الحب قبل الزوآج ولا بعد الزوآج ؟!!

[Lazord -q8]

يعتمد يا حبيبتي كل اثنين غير عن الباجي

 

[مرايــــــــم]

بعـــــــــــــد الــــزواج

 

[ترانيم القصيم]

طبعًا بعد الزواج

 

[سحابة امل]

مادرررررري !!​

 

[Q.8.h.2]

انا بقولج قصة واحد قريب مني وانتي حكمي

خالي حب زوجته من سنين قبل ما يتزوجها ومن حبه لها كان يدري متى باص المدرسه يكون عند بيتهم وروح بس عشان يشوفها تنزل من الباص لين البيت واحيانا يدق عالبيت ومايتكلم عشان بس يسمع صوتها اهوا مثل رفيجنا الله يخليه لنا يسولف لنا كان وكانت تحبه بس ماتكلمه ولا شي بس موصلين لها ان يحبج واهيا تحبه بس ماكو سوالف تلفون وهالاشياء ابد ابد

ملج عليها واستانس وراحو شهر العسل تركيا ولما رجعت سوت استقبال اليوم اللي سوت فيه الاستقبال اهوا ثاني يوم من وصولها من سفرتهم وانا واختي اذكر حنت علينا الا نروح شقتها لان كنا ربع ونسولف رحنا وخالي انا انصدمت رايح الدوانيه وتدق عليه مايرد يعني انا انصدمت قلت كل هذا اخر شي جذي حالها كانها اي وحده كسرت خاطري طبعا هالكلام بقلبي كنت اقوله مو جدامها من هالموقف وبعد ما انا تزوجت عرفت ان قبل الزواج شي واللي بعده شي ثاني عندي انا اللي ايي بعد الزواج احلا احسه يتم وان ذبل ترجعينه اما اللي قبل ما ادري احس كانه حلم وصعب ترجعينه مادري اذا فهمتيني لان ما اقصد ان ماراح يكون في حب اكيد بكون فيه بس مو مثل قوة قبل الزواج لان اللي قبل الزواج يكون فيه الشيطان ولو ان حاطين في بالكم بتتزوجون بس انتي مو حلاله والله اعلم يتم هالزواج او لا والشيطان يزين كل حرام بعينج
والله اعلم

 

[نآعِمْ آلعُود]

رد : الحب قبل الزوآج ولا بعد الزوآج ؟!!


الأثنين حلوووين :$

وايد أستانس إذا سمعت وحدة تقول تزوجت عن حب

عالعموم التوفيق من الله سواء كان قبل أو بعد

 

[لاتكابر غلطتي]

الكل يقول بعـــــــــده
لان عشره وجابلج 24 ساعه ..
عكس اللي قبله
بالخش والدس ويالله يالله تشوفون بعض

 

[! هُوْ وِينِه !]

بكون معآج صريحة آنآ صرآحة ودي آتزوج عن حب :eh_s(2):
مآ آبي زوآج تقليدي
بس آلمنطق يقول آلحب بعد آلزوآج إهو إلي ينجح

 

[Sayounara]

رد : رد: الحب قبل الزوآج ولا بعد الزوآج ؟!!

انا بقولج قصة واحد قريب مني وانتي حكمي

خالي حب زوجته من سنين قبل ما يتزوجها ومن حبه لها كان يدري متى باص المدرسه يكون عند بيتهم وروح بس عشان يشوفها تنزل من الباص لين البيت واحيانا يدق عالبيت ومايتكلم عشان بس يسمع صوتها اهوا مثل رفيجنا الله يخليه لنا يسولف لنا كان وكانت تحبه بس ماتكلمه ولا شي بس موصلين لها ان يحبج واهيا تحبه بس ماكو سوالف تلفون وهالاشياء ابد ابد

ملج عليها واستانس وراحو شهر العسل تركيا ولما رجعت سوت استقبال اليوم اللي سوت فيه الاستقبال اهوا ثاني يوم من وصولها من سفرتهم وانا واختي اذكر حنت علينا الا نروح شقتها لان كنا ربع ونسولف رحنا وخالي انا انصدمت رايح الدوانيه وتدق عليه مايرد يعني انا انصدمت قلت كل هذا اخر شي جذي حالها كانها اي وحده كسرت خاطري طبعا هالكلام بقلبي كنت اقوله مو جدامها من هالموقف وبعد ما انا تزوجت عرفت ان قبل الزواج شي واللي بعده شي ثاني عندي انا اللي ايي بعد الزواج احلا احسه يتم وان ذبل ترجعينه اما اللي قبل ما ادري احس كانه حلم وصعب ترجعينه مادري اذا فهمتيني لان ما اقصد ان ماراح يكون في حب اكيد بكون فيه بس مو مثل قوة قبل الزواج لان اللي قبل الزواج يكون فيه الشيطان ولو ان حاطين في بالكم بتتزوجون بس انتي مو حلاله والله اعلم يتم هالزواج او لا والشيطان يزين كل حرام بعينج
والله اعلم

بالظبط..:rerrerek:
فالبدايه الشيطان يزيين هالشي لانه حرام<-والشيطان توعد بني ادم..
عقب الزواج يبدى النفووور..
ويصير الماضي حلم على قولتج..
وترى كل شي الله حرمه لحكمه مب عبث ..
يعني لاتوقعون فيوم من الايام ان الزواج التقليدي غلط..

 

[إماراتية طر]

رد : الحب قبل الزوآج ولا بعد الزوآج ؟!!

انا مع الحب بعد الزواج
لان الوحده ما تأمن في الرياييل هالزمان ...
واحلى الحب بعد الزواج

 

[لسعة طفولة]

انا دايما افكر بهالموضوع وحيريني .. بس الي وصلت له ..

اذا جاني الانسان الي يناسببنني تمااااااما ويكون منسجم مع شخصيتي وتزوجني تقليدي اكيد اني بحبه ويحبني .. وهنا بفضل التقليدي

لكن اذا خطبني واحد زين ووظيفته كويسه واخلاق وكل شي تمام .. بس مافي توافق وانسجام روحي .. هنا بقول عن حب لان ع الاقل اكون عارفه وحابه ومتقبله الانسان الي بيكون زوجي ..

باختصار يعتمد على الزوجين ومدى توافقهم وتقبلهم لبعض .. بغض النظر عن طريقة الزواج ..

 

[مزاااج]

رد : الحب قبل الزوآج ولا بعد الزوآج ؟!!

شوفي اذا بتحبينه وعلاقه وجذي اولا بتغضبين ربج والمصيبه اذا اهلــج مارضوا بهالزواج تعـــــــــــــــــــــــــــــــــاااال اقنع ,,

واذا اقتنعــوا وتزوجتي اول مشكله بتصادفينها راح تتحسفين مليون مره على انج تحديتي اهلج وبتقولين مليار مره "مايستاهلني,وانا غلطانه اني وافقت عليه" باختصار لأن علاقتكم كانت احلام ورديه هذا غير اذا كان فيها طلعات وتمشي هذا كله عقب العرس أنــســيــــــــــــــــــــــــــــــه

أنا عن نفسي كلمته بس عقب الملجه تعال شوفي الفرق موطبيعي كان شي وصار شي ثاني والفتره كلها كانت جم شهر تخيلي معاي لوأنها سنه مثلا بتكون أكيد وعود أكثر أحـــــــلام أعمق وحب وورود يعني الصدمه بتكون أكبر


يعني بالحالتين مامن ســــلامات

لالالالالا أتغشمر ,,,,والله بالنهايه هي توافــيق

ودايما أدعي أن الله يعطيج الشخص بالمواصفات اللي تبينها مافي شي كبير على الله



مع تمنياتي للعزابيات بزواج كله حب فــ حب بلا جذب وتمشي وحجي فاضي


​

 

[(توته مربربه)]

رد : الحب قبل الزوآج ولا بعد الزوآج ؟!!

انا الصراحه اؤيد واحب وخاطري اتزوج عن حب بس يعني حب شريف مافيه طلعات وهالسوالف الي مب زينه يعني احط لي حدود وهو لو يحبني ماراح يطلب مني شي حرام او مب زين انا بعد استانس اذا سمعت ان حد متزوج عن حب :eh_s(22): احس ان الزواج عن حب تعرفينه يعرفج هاي بالنسبه لي وحتى الزواج التقليدي زين بس بالنهايه ان كان زواج عن حب او تقليدي يعتمد عالاشخاص وشخصية الرجال بالاخص اذا ناوي يلعب ويخربط او اذا ناوي يحبها ويتزوجها
واحس ان التقليدي نفس الي عن حب والموضوع حلو وكان يدور في بالي هالسؤال ومااحصل اجابه:eh_s(2):
يسلمووو صاحبة الموضوع:eh_s(7):​

 

[مشتاق نجد]

الحب بعد الزواج

 

[Miss McDonald]

.



قبل الزوآج : حب مو مضمون !
بعد الزوآج : حب مضمون

 

[VET-Nour]

أنآ عقلي يقول بعد الزوآج أمآ قلبي يقول قبل الزوآج ....

أذآ كآنت المشآعر مشتركه و يحبون من قلبهم أكيد في زوآج ألآ أذآ ألأهل مآ رضوآ فَ الله يعينهم

يعني على حسب نية الأنسآن ...!

 

[مو اي شي]

رد : الحب قبل الزوآج ولا بعد الزوآج ؟!!

الحلو بزواج الحب انه الشخص تكونين عارفه مساوئه ومحاسنه
اما الزواج التقليدي فانتي وحظج مثل البطيخه يا تصيب يا تخيب حطي ايدج على قلبج
بس اللي ما ظبط معاه الطريقه الاولى اكيد راح يختار الثانيه لأنه الحين نادر من يفكر فيج زواج يعرفون منو ياخذون يبوون اللي تلعب عليهم لأنها مثلهم هو يلعب من وراها وهي تلعب عليه للأسف هذا اللي صاير

 

[MiSs_6a7LooSHA]

الحب شي حلو بهالدنيا ومانقدر نعيش بدونه

طبعا زواج عن حب وأتمنى اتزوج بهالطريقة


الحب النظيف الطاهر مو سوالف بطالية ومن تحت لي تحت

ومشكورة ..

 

[منار البربرية]

رد : الحب قبل الزوآج ولا بعد الزوآج ؟!!

اب

اب​

 

[Stylista_Q8]

إللي إيي من الله حَيآه الله . .

مآتدرين ربنآ شنو كآتبلج : )

والحين فرص نجآح الزوآج قبل وبعد مثل الشي

كلهم يعتمدون عَلى المتزوجين . . مآيعتمد على طريقة الزوآج لنهآ هذي البدآية !