صبآحكم /مسآكم
................شعر
الحب شايب والفراق ابنه العاق
والوصل غايه والقصايد وسيله
اثر المفارق له علاقه بالاخلاق
ويقصر طويلة صدر راعي الطويله
مافيه ادجّ من الهواوي ليا ضاق
من ضيقته حتى الطفل يشتكي له
ياللي غضبت وكانت حلولك فراق
الغيض ولعه والمجادل فتيله
ابليس للفتنه وللشر سبّاق
يشبها بين الخليل وخليله
العين مايغدي بها كل برّاق
والاذن ماكل الحكي ترتخيله
راعي الكلام يزّود الطاق بالطاق
يحكي بشخص وياصله ويحكي له
لو شفت وش قيمة غرامك بالاعماق
ماطعت لو لاموك فيني قبيله
وشلون صوتك ناعم وعودك دقاق؟
والوجه ياحلوه وياحبني له
وحملت في قلبك حمول ٍ ماتنطاق
وشلون شايلت الحمول الثقيله ؟
وانا احسبنك طيّب وقلبك رقاق
يامدرّس فنون القساوه لجيله
رح والشقا على الهواجس والاوراق
ياللي عقب فرقاه شوقه بديله
طال الغروب ولااشرقت شمس الاشراق
واقفت ركاب الرجعه المستحيله
اشتاق وادري مانت راجع لو اشتاق
مير العوض بالذكريات الجميله
رآقت لي
