الحضانه الانجليزيه برميثيه او البلاي جروب او افنان !!

[um_yoyo]

بصراحه كل ما اقرى المواضيع عن المدارس و الحضانات اضييييييييييييييييييع

المهم انا ولدي بدخله حضانه قريبه من البيت عندي 3 اختيارات و على رايكم راح اسجل ولدي
1- بلاي جروب
2-الانجليزيه برميثيه
3-افنان رميثيه


و ياليت تذكرولي الاسباب


انا الي في بالي حيل الحضانه الانجليزيه برميثيه بس ابي رايكم :gathering:

 

[HoOoriah]

توكلي على الله وسجليه بالانجليزيه ثنائيه اللغه

لان الحضانه ممتازه ومديرتها تهبل كانت موجهة انجليزي يعني فاهمه شنو قاعد تدرس اليهال والحضانه ماشالله وايد نظيفه ومدرساتها اجانب ويهتمون بالاطفال وانشالله شهر تسعه بسجل بنتي عندهم لانها الحين صغيره

وانا كنت مسجله ولدي بأفنان بيان الصراحه الحضانه تهبل ماشفت عليها شي وولدي لي يومج يذكرها وساعات اوديه يسلم على مس ساره وشيخه ويهتمون بالطفل بشكل مو طبيعي بس عيبها مو قويه بالانجليزي تركيزهم على العربي اكثر لان اغلب مدرساتهم مصريات.

ولنشالله اكون فدتج حبيبتي

 

[أم أسيل]

الانجليزية ثنائية اللغة في اي منطقة

 

[قطوه^برونزيه]

حبيبتي الانجليزيه ثنائيه اللغه فيها روضه ولا بس حضانه

 

[um_yoyo]

ماعندي فكره باجر بروحلها و اقولكم

 

[أم أسيل]

حبيبتي وين صايره الانجليزيه ثنائية اللغة ومنهجها بريطاني وله امريكي

 

[HoOoriah]

الحضانه الانجليزيه ثنائيه اللغه برميثيه منهجها بريطاني ومافيها روضه ياخذون من عمر سنه واربع شهور إلى اربع سنوات,

وسوري حبيبتي ام يويو اني رديت عندج

موفقين

 

[um_yoyo]

انا رحت الانكليزيه والله حلوه و نظامها بريطاني و صاحبة الحضانه موجوده دايما تشرف عليها بس مشكلتها انها ووحدات مو سنترال يعني ما ادري شلون الوضع بالصيف

الشي الثاني ما فيها روضه

و الوجبات و الملابس عليج


و ماانصح اليهال الي اقل من سنتين يدخلونها لان بشوف عيني اليهال الي عمرهم سنه وشويه نايمين مساكين في دار التلفزيون و الاضاءه مشتغله عليهم و ما كو احد قاعد يمهم و نايمين على الارض !!! هالشي وايد خلاني اكش بس انا ولدي كبير يعني ماراح يحتاج ينام بالحضانه

 

[Ms.RainBow]

السلام عليكم

انا بصراحه بسجل بنتي حق هالسنه بحضانه افنان اللي برميثية
رحت شفتها وعجبني المكان واسلوب المدرسات وشلون يرحبون بالاطفال وشلون يعاملونهم ونظافة المكان
والمساعدات مو فلبينيات ومن ناحية التدريس اشرحتلي شنو يعلمونهم ولما اداوم بنتي بحضر وياها انشالله
و صاحب الحضانه د.ابراهيم الخليفي يعني اكيد التربية ممتازه ومن شدة اهتمامي حضرت اخر محاضرة له واستفدت

اما بلاي قروب بس دخلت الرسبشن وشفت الفلبينيات خذيت البروشور منهم وطلعت بس ماشفتها من داخل وشلون المعامله والتدريس

اما الانجليزية ما سمعت عنها

ومن ناحيتي انا افضل افنان ولج القرار
وانشالله البنات يفيدونج اكثر ويفيدوني

 

[Ms.RainBow]

http://www.afnannursery.com

هذا سايت حضانه افنان

يمكن يفيدج اكثر