الحزن هد كل شي فيني

[شقيانه]

خلاص انفاسي حبيبتي شكلج اليوم مشغولة حببتي باجر انطر جدولج في الانتظار وذا قدرت اليوم كان بها

 

[كولوراديه]

الله يهديه

 

[bent_36a]

لا حول ولا قوة الا بالله اش سويتي مع زوجج اختي شقيانه؟

 

[البندري22]

الله يردج لريلج حبيبتي والله ادعيلج من قلبي


وصراحه انفاسي عجيبه ملح الموضوع اسلوبج حلو والله يجزاج خير باللي تسعين فيه

 

[pretty sarona]

الله يعينج ,, الله يفرجها عليج يا رب و يهدي لج ريلج

 

[عاشقة تراب ديرتي]

لاحول ولاقوة الا بالله ... الله يكون بعونج ويهديه ان شاء الله
حبيبتي مالج غير الدعااااااااااااااااااااااااااااااااااااااء

 

[انفاسي]

الله يجزاج خير على هالدعوه الحلوه شوفي انا تخصصى حنه ماينام زوجى وهو زعلان اضحكه بعدين انتفاهم الزبده الجدول كالتالي مده يومين دزيله نكت ضحكيه يعني نوع من انواع التمهيد دزيله بعدين صور عياله بعدين احاديث او اقوال مثل رفقا بالقوارير او المسلم لا يهجر اخاه اكثر من ثلاث ايام وقولى له انج ناطرته يدق اذا مادق عطيه يوم دزى مسج اذا ما تبيني انا ابيك يلا انتي ابتدي بالمسج الاول وراح تلقين كل شى سهل حتى لو صدج لاتكبر ابراسج اذكرى له الزينه وقولي يستاهل ابو فلان ماتدرين لو افكر نفس تفكيرج اذا كل هذا ما نفع خليج صريحه سيدا دقي عليه وقولي له ابو افلان انا ابي اتفاهم وياك انا غلطانه مفروض ما طلعت من البيت لكن ضروري اشوفك برى البيت شقيانه انا عندي 7 اطفال وزوجي يحبني يموت فيني وعمره ما صرخ علي كل زعلنا سكاتي وعرف مكانتي عدل لكن ادري الف بالميه لو اطلع بروحى ماراح يجيبني مع انه مايزعلني وفي عيوني هو احسن الرياجيل وحنون وصج انه مايسوي شى يستاها الطلعه لكن مزاجه صعب وزعول عشان جذيه اتحاشى اني ازعله واذا زعل اصير درل يقول انتي اطيب مني الضحك والابتسامه بين الزوجين اتلين الحديد حسبي الله على ابليسج يلا دقي علي الرجال على قوله عجايزنا يا مهشوله واهم شى امج وخواتج لا يدرون عن الجدول اتعرفين لاتكلمينه اتقطين عمرج عليه وهالسوالف عقلج براسج تعرفي خلاصج مابقى مسرحيه ما قلتها لج انا وبناتي طق وطقيق على الاب توب عشان جذيه اغط عرفت له وابتلشو فيني

 

[انفاسي]

شقيانه وىنج بشرى عسى غاطه بخير والا لي الحين نايمه مو لو انتي في بيتج جان مصحصحه قوووووووووووميييييي

 

[المبدعة]

الله يعينج

والله الرياييل صاروا يخوفون مالهم امان

وانت قاعدة بيتج و هو يمج وتحسين جنه بديرة ثانية

 

[انفاسي]

لي الحين نايمه قومييييييييييييييييي

 

[شقيانه]

هلا هلا بانفاسي واللة التهيت طول اليوم كنت عند اختي اليوم ولدت الجدول انشاللة ياليت اقدر اسوية

 

[زمن2008]

انا راح اكلمج بصراحه ياخت شقيانه بس ابي منج تكونين صريحهلي كم نقطه ابي جوابهم وانشلله مايكون الاكل خير ونقدر نتلاحق الموقف قبل لايتطور
1-علاقتكم الخاصههل حدث فيها اختلاف قبل فترة من زعلج
2-زوجج هل يوصل البيت متاخر دايما
3-عندج اي ملاحظات على لبسه واهتمامه تغير للاحسن او للساوا
4-علاقتج بهله هل متوترة ولازينه
5-هل لاحظتي تقسير منه بمصروفج ونفقات البيت مؤخرا
6-هل واجهتي بشكوكج فيه ولاسكتي
7-هل زوجج رومانسي ولا شخصيه جاده
8-هل زوجج نشط جنسيا ولا بارد
9-هل لاحظتي على زوجج انه فتح حساب جديد بالبنك ولا قام يوفر لنفسه
10-هل كلمج عن رغبته بشراء بيت ولا ملك خاص غير الي تسكنونه حاليا
11-في علاقتكم الخاصه هل تبادرين انتي ولاهو وكم مرة بالاسبوع

 

[♥ąϻᴑŁ♥]

حبيبتي الله يعينج

بس لازم ادخلين احد بالسالفه ..

يكلمه ويفهم شاللي صاير ..!

موحاله انتي في بيت واهو في بيت ..

 

[انفاسي]

هلا شقيانه اتصدقين اشتقت لج لا اتاجلبن يلا ابتدى باول نكته ترى الوقت مو متاخر انا ناطرتج يلا شطوره اى تذكرت حمد الله على سلامة اختج الفال لج اتردين واتحملين ابسرعه

 

[انفاسي]

الظاهر انا وياج القطوو الفار

 

[البندري22]

كتبت رد شطــــــــــــــــــــوله وانمسح



عموما تستاهلين اللي يتعب روحه عشانج:tomato2:



حبيبتي انا اايد انفاسي في انج تبادرين وتدزين مسجات بس ما اايد سالفة النكت


تدرين ليش لانه احتمال كبيـــــــــــــــــــر يعصب ويزعل


ويكون الموقف تعقد اكثر


حبيبتي انتي غلطتي اكبر غلط لما طلعتي من بيتج من مملكتج الخـــــــــــــــــــــاصه

انا ما اايد ان المرة تطلع من بيتها الا اذا كان الطلاق هو الحل الاخير اللي هو ابغض الحلال

اما سالفة انج تطلعين من بيتج على بو بتأدبينه وكل الناس تدري فيكم وتجرحينه وتحرجينه جدام اهله واهلج وكل الناس بزعلج وتقعدين مده بعدين انتي تردين اهو اهو يردج انا ما اايدها كلش


دام الطلاق مو براسج ليش طلعتي من بيتج ليش ماحليتي الامور بينكم ؟؟؟؟؟؟؟؟؟


انتي حتى لو كان الحق معاج بزعلج مع اني ما ادري ليش زعلانه ولايخصني اني ادري بس انتي ضيعتي حقج وركبتي نفسج الغلط


ليش تروحين لاهلج وتشمتين العدوان فيج ليش تجرحينه جذيه هل اللي سواه يستاهل انج تجرحينه كل هالجرح

ترى اللي سويتيه مو شوي

وصج انه بعد غلطان اللي خلاج كل هالمده بس الرجال لما يحس انه انجرح مايحب يبادر يحس انه يهين نفسه

حبيبتي تخيلي لو بداية السالفة وانتي معصبه تحسفتي وقلتيله نكته اهنيه الاحتمال 50 بالامية يطيح الحطب

بس انج الحين بعد الزعل وروحتج لاهلج وقعدتج عندهم والناس كلها درت تدزين نكته وكأن شيئا لم يكن

فاحتمال 1 بالامية هذا اذا مو صفر بالامية يطيح الحطب

بيقول هذي شنو ما اثر فيها فراقي ولاحاسه بغلطها تبيني اسامح وجن شي ماصار!!!

 

[البندري22]

حبيبتي انتي لما ماحليتي الموضوع ببدايته صعبتيه وصار الحل صعب وبروحتج لاهلج صار اصعب والمده اللي قعدتيها بدون حل كل ما زادت المده كل مازادت الصعوبه



ياوخيتي انا انصحج انج تبادرين وتردين زوجج احسن من لا يطير من ايدج

اذا تحبينه وتبينه بادري ولاتنطرين انه يبادر لانج انتي غلطتي غلطة فادحه زين اذا سامحج عليها لاتستهين بطلعتج وروحتج لاهلج والناس درت وحرمتي عيالج من ابوهم وحرمتيه منهم وحرمتيه منج شنو هالعقاب هذا ليش قلبج قاسي جذيه على ابو عيالج


تراج جرحتيه وغلطتي بحقه ولازم تبادرين


انا ما اقول ذلي نفسج بس بادري بالشي اللي يحفظ كرامتج وكرامته


دزيله مسجات شوق بينيله ان حياتج بدونه ماتسوى وان الشي الغالي تبين قيمته لافقده الشخص حسسيه انه شخص مهم بحياتج وان فراقه لعب فيج لعب وخلاج من هم لي هم


او دقي وابجي وقولي فراقك ذبحني كوني صريحه معاه


قولي انا زعلانه منك وشايله بخاطري بس فراقك ذبحني خلاني انسى الزعل وانسى كل شي تكفى لا تغلط علي عشان ما ازعل واتعذب هالمره صابت معاك ورجعت بس المره الثانية يمكن ادوس على قلبي وما ارجع راجع حساباتك ولاتزعلني ولا ازعلك دامنا نحب بعض ومرتبطين بعيال مالهم ذنب ينحرمون منا



حبيبتي اذا زعلج كلامي انا اسفه بس والله العظيم كاسره خاطري وودي يرجع شملكم

 

[brettey]

وانتي عبالج كل الي يسافرون مع ازواجهم مرتاحين ؟
يا قلبي عليج بصلاه الليل والدعاء والاستغفار
عسى ربي يحقق لج كل الي في بالج

 

[انفاسي]

شكلج مشغوله يارب كلمتيه

 

[ليالي نجد]

مالج الا الصبر والدعااااااااااااااااااااء ثم الدعاااااء

عسى الله يسخره لج ويهديه