الحب السرابي

[احكي يا شهرزاد]

حبيبتي بقايا انسانه مشكوره على المتابعه وان شاء الله اللي تتوقعينه يمكن يصير

وان شاء الله باجر في بارت حلو وخطير بنفس الوقت

 

[taboolaaaa]

ايي حتى انا اتوقع جذي !!
بس يمكن اثنين يخطبونها !!
محمد او نواف !!
كملي حبيبتي ناطرينج يالغلا !!​

 

[princess roro]

ممكن تكملين اليووم *

 

[احكي يا شهرزاد]

حبيباتي مشكورين ووووايد على المتابعه وياغالي وطلب همبه اذا تبون بارت اليوم انزل بارت علشان خاطر عيونكم

 

[sweet.sanfoora]

نبي بارت

 

[احكي يا شهرزاد]

خلاص البارت ينزل اللحين

 

[taboolaaaa]

حبيبتي والله فديتج !!
ماتخلين شي بالخاطر ;**
ناطرينج حياتي ;**
ماتقصرين يالغلا ;**​

 

[♥ بقآيآ آنسآنه ♥]

فديتج والله

نآآآآطرينج حتآتي

ومآآآآتقصـرين

 

[احكي يا شهرزاد]

السراب الثالث والعشرون

​

قعدت ضحى بدارها وتتذكر كل الاحداث اللي صارتلها من طلاق اختها وراحت دار شيخه

دار شيخه ​

شيخه : ضحى خلاص انا انتهيت مطلقه صغيره والمشكله مو مني منه اهو الحقير اه اه

ضحى : شيخه حبيبتي لا طالعين ورا شوفي الشي الزين في الموضوع الحمد الله ان ما حملتي وهذا شي زين بس قوليلي ريلج ليش تغير عليج

شيخه الدموع بعينها : شفته مع وحده ثانيه بفراشي يا ضحى وانهارت من البجي

وكملت

شيخه : قتله طليقني انا ماني مستعده اقعد معاك دقيقه وحده وعطاني طراق قوي وقالي (هذي حبيبتي اللي ما قدرت اتزوجها بسبه امي وانتي جسر يوم تزوجتج قالت امي خلاص اذا تبيها عادي بس من غير زواج ) تخيلي يا ضحى بكل وقاحه قالي جذي وكملت بجي

ضحى واهي لامه شيخه : خلاص حبيبتي لا تعبين روحج شوفي باجر راح تلقين واحد احسن منه ويعرف قيمتج صدقيني

شيخه : منو اللي بياخذني وانا مطلقه

ضحى : حبيبتي هذا زمان اول المطلقه ما تتزوج بس زمنا الحالي عادي وايد ناس تطلقو وتزوجو عقبها لا تحاتين حبيبتي بس انتي صلي صلاه شكر انج افتكيتي من هل الحقير ولازم ما تبجين على واحد مثل هذا

هدت شيخه وقرت عليها ليمه نامت وطلعت من غرفتها

بنفس الوقت

بيت افراح

دار فراس
​

فراس كان يمشي يمين ويسار ويفكر لازم يطلع من الصمت وبسرعه راح عند افراح

افراح: هلا والله بفراس حياك

فراس مرتبك : افراح انتي تدرين احسبج مثل اختي الكبيره

افراح : اكيد فراس انت اخوي خير شفيك

فراس مرتبك : بصراحه انا .......انا احب وحده وابي اتزوجها

افراح استانست : صج والله ومنو هذي سعيده الحظ اللي خذت عقلك وراسك

فراس : انتي تعرفينها عدل

افراح استغربت : اعرفها عدل منو اهي

فراس صار ويهه احمر : شيخه

افراح : شيخه اخت ضحى ما غيرها

فراس : اي

افراح : عاد صج عرفت تختار اهي خوش بنيه والله بس ترى اهي مطلقه

فراس : شنو يعني مطلقه اهي عاجبتني وابيها افراح طلبتج ابيج تخطبينها لي ما بيها تروح مني مره ثانيه

افراح : انا ما عندي مانع بس بسالك من متى حبيتها

فراس حك راسها من الفشله : من اول ما شفتها وانا احبها

افراح تبتسم : اوووووه والله منت هين فراس

فراس : بس افراح احرجتيني

افراح : ولا يهمك بس خل تتحسن الظروف عندهم ولك مني راح اكلم ضحى لا تخاف

فراس : مشكوره افراح ما قصرتي


وتمر الايام وبدت لمياء تضايق ضحى وايد ليمه تهاوشو وصارو ما يكلمون بعض


لمياء : هين انا ارويج يا ضحو الحقيره ان ما خليتج تبجين ما اكون لمياء

في وقت المحاضره ​

طلعت ضحى قبلهم كلهم كانت تعبانه وكانت هذي فرصه لمياء ولقت نواف بروحه

لمياء : نواف بسألك سوال ممكن

نواف يطالعها بنظره : خير نعم


لمياء بوقاحه : انت تحب ضحى بس بقولك اهي ما تحبك وما تبيك اهي قالتلي جذي

نواف عصب : انتي ما تستحين على ويهج تقولين جذي عنها مو عيب عليج وبعدين مالا داعي تقولين جذي

لمياء : انزين راح تشوف مع الايام انها ما تحبك وراح تصدقني

وراحت لمياء كان نواف يفكر بكلامها بس اهو ما يحب ضحى ويشوفها اخته واهو ما يفكر بالزواج منها

 

[احكي يا شهرزاد]

حبيباتي انتو تامرون والله وابي توقعاتكم شنو راح يصير بضحى عقب اللي صار والبارتات اليايه في احداث حلوه وبدينا نقرب من الواقع ونهايه السراب ناطرتكم

 

[princess roro]

كملي لوووووول

ادري ما انعطى ويه

 

[احكي يا شهرزاد]

ليش حبيبتي عادي والله اذا تبون اكمل ولا تبون باجر

 

[♥ بقآيآ آنسآنه ♥]

كممملي الحين آذآ تقدرين

 

[احكي يا شهرزاد]

ها حبيباتي اكمل

 

[♥ بقآيآ آنسآنه ♥]

اي كمممملي

 

[احكي يا شهرزاد]

خلاص راح اكمل علشانكم انتو تامرون

 

[احكي يا شهرزاد]

السراب الرابع والعشرون


وقت الدوره ​

ضحى دشت المحاضره ولقت لمياء هناك وما عطتها ويهه وغيرت مكانها ونفس الشي منيره من يوم عرفت بالسالفه اللي بينهم غيرت مكانها مع ضحى وكان نواف يراقب الوضع وعقب المحاضره صار نواف ما يبتسم اضحى ضحى حست في شي ويت لمياء لي عندها

لمياء : بقولج على شغله نسيت اقولها لج ترى طليق اختج يصيرلنا وما حبيت اقولج عنه لانه يصيرلي لكن تستاهلين اللي يصيرلج انتي واختج علبالج انج انتي احسن وحده بالدنيا لكن اختج تطلقت لان العيب منها اي اكيد مدام انتي اختها

ضحى : انا ما ني راده عليج تدرين ليش لاني بنت متربيه ولمعلوماتج بس الحمد الله ان اختي افتكت منه وان شاء ما دور هل السنه الا اختي ما خذه واحد احسن من هل المعقد ديايه امه روحي وحسبي الله عليج ان شاء الله وربي يمهل وما يهمل


ومشت عنها وراها منيره وركبيت سياره مع ضحى ومنيره كلمت امها انها بتقعد مع ضحى وضحى نزلت دمعتها

الصالحيه

احدى الكوفيهات

​

ضحى : شفتي يا منيره انتقمت مني عن طريج اختي شنو ذنبها المسكينه

منيره : صج ما تستحي على ويها الله كريم

ضحى : مو بس جذي حتى نواف يطالعني بنظره ما ادري شل سالفه

وردت ضحى وكلمت دلال

ضحى : دلال لحقيني نواف تغير علي وقعدت تبجي

دلال : هدي حبيبتي شفيج

ضحى : ما ادري ما ادري احس متغير علي مو نواف اللي اعرفه اه شنو اسوي حاسه نفسي مخنوقه وقلبي يتقطع

دلال : اهدي حبيبتي اهدي روحي اللحين صلي ركعتين واقري قران وباجر انا عندج

ضحى : انزين واي ما قلتج عن لميائو الحقيره شسوت

دلال : هذي شسوت بعد

قالت القصه كلها

دلال بعصبيه : هذي مولمياء هذي لئيمه الحقيره خليها تولي وزين سويتي فيها

سكرت التلفون وراحت صلت ركعتين ودعت ربها ان كان نواف من نصيبها يعجل لها واذا كان العكس يبعد عنها

في اليوم التالي


الدوام

​

افراح : ضحى في شي ابي قوله لج بس مستحيه

ضحى : حبيبتي ليش تستحين انا اختج قولي حبيبتي

افراح : الصراحه فراس يبي يتزوج

ضحى: صج والله منو هذي سعيده الحظ

افراح : اختج شيخه

ضحى : شيخه

افراح : اي شيخه شفيج اهو يبيها من زمان بس ماكتب نصيب اول مره وهل مره يبي يتزوجها

ضحى : والله هذي الساعه المباركه فراس والنعم فيه خوش ولد

افراح : انتي شاوري اختج ورديلي خبر

ضحى : ان شاء الله تسمعون الاخبار الحلوه

في البيت

​

ضحى : يما ابيج شوي ممكن

الام : شنو حبيبتي

ضحى : شوفي ربج يحب شيخه يما

الام : خير ان شاء الله


ضحى : خير في معرس يبي اختي

الام :منو هذا

ضحى : وحد وياي بالدوام خوش ولد وانا اعرفه زين ما راح تلقى احسن منه

الام : والله لازم نسال عنه تدرين

ضحى : على ضمانتي هذا غير يما صدقيني

الام : اشاور ابوج

ضحى : انزين بروح اقول حق شيخه

دار شيخه

شيخه : خير ضحى

ضحى تبتسم : شفتي انج راح تتزوجين مره ثانيه مبروك

شيخه مستغربه : شنو ؟؟؟؟؟

ضحى تلم شيخه : مبروك حبيبتي في معرس يبيج وبعد يممممممووووووت عليج

شيخه : منو قولي ؟؟؟؟؟؟؟؟؟

ضحى : فراس اللي معاي بالدوام

شيخه : فراس ؟؟؟؟؟؟؟

ضحى : اي حبيبتي فكري زين حبيبتي ترى فراس خوش ولد مو مثل اللي ما يتسمى

شيخه : ان شاء الله راح افكر

 

[احكي يا شهرزاد]

شنو راح تتوقعون يصير ناطره ردودكم

 

[princess roro]

كملي حيااتي عشاني

ادري أني ما انعطى ويه

لوووووووووووووول

 

[احكي يا شهرزاد]

حبيبتي والله ان شاء الله راح انزل بارت علشانج