليل أحسن تلعبين إنتي من صجج والله حريتيني ..
الرجال يبي المرأة تكون منتظرته على أحر من الجمر وإنتي تصرفينه ليش ماتحبينه أنا فهمت منج إن عادي عندج لايمه حبيبتي روحي بيتج ..
ويستحسن يوصل البيت وإنتي إللي تفتحيله الباب وتستقبلينة وناطرته بشوق ولهفة ...
أنا زوجي كثير سفرات دراسة وأغلب الأحيان مايمرني يقولي ما أقدر أمرج لأنه معاه ربعه وجاي معاهم وسيارته تكون بالبيت أروح يوديني أخوي لبيتي وأبخره وأكشخ وأزهب له أكلته إللي يحبها ..
طبعا قبلها بيوم أكون مرتبة البيت ومنظفته ورادة أغراضي ومرتبه ملابسي وإنتي تنزل أغراضي سايق عندج أهو بروحه زهقان من الرحلة ووأغراضة ماعندج سالفة ...
لاتزعلين على ردي والله أنصحج من كل قلبي بس كلامج يرفع الضغط ...
وسامحيني عالإسلوب الأكثر من رائع ...

 

[جــــاذبية]

رد : الحكيمه فقـــــــط ترد علي ,, بليـــــــــــــــــــــــــــــز

هو ماكسر بخاطرج وهذا كلام الرياجيل دايما يكون دفش وخشن وبحسن نية بس إحنا حساسات
وأي شي إنطقر ونمد بوز ...
والرجال كذا بيزهق مايقول شي إلا مدينا بوز ..
هذا إنتي مديتي بوز وقلتي روح لاتمرني تعال بليل غلط غلط غلط ..
ريحيه وقوليله الحمدلله عالسلامة وقرت عيني فيك وبشوفتك ولاتعب نفسك تعال سيدا البيت أنا أنطرك ...
ياليتج عندي أزنطج وأعلمج ...
وعلى كلامج مانام الظهر معناته فاقدج ويبيج عنده مشتاق بس دقرتيه دقرة ...