الحسبة بعد الولادة القيصيرية بلييييز

[م.موون]

السلام عليكم و رحمة الله و بركاته....

شلونكم خواتي شخباركم ان شاء الله مو تعبانين من الحمال

عسى الله يهون علينا يارب

بغيت استفسر عن شغلة انا ولدت قيصرية تاريخ 5/2/2010 السنة الي طافت و حملت عقب الولادة بخمس اشهر شلون اعرف وضعي لان الناس يقولون لازم عقب ست 6 شهور و الي يقول سنة و الباجي يقولون لازم يكون الفرق بين الولادتين سنة ....

يعني شلون احسب ؟؟ احسب اشكثر حملت من عقب القيصرية او احسب متى بتكون ولادتي عشان اطمن اكثر ؟؟
انا كل خوفي من الجرح اخاف انه يتاثر مع كبر البطن او مع الولادة
شاكرتلكم بعد عمري

 

[الأميرة جوري]

رد : الحسبة بعد الولادة القيصيرية بلييييز

لرفع

 

[@ام يوسف@]

رد : الحسبة بعد الولادة القيصيرية بلييييز

الله يهون عليج وتولدين بالسلامه

 

[Om_3bady]

لا حبيبتي عادي وايد بنات حملوا بعد القيصريه باشهر والحمدلله ولدوا طبيعي ومافيهم الا العافيه


الله يسهل عليج يارب

 

[الباحثات عن الجمال]

إن شاء الله ما في تأثير توكلي على الله .

 

[<<لمار>>]

ان شاء الله ماعليج الا العافية استشيرى الطبيب احسن

 

[موريا آدم]

رد : الحسبة بعد الولادة القيصيرية بلييييز

حبيبتى ماتخافى
اخوات كتير بيحملون بعد الولادة القيصرى بوقت قصير مثل شهرين بيولدوا من دون اى مضاعفات او مشاكل
ربنا يقومك بالسلامة حبيبتى ويرزقك الذرية الصالحة

 

["*آآآنؤؤؤقهـ*"]

رد : الحسبة بعد الولادة القيصيرية بلييييز

شكثر حملو وولدووو مافيهم الا العافيه الله يهون علييكم

 

[miss-fofo]

شوفي انا ما ابي اخرعج

انا الحين حامل وموصله كلش موعدي باجر

ولادتي الاولى قيصريه وحملت عقب الولاده بسنتين بالضبط يعني وقت الولاده راح يصيرلي سنتين و9 اشهر

خل اقولج شقالولي انا راجعت بالسلام عند دكتوري الي ولدني

واراجع بالصباح

كلهم قالولي نفس الكلام

(( اي وحده عندها ولاده قيصريه وحملت مره ثانيه يخافون على الجرح انه يتبطل خصوصا الي ماصارلها سنتين من الولاده

وطبعا ما تتبطل الا في عده اشياء اذا صارت منها تعسر الولاده كبر حجم البيبي الطلق الصناعي هذا ماراح يستعملونه عشان لا تتعسر الولاده

اذا انوجد شي من هالاشياء على طول راح يدخلونج قيصريه ماراح يخلونج تطلقين وايد لان اذا تبطلت العمليه لاسمح الله راح تخسر الرحم والجنين))

وانا هذا الي خوفني وقلت حق الدكتور عيل ابي من الحين اطلب قيصريه قالي عادي لان خاص بسرعه رضه

بس الي بالصباح قالتلي لا خل ننطر هذا شي نااااااادر مايصير واحنا ماراح نخليج راح نوقف على راسج والاوضاع ليليحين كلشي اوكي

وانتي اكثر من سنتين فلا تخافين وانا خذيت بكلامها

يعني حتن انتي لا تخافين اذا في شي راح يتابعونج مايخلون يصيرلج شي

وانشالله اكون افدتج

والله يسهل علي وعليج وعلى كل حامل

ويرزق كل محرومه

 

[م.موون]

ك
مشكورين خواتي ماااااقصرتو يعطيكم الف عافية...
اختي مس فوفو انا نفسج اراجع بالمواساة و الصباح و بالمكانين قالولي راح نعطيج مجال بس مجالج قليل يعني لا طلق صناعي و لا شي بس انا مو فرق سنتين انا على ولادتي ان شاء الله اكون سنة و شهر تقريبا ...
امي امس تقولي سوي قيصرية دامج خايفة و متوترة
الله يكتب مافيه الخير يارب

 

[عبير الكويت%%]

:n2006107:

 

[دآنة آلرشآيده]

مادري ماجربت القيصريه الحمدلله
بس اختي ولدت بجرها قيصريه وقعدت سنتين
وحملت بثاني بيبي كانت تاخذ حبوب لانها تخاف على عمليتها

 

[بيبي بدر]

انا ولدت قيصريه بالاول ويوم ولدت الثاني كان ولدي عمره 3 ونص يعني فرق كبير واخر شي سويت عمليه لان تعبت وخافوا لايتبطل الجرح والله يهون عليج يارب

 

[Chic & Unique]

انا ولدت بتاريخ 2/2/2010 و لين الحين ماحملت الصراحه اخاف ان شاء الله كلام البنات طمنج

و اب لعيونج

 

[عبير الكويت%%]

:gr4uu:

 

[kuwatiya]

انشالله ماكوو إلا العافيه وهذي ارزاق بيد رب العالمين يقسمها على الناس

توكلي على الله وماكووو غير الله احد وحده عن وحده تفرق


والله يسهل عليج وعلينا يااااارب


.​