الحزن هد كل شي فيني

[شقيانه]

السلام عليكم بنات شلونكم وشخباركم واللة واللة اكتب لكم وانا متحسرة على وايامي وعطلتي الي راحت علي ونا قاعدة في بيت اهلي وكل وحدة مع مسافرة مع زوجها الا انا اللهم لاحسد اللة يهنيهم بس اتمنى اصير نفسهم مابي اطول عليكم انا كتبت قصتي طالبتكم طلبة وقتلكم اني قاعدة بيت اهلي بدش الشهر السادس وهو ولا سال ولا اتصل عنيد مايحب يذل نفسة يقول بنات بللة عليكم شفت نظريتة عند الي يراضي زوجتة يذل نفسة وحتى عيالة ماسال عنهم واللة تعبت من الانتظار اقول كل يوم اللة يهددية ويدق وتصدقون بعد قاعدة احاتي ولدي جبتة على الشهر السابع احاتي مراجعاتة كل الهم شايلتة على راسي وهو بس يحب الابتوب بنات شاكة عندة علاقة علشان جذية تغير

 

[كاسندرا]

ااااااااااصبري

 

[القلب الصافي]

الله يعينج اختي ويسخره لج بس شوفي أحد كبير يكلمه مايصير جذي حالكم انتي وعيالج !!!!!!!!

 

[شقيانه]

الة يجزاج خير يالقلب الصافي واللة تعبت من الانتظار اهلة كلموة وابة كلمة يقول ماراح اردة هي طلعت من كيفة وترد من كيفة ماكو فايدة فية

 

[غرشة عطر]

خلي احد يكلمه عايش بروحه مايصير عنده زوجه واعيال لازم يفكر فيهم




لاحول الله شي يغث صراحه والله يسعدج يارب دنيا واخره وصلي الليل وادعي ربج وماراح يخليج

 

[ShoOog el3YoOoN]

خلي ابووج او أخوج العود يكلمه يقووله شنو مرتك قااعده عندنا لي متى ويتفاهم معاا .. مايصير انتي ساكته واهو ساكت واهلج ساكتين واهله ساكتيين حراااام .. اقل شي عشان اليهاال

 

[شقيانه]

بنات ردو علي تكفون محتاجة لكم واللة بس ساءلة عن ليلة حمرا جان رديتو علي بسرعة

 

[نونو حياتي]

الصبر مفتاح الفرج ..اقري سورة البقرة كل يوم وادعي في صلاة الفجر ان شاء الله الله يفرح قلبج ويجمع شملكم يا رب

 

[شقيانه]

خلي ابووج او أخوج العود يكلمه يقووله شنو مرتك قااعده عندنا لي متى ويتفاهم معاا .. مايصير انتي ساكته واهو ساكت واهلج ساكتين واهله ساكتيين حراااام .. اقل شي عشان اليهاال

شسوي ابوي عصبي ماابية يتدخل وبعدين ان انطر تجي منة ابية يحس اني ميتة علية

 

[الماس2008]

 

[روابي الحب]

الي صابر طول هالفتره اكيد في احد بحياته بس حتا لو في ليش ما يحب عياله لازم احد من العايله يتدخل يقوله يبه ما يصير اتخليها جذي شنو تبي ويتفاهمون معاه لازم يحلون المشكله بس صدقيني مو بس انتي تعبانه تري حتي اهو واهو بشر يحس,

 

[ألوان مائيه]

حاولي انتي تسألين عنه
او تشوفينه كأنها صدفه بس انتي طبعا تكونين متعمده

 

[ملح بدويه]

دقي عليه قوليله ولدك محتاجك وانا ابيك


ومن هالكلام بس انت حاولي تلمين مشاكلكم وبتغير مع الايام

 

[دلوعةq8]

حاولي انج تمسكين من ايده اللي تعوره
دوري نقطه ضعفه شنو؟ اكيد عياله

استغلي الفرص اذا مرض احد عيالج
او شغله تستدعي وجود الاب

 

[نفيشه]

اختي اذا ريلج زين من النواحي الثانية وانتي شاريته لا تكابرين ولا تخلينه حق هالاشكال اللي بالنت
خلج اشطر من جذي وبينكم عيال حرام
مدام قال ترد بروحها ردي وجنه العيد
روحي السوق واخذي لج ملابس يديدة وروحي الصالون تسنعي وردي بلوك يديد ونفسية يديدة ولا تنكدين على روحج العمر واحد
وقعدي على قلبه لا تعطينه فرصة للخرابيط مرده بيمل واللي عنده بتمل بعد لي شافتج مو معطيته المجال
لزقي فيه وقولي له احبك وما اصبر عنك وانا كنت بغير جو عقب الحمال هرموناتي متلخبطة بس ما استغني عنك
اذا قدرتي تردين وتطيحين الحطب معناته انتي اللي ربحتي
ساعتها ابتدي ضبطيه شوي شوي
اذا الريال زيننوعا ما لا تكابرين قعدي على قلبه انتي وعيالج اولى
وطبيعي ما راح يسال عنهم منحرج ومتوهق
والريال ما يبادر
انتي قولي له اليهال يبونك وولهوا عليك شرايك تمرهم؟؟
بيستاننس اكيد فقدهم بس معاند

انا هذا رايي الشخصي ولو كنت مكانج كنت بتعب على حياتي وما راح اقول كرامتي
كرامتي لي رديت بيتي ومكاني هني اثبتت ان لي كرامة ووجود

 

[بيضاء الثلج]

الله يعينج حبيبتي لازم في أحد برد العلاقه بأقرب وقت ممكن مايصير جذي هامل بيته وعياله بالطريقه هاذي

 

[زينانه]

الله ييسر اموركم ويرجع الوضع مثل قبل واحسن
ياربي مادري شفيهم شبابنا صايرين موكفو زواج واسره....ماتلاحظون اهمالهم لكيان الاسره وللزوجه
عيل وين الموده والرحمه بين الزوجين...ووين حديث الرسول عليه الصلاة والسلام(رفقا بالقوارير)
والله البعيد عن تعاليم دينه هو الشقيان

 

[نفيشه]

حلوة افكار البنات اذا تبين تردين بشكل غير مباشر تحرشي فيه بالمسجات
طيحي مكينته وخليه يقول لج ردي
لي طلب منج تردين لا ترفضين
لان هذي فرصة ومعناته ان هاللي يعرفها نزوة بس والريال شاريج
بس الشيطان شاطر
والسالفة تبي صبررررر وااااااااايد واستغفااااااااااار على طووووووووووووول
وتجنبي اي شي يجركم للهواش
كبري عقلج وحسسيه انج شاريته مهما اختلفتوا
وانج عارفة ان هالشي نزوة ويريت ماتدخلين احد بالموضوع لانه بيكابر زيادة
بيحسب حساب الكل الا انتي وبينصرف عن المشكلة الاساسية وبيفكر بصورته جدام اللي دروا كلهم
خلي الموضوع بينج وبينه وحليه بذكاء
وكلشي يتصلح ترى ماعليج من اللي يقولون الشي لي انكسر مايتصلح
صدقيني راح تحسين انج انجزتي انجااااااااااااااااااز
والعمر واحد حرام تقضونه جذي
ادعي له الله يهديه

 

[شقيانه]

اللة يجزاكم خير كلكم يلي رديتو علي صج انا مالي الا الة ثم انتم بس احت نفيشة ما قصرتي واللة يحقق لج الي تمنين بس مااقدر عقب هالفترة الطويلة لدز مسجات مااقدر بقولج يا اخت نفيشة عن طبعي انا غيورة علية حيل واشك فية واجد وهو مل من طبعي يقولي انت نفس زوجتي الاولية شكاكة فى وحدة وسست فيني قالت ماصبر طول هالمدة الا في وحدة مع انة اسلوبة مو حلو حيل بس يحب يقعد غلى النت

 

[أم المزيون]

الله يعينج ويصبرج خلي الوالد والا أخوج يكلمونه عشان ترتاحين وان شاءالله تنحل المشكله وانتبهي من علاقات الكمبيوتر أسهل انواع العلاقات وانتي تركتيله فرصه بزعلج الله يفرجها عليج