الحقوا علي بنات وربي خايفه مو عارفه اتصرف

[noo7a]

حبيبتي
دقي عالمباحث و شوفي اهم شنو يقولون لج
وصدقيني اهو ماعنده الا التهديد لان مايقدر يسوي شي ثاني
لان قضيه التشهير بالصور تودي ورى الشمس فاهو ماعنده الا ان يخوفج فيها و يخليج على اعصابج
خليج قد قرارج لاتدقين عليه ولاتدزين اي شي
مرده بيي له يوم بيتعب و يمل و يدور وحده ثانيه يلعب معاها نفس اللعبه

 

[فرصه اخيره]

حبيبتي لاتخافين والله العظيم انه جبان وعلى فكره ترى تركيب الصور يعتبر جريمه وتقدرين تقاضينه فيها وتهددينه بعد وابشرك فيها رد اعتبار يعني يسجن حنا عندنا كذا بالسعوديه
ومن ناحية تهديده لاتخافين حبيبتي بنت خالتي صار لها نفس حكايتك والحمد لله الله هداها
واللي كانت تعرفه هددها بصورها لاوالحقير معه اصحابه وجات تدور نصيحتي قلت قولي له بلط البحروغيري رقمك وسوتها ولانها تكلم خطيبها قالت له غيرت رقمي لان فيه وحده حقيره مرسله علي شباب غير كذا اختلقت قصص مع الايام ان البوم صور العايله انسرق وشكلها الشغاله يوم سافرت
تمهد له لو ارسل الحقير لخطيبها الصور والحمدلله متزوجه لها اربع سنين ومرتاحه لانها ماعالجت الخطا بخطا وقوت قلبها وانا انصحك سوي مثلها والله يستر عليك

 

[aṕriliå]

الله يستر عليج

 

[سنااااي]

لاتقولين حق ابوج......س.. بالعكس بيخاف ولايقدر يسوي شي هذا جبان ماعنده كرامه كل مره يتطلب منج فلوس بس اهم شي لاتضعفين وتفكرين تقولين لزوجج هذي اكبر مصيبه دقي على المهام الخاصه واهم يعرفون شغلهم... وقوليهم يهددني بيذبح زوجي ويبي مني فلوس ويبتزني بصورتي....

 

[ميشو المالكي]

أحسن حل مادام أنك تبتي عن الذنب وأقلعتي عنه أنك تبلغين هيئة الأمر بالمعروف والنهي عن المنكر وأذا ماكان عندكم هيئه بلغي الشرطه وأطلبي منهم أن الشي هذا سري والله يحفضك ويستر عليكي دنيا وأخره
وترى التأب من الذنب كمن لاذنب له

 

[حبيبه بدر]

الله يستر عليج بس لا تسكتين له باجر يهددج بعد الزواج انه تطلعين معاه ولا اي شي ثاني وذاك الوقت ريلج ماراح يكون عنده ثقه فيج


بلغي عليه من الحين

 

[جديده 1]

انصحج تغيرين رقمج و توصين رفيجتج ماتعطيه رقمج .. و قولي له كل مسجات التهديد عندي و الله اوديك بستين داهيه لو سويت شي و ما اسامحك فيه دنيا و اخره و كما تدين تدان اهم شي هدديه بالمسجات قولي له والله احذفك بالسجن ..

 

[memo]

حبيبتي لاتخافي هاللي من اشكاله مايقدر يسووي شي غير يهددك لاكن اذا انمسك بيصير متل الريشه روحي اتصلي ع المحاامي اللي قالو لك عليه ولا الهيئه وهما بيحلو لك موضوعك وبهدووء وكل دقيقه تروح مو في صالحك يلا الله ييستر عليك يارب ويعينك ع مابتلاك

 

[عسل سل]

لاااااا لاااا تقوولين حق ابوووج ممكن تحووشه جلطه ماتسوى علييج


شووفي والله اقوولها لج وماهمني احد

انا يااما هددوووني وحاالتهم حااله ويعرف بيتنا واسامي اهلي وابوي وكل شي يطري على باااالج ويدزلي صوورتي يكتب تحتها هاااي يعني يبي يقهرني والله العظيييم كنت نفسج اخااف اول شي بس باللنهااااااايه ماااصااار شي

انتي مشكلتج ترديين علييه لااتردين عليه لاا تسبينه ولاا تكلميينه والله لو تشووفينه ينبح.. وديري بااالج تقوولين له عن يوووم عرسج..الحذر الحذر من هالسااالفه انتي غلطتي يووم قلتيله ملجتي.. لاتغلطين وتقوولينله عن يوم عرسج ديررررررررري بااالج


ولاااا تردين عليييه كلللللللللللللللللللللللللللللللللللللللش ولاا تعلمين احد بالساالفه حتى امج ترى لاااتخلين احد من اهلك يصيد عليج شي مو زييين

انا كنت نفسج كنت اتضاايق اول شي وساالفه توديني وساالفه تجييبني فكره ترووح وفكره تجي اخر شي ماارديييت كلللللش وبعد قاام يهدد زياااده بس خلييه مهماا يشب بناااره اخره رماااااااد

انتي لااترديييين حتى لو قاال انا عند باب بييتكم والله صاارت فيني طلع كله خرطييييييييييييييي واي شي تبين دشي خاااص

 

[Čut!e Quèéи]

سهله دقي على المباحث وقولي لهم ابيها سريه
وراح يتفقون معاج تواعدينه ويسوون له كميين
وقتها راح يسجنونه ماراح يحقد عليج ولا يقدر يوصل لج
ومن بعد هالسالفه غيري رقمج
واقل شي راح ياخذ فيها سجن 5 سنوات
او انج تضربينه بالطوفه والصور تركيب والناس كلها تفهم انها تركيب
وقولي تليفونج ضاع وفيه الصور

 

[Čut!e Quèéи]

ام ابيها انا قلت لابوي ابي خط يقول اوكي بس خطج هذا تعطيني اياهوعشان جذي انا ما اقدر اعطيه وحاطه في بالي بعد العرس اخلي زوجي يشتريلي خط و هذا اقطه

كسريه او بيعيه وقولي ضاع بالسووق

 

[محد مرتاح]

اول شي غيرررري خطج
ثانيييااا شوفي احد من عايلتكم عمج خالج ولد خالج اي شي اهم شي يكون محل ثقه ياقلبي وقوليله سالفه واهو يتفاهم معاه صدقيني اذا شاف السالفه وصلت للرياااجيل صدقيني بيخق ولا دقي ع المباحث الي قالوا عنها البنااااات والله يستر علييييييييييييييج وعلى بنااات المسلميييييييييين

 

[Raffaello0o]

ياحيآتي ، الله يكون بعووونج صدقيني لاتلجئين لـ احد الا لرببببج هو المدبررر والعالم بهالامور

حبيبتي بعد كل اذان واقامه ادعي وان صليتي لاترفعين راسج من السجود الا دااعيه وكثري استغفار ربي بيبعده عنج لانج مظظظلومه ،، خلي املج بربج كبير عسى ربي يحميج ويبعده عنج وياااخذه ويوفقج بالحلال

 

[fdeet_shosho]

الله يعينج يارب ويستر عليج - دام طنشتيه طول هالفتره ومانفع وياه دقى عالرقم وصدقيني بيخاف ترا بس جدامج بيسوي روحه قوي وقوليلهم سالفه الصور وانه قاعد يركب صورج وصدقيني بيسحبون تلفوناته وكمبيوتراته وراح يختفى من حياتج وماظن يبي يسوى شي لان اهم شي سمعته وبيخاف يطلع عنه حجي وعفيه اذا خلص موضوعج طمنينا الله يستر عليج يارب

 

[حآلية الذوق ~]

دقي علي المبأحث لأاتسكتيين عنه
وهذا دعاء للستر

اقريه دايم

والله ياخذ حقج منه ويسستر علييج

"يا واحد يا احد يا جواد انفحنا منك بنفحة خير انك علي كل شئ قدير "

 

[حياتي تكنولوجيا]

الله يستر عليج يااااااارب ويكفيج شره
حبيبتي لا تنسين الصدقات والاستغفار
​

 

[ام دونه]

قولي حق واحد عاقل من اخوانج عادي انزفي انطقي بس المهم يساعدج حتا لو قرر يبلغ عنه علا الاقل يحس انه اهلج درو

 

[أبكاني ذنبي]

لاحول ولا قوة الا بالله


الله يستر علينا وعليج يااارب


ادعي ربج وبلغي المباحث احسن

 

[ام بوحنة]

حبيبتي

مالج الا رب العالمين تدعينه انه يفكج منه ويبعده عنج

ويكون بينج وبينه بعد المشرق عن المغرب

على طول ادعي بصلاتج وبنية صافية وربج يفوق عوقج

 

[بنت أبوي 1]

البنات نصحوك ِ
أدعي ربك يحلها ولما تنحل مشكلتك نصيحة مني حذفي الموضوع كله .

الله يعينك ​