الحذاء الطبي للأطفال

[أم الليالي]

السلام عليكم ،،،

أخواتي العزيزات ، حبيت أسألكم وين أحصل جوتي طبي لبنتي" أعزكم الله" ،، الصراحة ملاحظة أنها صايرة فلات فوت وما أبي حالتها تتطور ... وين أدور وأشتري إنصحوني .....

 

[أم الليالي]

أب

أب

 

[*عاشقه الورد*]

الصراااحه انا عيزت وانا ادور حق ولدي جوتي (متخصص) حق الفلات فوت ماااكو كللش الا يكون طبي ومريح
وكل الجواتي تعور ريله وما يقدر يمشي فيهم واايد
الا جواتي ecco و كروكس وفي محل بدسكفري محل جواتي اسمه pom d api هذول الوحيدين اللي ما يشتكي منهم واحسه مرتاح لهم ....

ان شاء الله اكون افدتج ^_^​

 

[Khota8]

السلام عليكم
انا اعيالي كلهم فلات فووت وعالجتهم بالهادي عند دكتوره روسيه قالت لبسيهم جواتي طبيه لازم ييكنون نظام البوت مسكر من فوق حق الانكل
المهم عندهم تفصال او جاهز انا ماعجبني الاشكال قالتلي هذا تبع محل احنا نتعامل معاه ونفس الالسعار وعقب رحت للمحل
اهوا بالسالميه مااعرف اوصف مكانه بس لما توقفين باشارة السالميه القديمه تكون جدامج تاخذين يسار اول كوع يمين تدخليه في صيدليه وعقب هذا المحل

 

[أم الليالي]

مشكورين على ردودكم بس إختي khota8 مو ذاكرة إسم المحل ؟

 

[Espinoza]

بداية الفلات فوت بالياهل لازم يلبس الجوتي اللي يقدر يمسك ريله كلها
مثل ماقالت الاخت.. اللي يصير نص بوت فوق الانكل.. هالجواتي الطبية من محل شول بالسالمية
بس مشكلتها ما اتيي الا بشكل واحد يعني اللون الاسود العادي.. واهو يكون ثقيل على ريل الياهل ويمكن مايتقبله اول شي بس خليه بريله على الاقل واهو بالبيت

 

[أم الليالي]

مشكورة أختي بمر شول السالمية وأجيك معاهم

 

[Khota8]

هذا المحل في اشكال روعه بناتي ولادي حيل اشكالهم حلوه وحتى في رياضي للكبار والصغار اهوا بين الصيدليه واخر الشارع مطعم كبير بسالج عن اسم المحل واردلج بس مو شوول اهوا واحد ثاني*

 

[اترجة]

أختي في محل good feet مكانهم بالسالمية مجمع البستان وفي فرع وبالجهرا مجمع اوتاد ويقيسولج عن طريق الجهاز تقوس الرجل يشفونها حيل متقوسة أو لا وارقامهم 245722653و 22243181

وهذا هم موقعهمhttp://www.good www.goodfeet.com
وإن شاء الله أكون أفدتج وأفدت الخوات .

 

[أم الليالي]

مشكورة إختي أترجة وما قصرتي إن شاء الله بمرهم وأجيك على بنتي ........

 

[om-aseeeel]

اب اب اب

 

[اترجة]

مشكورة إختي أترجة وما قصرتي إن شاء الله بمرهم وأجيك على بنتي ........

يعافيج ربي أختي أحنا لبعض أي شي أنا حاضرة من عيوني استفسارات عن أي شي .