الحظ مايقوم الاحق الشلقه والبلقه وشينة الخلقه

[فررررح]

الحظ لى قام قااام



بس تدروون احنا السبب الى مخلين كل شى فووق روسنا وخلينهم متكلين علينااا

 

[مستقبلي احلى]

كل شي قسمة ونصيت لا شلقة ولا بلقة

قولو الحمدلله ياربي على عطيتك وقسمتك

**وان شكرتم لازيدنكم***

 

[أم ^ علي]

إي والله صاجين يابنات الحمدلله والشكر على كل حال

 

[جارة القمر]

أنا رأي من رأي Qumar

علي قولتج يا قلبي " الحظ مايقوم الا حق الشلقه والبلقه وشينة الخلقه"
أحنا أقل تقصير منا أقل شئ بييج كلمه تسم بدنج
الله المستعان يا قلبي

 

[غيوووض*]

المثل يقول اختى ( لاطالع قدم وساق طالع مقسم الارزاق ) سبحان مقسم الارزاق

 

[وديان@@@]

اي والله صاجه

 

[fulla]

صاجه والله لا ورياييلهم من احسن الرياييل الدنا حظوظ سبحان الله

 

[شمس و قمر]

الله يعطي وياخذ

الحمدلله

اهم شي القناعه

بس لاحظت شي

ماشالله كل بنات المنتدى سنعات!!

وين الي ينطبق عليها الموضوع!!

ليلحين ماطلت علينا ولاوحده خخخخخخخخخخخخخخخخخخخخخخخ

تخيلوا تشارك وتقول انا معفنه ههههههههههههههههههههههههههههه


لاصج ترى ماكو وحده تشوف نفسها جذي

كل الحريم يشوفون نفسهم قمة السنع وزوجها مومعطيها حقها

 

[النبع الصافي]

شمس وقمر الله يقطع ابليسج أكو وحده بتقول أنا معفنه خخخخخ
الرضا بقسمة الله أهم شي والتوفيق والحظ من الله بس مايمنع الواحد يحاول يقبل بحياته ويعيش ,,,
والله الي أشوفه حريم وايد ومن هالي نقول حظها بالسما آخرتها ياتزوج عليها أو يايلعب من وراها يامشاكل ويا الحموله يافنقش ومات من عيون الحريم !!!!

 

[كويتيه مذهله 87]

واللله مو الكل
بس ما اقول الا الله كريم

 

[marioom]

الصراحه صدمتوني بردودكم وبس ماني مكملة كافي لي الصفحه الخامسه

اولاً:
مايصير تحسدين غيرج على نعمته وتتحسرين عليها فيه وجنه اهوه مو كفو ولا يستاهلها

ثانياً:
مثل ما انتي لج حظ بالنظافه والجمال والشكل لمرتب الحلو اهيه لها حظ بس بالريل

ثالثاً:
الله يعطي وياخذ

رابعاً:
لول يننتكم بالارقام صححححححححح
قولي الله يهنيها انشالله ويرزقنا
حرام يعني عشان ماهتمت بنفسها
ولا اللي اتقول يعني خلاص عيوز يعني ماكو احساس؟
ماتبي ريل يدللها؟؟
ماعندها رب مثلا؟؟

والله يعني الجيكره والعيوز تقعد ببيت اهلها
طبعا انتو الحين حاطين ببالكم ان انا جيكره لووووول

ونصيحة حطو ببالكم شغله وحده اتعيشون مرتاحين
**مو كل شي بالدنيا تبينه اتحصلينه**
والقناعه كنز لا يفنى
وانتي اللي عليج اتسوينه حق ريلج
واللي يسوي خير ما يقطه بحررر امي كله اتقولي اللي يسوي خير اجره عند الله ما يضيع مو يقطه بالبحر والله مثل يلوع الجبد لول
ولما اتسوين خير حق ريلج مايصير تتمننين عليه ترا انا سويت ترا انا زهبت ترا طبخت رتبت نظفت شووفني شلون سنعه
انتي اللي عليج اتسوينه والباجي على الله
ومثل ما قلت الله ياخذ ويعطي وعيب نحسد غيرنا على نعمته

ولازم اتقولون اللي يهنيهم ويزيدهم ويعطينا صح ولا مو صححح : )

 

[جروح تنزف]

أحسن شيء نقول اللهم بارك لهم فيما رزقتهم وارزقنا من حيث لا نحتسب يارب ياوهاب أنت الذي توزع الأرزاق على خلقك يارزاق اللهم إنا نسألك من خيري الدنيا والآخرة وبعدين خواتي الله يحفظكم ترى الحسد شين وياكل الأعمال كما تأكل النار الحطب والدنيا هذي فانية لا يغركم زخرفها وهذه الدنيا يا حبيباتي لا تساوي عند الله جناح بعوضة ولو كانت تساوي جناح بعوضة ما سقى الله تعالى الكافر منهاشربة ماء وهي دارابتلاء واختباروليست دار قرار فالله تعالى يبتلينا بالخير والشر ترى حتى النعمة والراحة والوناسة والجمال ابتلاء من الله تعالى ويمكن هالي شايفتها شلقه وبلقه وشينه خلقة وضعت ابتلاء لج ربي بيشوفج تتكلمين فيها أو تحسدينها فأنصحكن ونفسي حبيباتي بتقوى الله تعالى بالسر والعلن وكثرة الإستغفار ودعوا الخلق للخالق اللهم لا تشغلنا إلا بطاعتك واصرف عنا كل من يشغلنا عن طاعتك يا حي يا قيوم

 

[حمرة الورد]

الواحد يسوي الي عليه ويتوكل على الله

 

[lolwah]

واللة اليوم الصبح انا و خالتي نتناقش بهالموضووووووع !!
شرايكم بوحدة تصارخ على ريلها (تبية يجيك عالياهال واهو عندة شغل ) جدام اختها اللي زايرتها وم يقولها اكيد اعصابج تعبانة !! ارتاحي
و فوق كل هذا حدها عادية و عصبية و ادخنننننن !!!!!!!
وحاطة حق عيالها بدي قارد ! و طباخة خاصة حق بنتها !

وعلى قولـة وحـدة تقول أنا ما أدعـي لبناتي االا واقــول (( عســى الله يكبــر حظكــم ))
اللة يرحمج يا يدتي كانت تقول مقوولة بس عييييب (حظج مثل ...) لوول

 

[lolwah]

واللة اليوم الصبح انا و خالتي نتناقش بهالموضووووووع !!
شرايكم بوحدة تصارخ على ريلها (تبية يجيك عالياهال واهو عندة شغل ) جدام اختها اللي زايرتها وم يقولها اكيد اعصابج تعبانة !! ارتاحي
و فوق كل هذا حدها عادية و عصبية و ادخنننننن !!!!!!!
وحاطة حق عيالها بدي قارد ! و طباخة خاصة حق بنتها !

وعلى قولـة وحـدة تقول أنا ما أدعـي لبناتي االا واقــول (( عســى الله يكبــر حظكــم ))
اللة يرحمج يا يدتي كانت كلة تقولي مقوولة بس عييييب (حظج مثل ...) لوول

 

[كويتية صغيرة]

نحن لانحسد احد و لانذم بأحد
و لكن هناك امور انا شخصيا استغرب شلون تصير
يعنى مثلا تلقين وحدة سمعتها صفر و مغازلجية و تلعب على كيفها و بعدين تاخذ احسن الناس ..... بينما بالمقابل البنت اللي ملتزمة و كله بالبيت و مشاويرها محدودة .... محد يدري عنها
انا مو قصدي ان احسد احد كل واحد ورزقه بالدنيا و نصيبه و الله يوفق الجميع
لكن المبادئ و الموازين مقلوبة خصوصا السنوات الأخيرة
يعنى حتى اثناء الخطبة او الزواج
اول كان الرجل لما يتزوج يقول ابي مدرسه علشان ماتخالط رجال ، و ابيها متحجبة ، و ابيها ملتزمة , ابيها تعرف تطبخ و ... و ...
ألحين اولاد الجيل هذا لما يتزوجون شوفي شنو طلباتهم ؟ (ليس الكل و لكن 70% منهم ) شنو طلباتهم .... اول شي يقول ما ابيها دينة حيل و مكمكمة ، و ابي متفتحة و ابي .... و اخر شي تلقينه حاب له وحدة و متعرف عليها و قاعد معاها شكثر وشبعان و بعدين يقول خطبوها لي.

 

[۩۩ الجـــــود ۩۩]

لا قام حظك باعلك واشترالك
وان طاح حظك عزى لحالى وحالك

الدنيا حظوووووووووووووووووظ

 

[julanar]

بصراحه يا اخواتي الكريمات
بهالموقف ما يحضرني إلا المقولة المشهوره اللي تقول :

دنيا حظوظ دنيا حظوظ الله وما حظي معاك
عندي حبيب ماله حبيب الا اللي مادري شنو يجري برضاه
ياليل لدان ياليل لدان
عاشوا عاشوا الكويتيات .. صفقه

 

[ســــــــــما]

بنات انا اكتشفت ان الدلع الزايد ما يفيد مع الريال صدقوني

يعني الزوجه تسوي الواجبات الي عليها واذا ودها تسوي شي زايد على واجباتها خل تسوي بس مو دايمن لان اذا تعود على الشي الزايد الي تسويه راح يصير واجب زايد فوق الواجبات الي عليها واذا نست تسويه مره راح يحاسبها عليه وكأنها مقصره .. هذه حقيقه سئلوني عنها ..

 

[برميتا]

بنات السالفة مو سالفة جيكرة ومتينة
وإلا مو سنعة .. يمكن الريال يحب فيها شغلات
انتو ما تدرون عنها يمكن سوالفها حلوةة ونيسة
مو نكدية مريحته بالفراش دمها خفيف ..

بعدين الريال لي تعود إن كل شي عنده perfect
شي طبيعي على نتفة غلطة بيقلب الدنيا ..
فيه حريم يعبدون رياييلهم عبادة ويقطون روحهم عليه قط
وتنسى روحها وحياتها ورفيجاتها وأهلها عشانه يصير اهو
محور حياتها وهذا ترى غلط!
كل شي لي زاد عن حده ينقلب ضده
إذا انتي معوده ريلج على جذي وذابحة عمرج عليه
ومسوية نفسج خدامة حقه واهوا سي السيد شي طبيعي
بيتعنفق وياخذ من غير لا يعطي ..

فـ نصيحة حبو رياييلكم باعتدال لا إفراط ولا تفريط
وبالنهاية اهي مسئلة تعود انتي عودتيه على شي
لا اتيين تتشكين بالتالي ..

وبعدين بنوتات هالتحلطم وفلانة مو سنعة بس ريلها يموت فيها
وليش احنا جذي هذا ترى حسد ماله اسم ثاني
ديروبالكم من هالشغلة ولا تقارنون كل وحده تشوف شنو الغلط
وتحاول تصلحه مو تحسد فلانه وعلانة..
والسموحة يا خواتي