الحسو وما ادراك ما الحسو

[layanq8]

السلام عليكم
بصراحه بغيت مساعدتكم هذه مو اول مره لي بالحمل بس ما عمري اكلت الحسو
توني سامعه عنه ممكن تقولولي شنو فايدته واشلون تسوينه

ياريت تفيدوني وشكرا مقدما

 

[بريد لولو]

ماعندى فكره اب اب

 

[layanq8]

افا 11 دشوا وما في ولا وحده ردت علي
شكرا بريد لولو على الرد

 

[ليمار الكويت]

والله تدرين انه انا هذا ثاني مره احمل ولا كليت الحسو ولا ادري شنو فايدته بس ان شالله البنات بفيدونا

 

[بنت الديك]

حبيبتى الحسوا اهم شى بالنفاس عجيب ينضف الرحم عدل لايطوفج

 

[ليمار الكويت]

انزين شلون ايسوووووونه ؟؟؟

 

[mrs_pilot]

الحسو .. على قولة خدامتنا ..black soup ههههههههههه
انا وحدة احبة .. ومن قبل لا اتزوج .. وانا كل ما وحده ولدت .. اشربة
ولما ولدت .. كليوم ريوقي حسو .
ونضفت مبجر الحمدلله .. لي اخر عشر ايام من الاربعين . ما نزل علي ولا شي .. خلللللص كلشي.

 

[Coffee-Girl]

اب

اب

اب

بنات نبي طريقته شلون انسويه وشنو مكوناته

 

[حلم الامس]

للرفع


مااعرف

 

[الشيخه فطامي]

حبايبي امي تقول الحسو اهو حبه رشاد حمرا مع حبه حلوه بس انتو اضبط تروحون الحوااي تقولون له نبي حسو يعطيكم لانه ماراح يضبط اذا تسوونه بالبيت طعمه يصير غير
الا اذا يداتكم او احد كبير يعرف ينظفه او ينقيه بس على طباخه انتي بس تاخذين المكونات الاعشاب عاد تسوينه اكو موضوع عن حسو الكنادره فيه الطريقه
اهو تذوبين زبده او طحين او تحطين عليهم ماي او شكر او تخلينه يطبخ

 

[MoonDiamond]

يبيله حسو......

 

[ليمار الكويت]

انزين انا الحين ماعرفت شلوون اسويه؟؟
ويصير الوحده تاكل حسو وهيا حامل؟؟؟:ggdw:

 

[مراسي الحب]

الحامل ما يصير تاكل حسو

الحسو هو مجموعة أعشاب وبهارات ... تنطبخ بأكثر من طريقة ... في طريقة الشوربة ... وطريقة العصيدة (يسمونها حسو الكنادرة) ... وحسب برنامج ام خالد اتحطون مجموعة البهارات مع اي اكلة تاكلونها ....

طريقة الشوربة انا حطيتها في موضوع الحسو...

وبصراحة انصح تاخذونه من ام خالد اللي عندنا في المنتدى ... ما شاء الله يمدحون شغلها واااايد .... وفي واحدة هم في المنتدى طرشت لي رقم واحدة اتسوي الحسو جاهز ... اللي تبي اعطيها اياه .. بس بصراحة ما جربت شغلها ...

لما ولدت بنتي كنت اخلط الحسو الشوربة مع الحليب لأني ما حبيت طعمها ... مع الحليب تنجرع هههههههه ... وبجرب هالمرة اسويه عصيدة

 

[مراسي الحب]

http://www.q8yat.net/showthread.php?t=355664

هذا اللنك اللي فيه وصفة الحسو

 

[sOkOnOnO]

الحسو للنفاس مو زين حق الحامل
و آنا أموت عليه من قبل لا أتزوج بس ديروبالكم ترى موزين حق البواسير بعد الولاده لأنه حاااار

 

[sOkOnOnO]

بنات العصيده يهبّلللللللللللللللللل

 

[ألوي الكويت]

ولا مره جربته

 

[<<لمار>>]

الحسو ينظف الرحم ويقوى الظهر وهذا حجى الحريم الكبار بس انا ماشوفة يسوى شى

 

[ليمار الكويت]

انزين يأثر على الحليب لاني ارضع طبيعي؟؟؟؟؟

 

[مراسي الحب]

ليمار ... يساعد على در الحليب الحلبة والرشاد يساعدون على الرضاعة