حرام وغير منطقي شرعا ولا قانونيا ادانة المجني بحادثة الاغتصاب الا بوجود شهود وبعد التحقيقات
الولد جسمه اكبر واطول من الشرطي بايع عمره الشرطي يفكر فيه
مايجوز نتهم الشرطي بناءا ع كلام الولد
الولد طبيعي بعد الي صار ولان مافي شهود بيتعذر بسالفة الاغتصاب شنو عنده مبرر غير هالشي
الولد يقول الشرطي كلبشه اول ماصعد
طيب اشلون قعد الولد بالسياره اذا الكلبشات كانت بايدهم اليمني
اعتقد الشرطي ماكلبشه
وبس انقتل االشرطي الولد كلبشه بس ماقدر يكلبشه عكس بعض لانه بيصعب عليه يبرر ان الطقة جت براسه من جهة اليمين
وبعدين السياره فيها دم وعالكرسي الثاني في قطرات دم دليل ع ان الجريمه صارت بالسياره مو برا حسب كلام الولد
والاوراق المبعثره الي ادعى الولد انه بعثرها عشان يدور تلفونه والمفاتيح
لو لمسها بايده كان بين الدم عليها مثل الايد واثار الكف والبصمات مو قطرات مثل ماشفتو بالصور
وهو قال انه كلبشه يعني كان من البدايه بيشوف وين الشرطي حط تلفونه والمفتاح فليش يدور ويبعثر
غير جذي الي يدور شي مهم يحط الاوراق ع الكرسي ولا يحذفها ويبعثرها
وهو قال انه سحب الشرطي للسياره وفتح البابين هالشي مبين بالصور ان البيبان مفتوحه
اشلون له حيل بهالحر يسحب الشرطي وبايدهم كلبشات كان تقطعت ايد الشرطي وبانت عليها اثار وماكان قدر يرفعه ويحط وجهه ع مقدمة باب سيارته
والشرطي ملابسه مرفوعه والبنطلون نازل دليل احد ساحبه من جهة رجوله
مو ماشي واقف وجاره عن طريق الكلبشات
رواية الولد غير منطقيه وطبيعي بيبرر جريمته
ومايجوز نصدقه لان مافي شاهد والمجني ميت
وكون الولد متفوق مايبرر انه مو قاتل او ماله جانب مظلم بحياته
مايندرى هو شنو ومايعرف الخفي الا ربنا
وكونه يدعي انه رايح لصلاة الجمعه
وين الشهود والجيران الي شافوه طالع للصلاه
عشانه قال رحت للصلاه ولا امه قالت بنصدق
بعدين مفروض الكرسي الي يقول انه تدمر بالدم بس جا يفتش السياره كان مفروض الدم يكون فيها ع شكل بصمات واثار ايد ولونه مو احمر
واشلون دخل الشرطي ودش هو بالسياره وتالي راح للباب الثاني وافتحه
ياما ناس مظاليم وياما ناس جذبت لتبرر افعالها
الشرطي مات ومات السر والاحداث معاه
بقى الدور ع التحقيقات وان شاالله تظهر الاحداث الحقيقيه
كتبتي تحليل طويل وفيه منطق .. لكن فيه آسئله ثآنيه بعد بصآلح الولد ..
الولد عمره 16 .. يعني شنو ممكن يبي من الشرطي من الاساس ؟
االشرطي ليش موديه البر ؟
ليش سآحبه من منطقتهم بحجه ماعنده اثبآت .. مو وآفد الولد عشآن يسحبه .. يعني فيه نيه ..!
الوقت الي طلع فيه الولد من بيتهم الى البر وقت قصير لان البر بجانب ام الهيمآن وصآرت السالفه بسرعه ودق على امه ..وفي آقوال انه دق على ابوه بس الابو كآن سآبقه عالمسجد يصلي فمآ رد الابو عليه ..
واتوقع يقدرون يتآكدون من كلام الولد ان الشرطي دق على رفيجه من خلال الاتصالات ..!
لبسه نآزل لآنه مسحوب .. سوآء من ايده او رجوله .. رآح تتعفس ملآبسه على كل حآل ..
المنطقه مو من نطآق عمله .. شنو يبي يفتر فيها بسيآرته الخآصه ..
وآصلآ هو موقف من العمل ليش لآبس شرطي ..!
وبالنهآيه مآقول الا الله يصبر اهلهم هم الاثنين .. صرآحه مو شي سهل آبددددد ..
وهذي فآجعه يآربي لآتبلآنا ..
ومآتوقع آهل القتيل بيكون لهم وجه ينتقمون من القآتل من الاسآس ؟!
