الحزن هد كل شي فيني

[@ الحلوة @]

الله يهداش المرة لو شنو ما تهد بيتها .......
وبطلعتج ياخذ راحتة اذا عنده شى وشاكه المفروض ما تهدين بيتج والله انا اعرف وحده لما درت ان ريلها يكلم طلعت وهدت البيت وخذت عيالها وهو ما صدق والله تزوج الثانية بحجة ان هو عايش بروحه بالبيت ويبى مرة تهتم فيه
والوحدة اهى اتيب البلاوى على روحها
والله يعينج وحاولى تردين مثل ما قدرتى بطلعتج نقدرين بردتج وانتى مرة على مرة تنازلى واللة يتعلم وترى بين الزوجة والزوج ماكو كرامة بس الرجل الشرقى عند شوى كبرياء واقولج شى ترى كلنا عانينا بحياتنا وانا كنت اتاسف على شى بسيط وشى مو بسيط كلمة اسسسسسسفة بلسانى حتى بالغشمرة واللة فى احد المواقف قالها اسف واللة على التعود واكيد بتتعبين لما تعودين زوجج وابو عيالج مثل ما تتعبين بتربية اعيالج
نصيحة ردى لبتج ومملكتج.......
والله يهديى سركم اااااااامين يارب

 

[شقيانه]

ى خيرمع السلامة بنات وتصبحون على الف خير انشاللة وباجر القاكم على خير

 

[نفيشه]

والله انا ما اعرف شي عن ريلج بس انا حسيت من كلامج انتي انه شاريج
يعني فكري فيها ليش للحين ما طلق؟؟ صار لكم فترة مو قصيرة!!! لو واحد ثاني جان طلق وخلص
لكن اهو راضي بوضع مو مريح كلش بس علشان لا يهد هالبيت
ويمكن معورين قلبه عياله بعد لا تحكمين عليه انه ما يبيهم
الريال قاعد يكاااااااااااااابر وما راح ينزل روحه وايي يعتذر
يعني شنو احسن ريال كلمة وترك يقول لج اسف ويعيد الشي مليون مرة ماعنده مشكلة لانه بيرد ويقول اسف مو خسران شي
ولا ريال مو عارف شيسوي ومتوهق وحاس بالذنب وماله ويه يعتذر؟؟
المهم النتيجة مو المهم اسف
وبعدين اي شي يسويه حق عياله لو اتصال قدريه وحسسيه انج مقدرة هالشي وحسسيه بالاحترام
مختلفين وزعلانين اوكي بس انا احترمك واقدرك
الريال يبي احد ينفخه ترى
ويوصله السما
شيميه علشان يتعدل
لا تتوقعين لي ريدتوا بيرد انسان ثاني على طووووول لكن السالفة تصير على خطوات
الخطوة الاولى انج تقدرين تردين بيتج عقب كل هالمشاكل
وتجنبي المشاكل كلش لا تخلين شي يتسبب بانفعال المهم راحة اليهال وانه يحس بالفرق بردتكم
لا تخلينه يتحسف انكم رديتوا
وبعدين احنا حريم وعادي نرد بكلامنا مو رياييل
انتي كنتي زعلانة والحين هديتي ورديتي
اصلا بيستانس لي قلتي له احبك وما استغني عنك ما راح يزعل من هالشي ويقول قاطة روحها لا يمكن اصلا من يعاااااف؟؟مرته وتحبه وتبيه عقب كل اللي صار
ان شاء الله بيبين بعينه
المرحلة الثانية خلي جو البيت جاذب ومريح وحلو
ضحك اليهال ولعبهم وابتسامة منج
المرحلة الثالثة اشتغلي على علاقتج الحميمة بريلج
يعني حتى لو تغصبتيها اول الايام بس خليه يتعود عليج
الريال اذا شبع ببيته ما يروح ياكل بره صدقيني
لا يطلع من البيت معصب ترى اي وحده بطريجه بتفر راسه
حتى لو ضغطتي على روحج طيبي خاطره وخل يطلع
واستلميه بهالفترة مسجات وتحرش وخليه يتخيلج يمه علشان لا يعلا مني ولا مناك
خلج شاطرة
عامليه بحي مو على انه ريلج وفي واجبات السالفة مو عسكرية
حطي ببالج هالريال اييب راسه يعني اييب راسه
هالمرة مانفع حطي خطه ثانية
ولي شفتي النتيجة بتحسين بالنصرررررررر


وعندي لج نصيحة اذا توهقتي بموقف وماعرفتي تتصرفين او ياتج ردة فعل ماتوقعتيها الزمي الاستغفااااااااار
يعني لا تتكلمين .. لا تعصبين .. لا تردين .. بس استغفري ..<<< وعقبها راح تشوفين شلون ربج بيفرجها ماتدرين شلون
والله يا اختي انا مجربة الاستغفار عجيب عجيب مو شي بسيط بس احنا مانعرف قيمته

 

[انفاسي]

السلام عليكم توني امخلصه عندي غدا سمج عمى الي عازم ابو زوجي المهم شخباركم يابنات حنو على شقيانه لاتخلونها لين ترد تكفين ياشقيانه طالبتج طلبه انج اطيحين الي في راسج اغسلى ادينج انه اتنازل مو عيب انتي اطيب صدقيني ما راح ينساها وتكبرين بعينه دامه لاهو راعى خرابيط ترى بعض الرياجيل اقذر من القذاره او حريمهم صابرات لا ويتمدحون فيهم بعد صدقيني صار لوحده من العيله نفس الشى كشت فيها ومشت على الي قلت لها دقت عليه من غير لا تدرى امها وقالت له انها عازمته على عشا برى مو مسج اذا يقدر يطلعها وفعلا مر عليها وطلع معاها وطيحت بالحجى الحلو كل الي في راسه وقالت لامها انه هو الي دق عليها لا من شاف ولا من درى احمدى ربج اهم شى لاخمار ولا بخيل ولايهين ولا طقاق اطراق واحد عديها هالمره اشدعوه ما راضاج قبل انتي اقضبيه وتالي يصيرخير الحسي عقله انتا جيت شهقه يا رمضان اعلمج بس اصبعي عورني من الكتابه

 

[عشقي خالد]

حبيبتي لا تدخلين أحد ودام أبوج عصبي لا تفكرين آنا أقول صبري شوي وعليج بالدعاء وكثرة الإستغفار ولا حول ولا قوة إلا بالله بس لاتدقين عليه دامج نطرتي طول هالمده نطري والصبر مفتاح الفرج وعليج بقراءة سورة ياسين إقريها بنية الحاجه وصدقيني من إتكل على ربه كفاه والله يسخره لج بس لاااااااااااا تدقين خلي نفسج أطول من نفسه

 

[dlo3a81]

خل اهلج يكلمونه لان اللي يسويه عيب انه يقط مرته وعياله عند اهلها اذا مايبيج يقول ولا يعلقج جذي.

 

[بناتي حبيباتي]

بنات نصيحه مني لكم

مهما زعلتو ومهما كبرت المشاكل اللي بينكم

لا تطلعون من عتبة باب بيتكم

بيتكم مملكتكم فحافضو على استمرارية الحياة الزوجيه

وتذكرو ان في باب بالجنه ما يدخله الا الصابرون في الدنيا واسمه باب الصبر

 

[nice-girl]

دزيله ما مسج قزليله ما وحشتك يا حبيبي بعد هالغيبه الطويله
ترة ما فيها شي لي بديتي اهوه ريلج ابو عيالج
انتي تبينه من داخلج
والله يسخره لج

 

[انفاسي]

يا بنات خليكم محضر خير لو انتو ما صبرتو يا هول الحريم هولاه لما اطلعت ما شاورت اهلها الحين اتشاورهم عشان صج تصير سالفة كرامه عزالله ما نصحتوها يمديكم اتحرقون رياجيلكم بالمسجات المره ابخص برجالها وهى اتعرف عدل اذا هو زين والالا ترى كل يوم اعدي يزيد القلب قساوه ويتعود على الصد قولي اللهم اشرح لى صدري ويسر لي امرى واحلل عقدة من لساني لكي يفقه قلبي اللهم امين قووووووووولللوووووو اااااااامييييييييييين

 

[أزينكم]

طلبي ربج وبسسسسسسسسس
لا تملين من الدعاء
خيرته ربي بيسوقه لج بسبب الدعاء غصبن عنه امن يابته

 

[اخت فروحه]

اختي اذا ريلج زين من النواحي الثانية وانتي شاريته لا تكابرين ولا تخلينه حق هالاشكال اللي بالنت
خلج اشطر من جذي وبينكم عيال حرام
مدام قال ترد بروحها ردي وجنه العيد
روحي السوق واخذي لج ملابس يديدة وروحي الصالون تسنعي وردي بلوك يديد ونفسية يديدة ولا تنكدين على روحج العمر واحد
وقعدي على قلبه لا تعطينه فرصة للخرابيط مرده بيمل واللي عنده بتمل بعد لي شافتج مو معطيته المجال
لزقي فيه وقولي له احبك وما اصبر عنك وانا كنت بغير جو عقب الحمال هرموناتي متلخبطة بس ما استغني عنك
اذا قدرتي تردين وتطيحين الحطب معناته انتي اللي ربحتي
ساعتها ابتدي ضبطيه شوي شوي
اذا الريال زيننوعا ما لا تكابرين قعدي على قلبه انتي وعيالج اولى
وطبيعي ما راح يسال عنهم منحرج ومتوهق
والريال ما يبادر
انتي قولي له اليهال يبونك وولهوا عليك شرايك تمرهم؟؟
بيستاننس اكيد فقدهم بس معاند

انا هذا رايي الشخصي ولو كنت مكانج كنت بتعب على حياتي وما راح اقول كرامتي
كرامتي لي رديت بيتي ومكاني هني اثبتت ان لي كرامة ووجود

عين العقل

وعمر الزوج مايبادر بالاعتذار دايما المرة اهي اللي تبادر وتضحي بصراحة اختي انتي غلطانه وحيل تكابرين
حافظي لى بيتج وحياتج ولاتعطين فرصة لغيرج ترى البعيد عن العين بعيد عن القلب ديري بالج

 

[شقيانه]

هلا واللة في كل الي ردوا علي انا تو قبل شوي قاعدة من النوم من عقب سهرتي معاكم وبعد كملها ولدي قعد علي وتون الحين شفت ردودكم واللة كلكم على راسي صج اعتبرتكم نفس خوات واللة الشاهد بالعافية عليج الغدى ياانفاسي واللة من امس ونا فكر شلون انا الي ابدا واللة احس تعبت من التفكير زين ليش هو مافكر لى الاقل يشوف اعيالة واللة انهم اكبرو وهو مايدري الدنيا صاكة فيني واللة

 

[بساط الريح]

الله يعينج يارب ويسخرلج زوجج ويرجعلج يارب عشان هالعيال اللي مالهم ذنب

 

[انفاسي]

قوه شقيانه عندي لج جدول زمني اذا اتبعتيه انشالله اتردين باقرب فرصه سامحيني انا لهيت تعرفين البيت

 

[*ام حمد*]

شسوي ابوي عصبي ماابية يتدخل وبعدين ان انطر تجي منة ابية يحس اني ميتة علية

لي متي تنظرين يعني؟؟!!!

لازم تحطين لج حد ولازم احد يحاجيه شنو يعني 6 اشهر قاعده فبيت ابوج:eh_s(14):

 

[Yellow]

حبيبتي مافي شي اسمه كرامه بين الزوحين

توكلي على الله .. ودزيله مسج .. رد (( الحمدالله )) .. مارد (( الله كريم )) ..

وكل ماضاق خلقج قومي وتوضي واقري سورة البقره ترااهاااااا عظيمه ومفعولها سحري (( سبحان الله ))

وبشرينا

++++++++++


الحبيبه 1974 هههههههه الحمدالله ماتفشلنا ردت علينا ههههه​

 

[شقيانه]

هلا واللة بانفاسي تون شفت ردج كان عندنا عشى وناس تصدقين واللة ماكان لي خلق اطلع لو ماحتت علي اختي جان ماطلعت قالتلي قوم تسبحي ودقي على الصالونة تسوي شعرج بس اسوية ونا مالي نفس واللة مالي خلق على الناس احس فيني نقص بس ياللة ياللة يا انفاسي لحقيني بالجدول الي عندج حرم اللة وجهج على النار ياعمري بنات سامحوني اذا تاحرت بالرد

 

[شقيانه]

حبيبتي مافي شي اسمه كرامه بين الزوحين

توكلي على الله .. ودزيله مسج .. رد (( الحمدالله )) .. مارد (( الله كريم )) ..

وكل ماضاق خلقج قومي وتوضي واقري سورة البقره ترااهاااااا عظيمه ومفعولها سحري (( سبحان الله ))

وبشرينا

++++++++++


الحبيبه 1974 هههههههه الحمدالله ماتفشلنا ردت علينا ههههه​

مشكورة ياعمري على النصيحة ياغزالان واللة هذا مصبرني

 

[الهما]

حبيبتي امنت غلطاننه انج فضيتيلها الجو و زعلتي ....
لكن مدام صاار هالشي ...طرشو عليه احد يفهمه انج تبينه و تحبينه ويقولها انت بس تعااال عاد في الف حيله و حييلة بس على الاقل يجي بيت اهلج يراضييج.... و لمن تصيرين عنده غيري حياتج تغير جذري ..و تبين نصيحتي اذا لزم الامر انت دقي
موو عيب و لا اذلال بالعكس ابدي بالطيب لا تدخلين عليه بالعتب و الشره و انك لك جم شهر ما دقيت و لا سالت لالالا دخلي عليه من باب انج اشتقتيله و انج خفتي من فكرة الانفصال قوليله كل يوم ابجي اشوف عيالنا و اتحسر الكل مع امه و ابووه الا عيالي و الله بيصير فيهم عقد نفسية ...و جذيه سوالف جيبي طاري العيال بيعروة قلبه قوليله انت شنو في بالك لي متى تبينا نظل جذيه...يمكن بيكون رده جااف و بااارد تحملي و توقعي بس والله اذا ما فاد المطراش انت اتصلي او ابدي بمسج
و ترا مو الكل مسافر
عندج انا قاعده في البيت

 

[شقيانه]

انفاسي وينج مو شابكة