الحكيمه او الداهية تعلمني !!!!!!!!!!!!!

[بكيزة هانم]

انه ياخذ رايها بعد لها فوايد .عالاقل ما يلومج لما ما تجي النتيجة على كيفه .. ارتاحي وركزي عالجيل اللي تحت ايدج العيال ..وهو اكسبي ثقته شوي شوي

 

[بحور العنا]

واذا سمع كلام امه خير ياطير هذي بالاول والاخير امه حبيبتي

وبعدين ليش تقولين ابيه يحقرهاا عيب حبيبتي مايجوز هالكلام هذي جنته وناره بكره يبرون فيه اعياله نفس ماهو بار في امه
في مثل يقول الولد على ماتربينه والزوج على ماتعودينه
موفقه خيرر حبوبه

 

[Perfume]

شفيكم عالبنت !!
حبيبتي اذا ياخذ رايها بامور عامة
او امور تخصه
اهوا حر
بس اذا مثل ماقلتي
حتى في اموركم الشخصية
وبيتكم وسوالفكم الخاصة
هالشي مو حلو
صارحيه
قوليله انا ماعندي مانع انك تاخذ رايها
او انها تنصح وتقول رايها
بس مو معناها
انا مالي راي
لانه بالاخير الشي يخصج
او يخصكم انتوا الاثنين
يعني هم رايج انتي مهم

 

[ملكةالورود]

الي مافيه خير لامه مافيه خير لاحد تخيلي انها امچ وانه مرت اخوچ تبي تسوي مثل مقالتي كل الي راح تكوينه بخالتچ راح يرجعلچ كما تدين تدان

 

[غبنة عشق]

للاسف الأغلب هب فيني من غير ما يحس في وضعي
يناااااس اقل شي رأيي في بيتي ما طلبت انه يعقها لالالا كل واحد وفهمه
لكن لدرجة أنها تتحكم حتى في فلوس تقديم الخدامه تقوله اسحب فلوسك من المكتب بما ان الخدامه الأولى طلعت مؤ زينه
مالها دخل أبي أجرب البديله احتاج خدامه مالها دخل
وفي الأخير سحب الفلوس وجلست بلا شئ ليه لانها تتحكم بزياده وهو يطيعها بزياده
وسلامت فهمكم

 

[بيت التوت]

اكسرت خاطري صاحبت الموضوع تبيكم عون صرتوا فرعون حاولوا تحسنون الظن بالناس

 

[أسرار الجمال]

صاجة صاحبة الموضوع شي يغيظ ما تبيه يحقرها هذي امه ولها حق تتناقش وياه في أمور عايلتهم وإخوانه بس مالها حق تقول شنو يسوي في بيته لان في بيته مرته المسؤولة مؤ امه خلاص امه كونت اسرة وعاشت حياتها وتحكمت في بيتها بس بيت ولدها مرته المسؤولة انا كان زوجي مثل زوجج ظليت متحملة جم شهر مع انها حبوبة وطيوبة واحبها لكن مثلا صارت تقولا اشتري كذا وكذا حق بيتكم شيل السجادة وحطها عقب شهر جي يعني بأدق التفاصيل تبدي رأيها وزوجي يي يقولي راح نسوي جي انا انجلط اكون مخططه شي يسوي شي قمت قعدت معاه وكلمته قتله امك لما كانت باول زواجها ما تحب ام زوجها تدخل ولا بشي اخي تتكلم عنها ليش أهي الحين لازم تتدخل مثل ما أهي مشت بيتها بشورها انا بيتي يمشي بشوري هذي حياتي مؤ حياتها وبصراحة انا كبرت السالفة وقتله انا ما اقدر أظل اذا الوضع جدي فقام قالي خلاص انا احب امي واحبج وما بي أخسر كم ثنينكم فصار يسمع كلامها باشياءهم بس لو شارت عليه بحياتنا صار ما ينفذ بدون ما يزعلها ولا انا ما ازعلها بس صرنا نمشي بشورنا إحنا

 

[@شمس الضحى@]

اخلصج؟ تبين حكمه؟
لاتحاولين تقارنين نفسج باامه وتمشي امورج
كونج تزوجتيه مو معناه بتطلعينها من حياته وتاخذين مكانه وبيصير يرجع لج بكل شي
حبيبتي هذي حلوه اللين وانتي مالج بالقصر الامن امس العصر

عجبني ردج الله يوفقج:eh_s(17):

 

[دانة_ دبي]

1- لا تتكلمين بكلام مو زين عن امه امامه يعني لا تذكرينها بالشر ابداااااااااااا انتبهي ترى الرجال يحس يوم زوجته تكره امه

2- قولي رايج بطريقة حلوة رومنسية حنونة مو بالاجبار او الاكراه

3- في حالة ما خذ رايج ممكن تعتبين عليه عتب محبة قولي انا زوجتك ام عيالك ليش ما تشاورني ع الاقل تاخذ رايى

4- لو عرفتي انه خذ رايها او شورها سوي نفسج ما تدرين ولا تعرفين ولا سمعتي ولا شي ( يعني لا ارى لا اسمع لا اتكلم )


الرجال ع ما تعودينه

 

[ماكواسم2]

الحين هذي تسمينه حكمة وداهية ... تبين اتكوشين عليه .اقولج وعلى نياتكم ترزقون ليش ما اتصيرين بنت حق خالتج مو شين اذا حسستيها انها امج مثل ما هو ولدها واكيد ولدها عارف انها سنعه وفاهمة علشان جذيه ياخذ برايها فاستفيدي منها لان بصراحه تنقصج الحكمة والفهامة

 

[عسل حدي]

انا كنت نفسج
قعدت معاه وقلتله انا مامنعم منها واحبها واهي امي وامثر بس مملكتي محد له خص فيها الا انت وانااا
انا لا اتدخل بحياتها ولا اهي تتدخل بولا عوود من حياتي احبها واحترمهر بس هذا شي وخصوصيتي شي ثانيي
ي ترضا اغير لها ببيتها ؟
عيل لا تيي وتغير على كيفها ببيتي
اهي عاشت حياتها خلينا احنا نعيش حياتنااا
واهي تطلقت بسبت انه خالتهااا تتدخل بحياتها لاتعيد تكرر نفس الشي بحياة ولدهاا اقتنع وحياتي ماشيه منغير ماتفرض ولا راي فيها

 

[غبنة عشق]

كل وحده فيكم ردة أخذت ردها على نيه زينه وصافيه
واللي ضنت فيني بالسوء الله يذوقها قريب وتذكرني

 

[Your Dream]

سسسسسهله

انتي استشيريه بكل شي وحاولي تسألينه بخاطرك شي والا في احد مضايقك

ترئ انا زوجتك وحبيبتك اي شي انت ودم تسولف فيه ترئ كلي اذان صاغيه

ومن هالحجي وحاولي اكثر من مره تبينين له ان في شغلات خاصه محد يتدخل فيها وجذي

وياريت يتحقق ماتمنينه

 

[يستفزني غلاك]

ياااكككككككثر ما الامهاااااات يتدخلون ب حريم عياالهم ماااااادري لهدرجه غيييره! ولا تسسلط
الله يعين

 

[ماكواسم2]

كل وحده فيكم ردة أخذت ردها على نيه زينه وصافيه
واللي ضنت فيني بالسوء الله يذوقها قريب وتذكرني

ما قلت لج تنقصج الفهامة والنية الحسنة
الله يعين هالخالة عليج الاخت داشة معركة مو زواج
الحين اتحفينه بالردود السنعه والدعوات الحلوة

 

[ذات الهمة العالية]

أبدا هدفي مؤ يحقر امه ويهمشها بالمعنى الشرير
لا بس اللي صاير شئ لا يطاق حتى في أموري الصحيه الوضيفيه صايره تشور عليه وتتحكم من بعد مثل الريموت كنت رول
أزيدكم من الشعر بيت حتى في بيتي واختياراتي للبيت الجديد متحكمه خلااااص ودي انه يثق برأيي زيها
فهمتوني

الحمد الله الذى عافانا ممن ابتلاك به ربى وفضلنا عن كثير ممن خلق

وحطى فى بالك بيك اليوم اللى تكتب مرة ولدك ابى زوجى يهمش خالتى ويحقرها اللى اهى انتى


استغفر الله

وترى يمكن مرة اخوك ودها تهمش أمك وتحقرها


استغفر الله العظيم واتوب إليه ..


واللى داخلك ظهر فى كتابتك ..

 

[Bent AlNoor]

اول شىء كسبي امه كل اسبوع هديه..اي شىء المهم جدام ريلج يشوف بعينه انج تحبينه...بعدين لما تثبتينله هذا الشىء كلميه..لان اذا كلمتيه مني و الطريق يمكن يحسج بتهمشين دور امه و ما تحبينها

 

[((shoOoshoOo))]

مع الوقت بيتعووود بس لاتبينين له ان راي امه مو عاجبج لان مهما يكون هذي امه

 

[مناير ...!]

كل وحده فيكم ردة أخذت ردها على نيه زينه وصافيه
واللي ضنت فيني بالسوء الله يذوقها قريب وتذكرني

دام نوعيتج ان لم تكن معي فاانت ضدي وهمن فوقها بدعي عليك
جان ماتعبتي نفسج ونزلتي موضوع وطلبتي اراء البنات
طبيعي مو الكل بيطبطب عليج ويقولج ايه والله انتي الصح
لازم الوحده يكون عندها تقبل للراي الاخر ولاتحتفظ بمشكلتها لنفسها

 

[متوترة]

حبيبتي فاهمه قصدك انا
قصدك لو بتروحون وين شاور امه وجلست تفلسف وووووو وتخرب عليك
ف االافضل لاقال شي قولي بشاور امي وبشوف
ولاقال شي قولي امهاتنا هم الخبره والاعرف بلحياه اكثر منا
وبعدها ماراح يتعود يقول هالكلمه

ترا رائيي يبي له تمثيل وتاخذين دور البنيه البريئه الي ع نياته مو تسوينه ع انك خبيثه وتنغزينه