يا اسوارة
تعوذي من ابليس
من الصدمة وتجويع نفسج صرتي خاتم
تغدي وتعشي
وعيني خير من الله
انا بعرف
شغل المباحث والجواسيس والقوات الخاصة
هذا كله ليش
ادش الواتساب
واطلع من الواتساب
ادق دقة وكل مافتح الجهاز طلعتيله
لاحول ولاقوة الا بالله
شنو تبين
وكله كوم
وبعلم اهلك وابوك !!
حبوبة
هذا مو طفل بالابتدائية مو حال الواجب
تهددينه
روحي علمي
شنو بيسوون
بياخذون السوني والبلاي ستيشن يقفلونهم
بس نهاية الاسبوع يلعب فيهم !!
اقصى ماعندج
تاخذين
قشج وتروحين بيت اهلج
ويطلقج
ويطوي صفحتج
لا تحسبينه يحبج لانج اسوارة بحد ذاتها
لا
يحبج ويموت فيج ومحترمج وحاس بغلطته
لانج زوجته
وبس
فعلا حسبالج لي تركتيه
بيقعد يبجي ويتذكرج
لا عادي
يتزوج وحدة
ماتفتش وراه
يقول لها احبج انت اللي فهمتيني
هل معنى هذا ماغلط؟
لا غلط
بس له رب يحاسبه
انت مو زعلانه خايفة عليه من الحساب
انت زعلانه لانه خانج بس
الزبدة
فكري بمصلحتج
شنو تبين ورا عالعصبيه هذي كلها
والاستجوابات
وبتفتنين عليه عند العايلة كلها ؟
اذا في هدف غير معلن
نورينا وعلمينا
خليج عملية
تبين الطلاق ؟
هل شايفته لمصلحتج ؟
راي اهلج؟
عيال اذا عندج شنو وضعهم
فكري بكل شي
قاعدة وتدعين عليه
