الحسد

[diamond doll]

السلام عليكم

بنات بصراحة انا ماكنت اؤمن بالحسد حيل حسيته شي عادي بس بعد ماصارت لي مواقف مع ناس لدرجه حتى هني بالمتندى قمت اخاف

مووقصدي ان في بنات عيونهم حاره او شي لان الحسد انواع في بنات مو قصدهم يحسدون بس جذي يحسدون وفي ناس يبون يحسدون بس مايقدرون


ابيكم تساعدووني شلون اتخلص من هالمشكله ؟

 

[مرآإيم ~]

لاإله الا الله محمد رسول الله ،،​

لا تحاتين حبيبتي بس اذا بتطلعين مكان وتخافين على عمرج ..​

آحسسن حل الرقيه ،، ارقي نفسج بنفسج ،، وحتى وانتي قاعده وماعندج شي ،،​

والله يحفظج من الحسد ياعممريَ ،،، ماعليج شر ان شاءالله ،،​

 

[what's up]

تعوذي من بليس و اقري ايه الكرسي

 

[جروح ودموع]

حصني نفسج قبل لا تروحين اي مكان والله الحين الناس اعوذ بالله تحسد الميت على موتة اليمعه يكافينا الشر

 

[googoosh]

حبيبتي ترى الناس اللي يقطون كل شي على الحسد اكثر ناس يتعبون بحياتهم .. والله في ناس فيهم فوبيا من الحسد .. يخافون الناس تحسدهم على اقل الاشياء .. انتي سوي اللي عليج حصني نفسج و اقري المعوذات و بس .. حاولي ما تربطين اي شي يصيرلج بالحسد و الله يوفقج

 

[The Peace]

رايي من رايي البنـات اقري على نفسج المعوذات ومسحي على جسمج وحاولي ما اطالعيين الاشياء اللي تلفت يعني لو شعرج طوييل لمييه ولا مثلآ جسمج مخصر جدآم النـاس الغراب او اللي شوي بعاد لبسسي وسيع يعني جذي .. اتمنى اكون افدتج
ادعيلي ان الله يحقق اللي في بالي يـا رب

 

[bal8es]

قبل يومين حطيت موضوع عن نفس هالشي
اي والله حتى بالمنتدى ما سلمنا مثل ما قالو البنات ما لنا غير نحصن روحنا ونخلي الي جدامنا يذكر الله غصب
قبل فتره كنت مسويه ليزر حق ويهي و تو كان صافي شحلاته شافتني وحده جان تنط بويهي شمسوويه ويهج صاافي !!! كانت يمي وحده زفتها قالت لها ذكري الله وعقب ما راحت قالت لي ليش ما زفيتيها قلت لها مو قصدها والله العظيم بس رديت البيت ويهي قب وحساسيه ونترس حبوب !!

الله كريم

 

[miss lulu]

اي والله الحسد شي مو طبيعي انتي ارقي نفسج وتوكلي على الله
الله يسامحهم الي يحسدون
بنات اذكرو ربكم لما تشوفون شي حلو

 

[بشاير الميموني]

لا اله الا الله..

حصني نفسج وتوكلي على ربج الله الحافظ سبحانه...

عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفتالصحف...

 

[mf6nt el3lat]

حصني نفسج حبيبتي
والحسسسسسد اعوذ بالله مشكله وأحسه ابتلاااااااء للناس الله يعينهم على أنفسهم :$

 

[diamond doll]

مشكورين بنات على ردودكم وايد ساعدتني والله يبعد عنا الحاسدين

 

[مسك حياتي]

اقري اذكار الصباح و المساء ...

 

[ام زهقانه]

الرقيه الشرعيه كل يوم قبل المناسبات