الحبل السري ملتف على رقبة صغيرتي:::>دعوآتكم يآبنآت المسسسلمين

[*امووونه*]

اول شي لا تنامين على ظهرج لانه النوم علي الظهر يخلي الحبل السري يلتف عل الجنين ويوم تبين تنقلبين على جنبج اليمين او اليسار اول شي قعدي عقب نامي علي الجنب الي تبينه لانه مو زين تتقلبين من جنب للثاني وانتي نايمه

ربي يحفظلج جنينج يا رب ان شا الله ما عليه شر بس انتي كثري من الدعاء ان الله سبحانه يحفظه

وتابعي الدكتورة بصفه مستمرة وان شا الله خير

 

[أأأميرة الورد]

الله يقر عيونج بشوفتها

 

[ليلو جبريت]

لا تخافين

انا امي ولدتني والحبل ملتف على رقبتي وطلعت زرقه

كاني مافيني شي

الله يتمم عليج

 

[ام ساره 4]

شوفي أنا في بنتي الأخيره كان ملتف عليها الحبل السري وما دريت ألا بعد ماولدتها شافها الدكتور بالسونار قبل ما أدخل الولاده بس ما قالي وبعد ماولدت وخلصت ثاني يوم قاللي لأن ماحبوا يقولولي ويخرعوني وأنا بالولاده وسألته عن السبب ليش لاف الحبل السري قاللي من كثرة حركة البيبي يلتف عليه الحبل السري مو النومه مالها شغل وعسى الله يحفظلج البيبي وتقومين بالسلامه ويقر عينج بشوفته

 

[مس لوتس]

انا كان ملتف علي الحبل السري ومافيني الا العافيه والله يستر ع بنوتج ويفرحج فيها

 

[حلآتي بخلطآتي]

يآحبآيبي جعل كل حرف كتبتوه في موازيين حسناتكم وربي يخليكم لاحبآبكم ويوفقكم دنيا واخره ومشكورات ع النصائح و الدعوات الطيبه اخواتي

اليوم ان شاء الله بروح عند استشاري ومتوكلة على الله والخيرة فيما اختاره الله

آللهم قدر لي رؤية ابنتي سالمة معافاة من غير زيادة ولانقصان تامة الخَلق حسنة الخَلق والخُلق

آللهم آتم فرحة حملي بأن تجمعني بهآ على خير يآرزآق يآكريم آرزقنيهآ​

 

[ام عفاف الكويت]

كلام اليوتيوب يريييييييح
الله يريح قلبج وتشوفين بنتج بحضنج يارب
لاتحاتين عمري

 

[نوور]

الله يطمن قلبج يارب ويسهل عليج

 

[Habibat Abooha]

الله يطمن قليببج على بنتيج
وتشوفينها بايدج
لاتحاتين حبيبتي
وان شاء الله سهالات من رب العالمين

 

[مزيونة مكه]

هلا خيتو ان شاء الله ماتحتاجين عملية

أنا عيالي كلهم طبيعي الحمد لله الا الاخير كان ملفوف عليه الحبل السري 4 لفات وماجاني عليه طلق لانه مخنوق بس الحمد لله ع كل حال سويت عمليه وخرجوه مخنوووق والحين ماعليه خلاف :yaaaaaarb:


ويارب تتسهل معاك واكثري من الدعاء

 

[ميرمد]

لاتحاتين حبيبتي وكلي امرج لله
واذا خايفه راجعي عند دكتوره ثانيه
وان شاء الله تسمعين اخبار تسرج وتطمنين على البيبي

بس انا عندي استفسار شلون عرفتي ان الحبل السري ملتف على البيبي
لانه انا دايمن اسال دكتورتي لمه تسويلي سونار تقول مايبين بسونار اذا ملتف ولا لا !!

جان زين تفيديني علشان انا بعد وايد احاتي هل موضوع وافكر فيه

 

[english muffin]

الله يقومجبالسلامة ياااارب

 

[كويتيه مذهله 87]

الله يقومج بلسلامه وتقر عينج بشوفها يارب

 

[ابدا يالغالي مانساك]

ربي يقومج بالسلامه ويقر عينج بشوفة ضناااااااج ياكريم
وطمنينااااا عليج

 

[أمل المنصوري]

الله يهون عليج ويطمنج يا رب

انا بولد قالت لي الدكتورة الحبل السري على رقبته وكتبت لي تحويل ضروري حق طواري الولادة
وحولوني على السونار على طول ولمن شافوني قالوا لي لاف على نص الرقبة بس ما رارتحت ورحت حق طببة ثانية وراوتني الحبل السري كيف على رقبة ولدي مثل العقد بس مو راص عليه لا
ووقت الولادة مع الدفع وصل لين جبهته وطلعت بس جبهته متغير لونها وفيها خطوط من الجبل السري

اختي ميرميد منو قالج ما يبين يبين انا شفته
بس دكتورتج تبي الفكة ؟

 

[حلآتي بخلطآتي]

مآشآء الله عليكم حبيبآتي

ربي لآتحرمني صحبتهم لآ في الدنيآ ولآ في الآخره

جزآكم الله خير على كل الدعوات والنصايح والتوجيهات وجعلها الله في موازيين حسناتكم

اليوم رحت عند استشاري وشاف حجم الجنين ودقات قلبه دقات قلبه الحمد لله تمام وطيبه ومافيها اي شي

وقالي لو قلت حركته تعالي على طول او اذا جاتك انقباضات برضوا على طول تعالي والالتفاف مو عامل اي مشكله وحجمه قالي انه في الاسبوع 35

وهو مايبي الولادة تكون إلا بعد37 لأنه يكون أئمن على الجنين وحجمه وصحته فحدد لي موعد يوم 29 أروح أفك الربط

وأنا كان ودي أفك الربط اليوم لأني ودي الولآدة تكون خلال الشهر هذا بالعمل بالأسباب والعلم عند الله

اللي عرفته ومعروف إن الالتفاف مايسبب مشكلة للجنين وقت الحمل إلا وقت الولآدة فيآرب إجعلها سآعه سهله ميسره ومرها على خير بقدرتك ياقدير

ميرمد على حسب السونار وخصايصه كل سونار باللي يقدر عليه روحي دكتورة ثانيه اشطر تشوف وان شاء الله مافيك الا العافيه


أخواتي لآتنسوني من دعوة في سجودكن ثم آنسسسوهآ وآعموآ أن الله لن ينسآهآ بل يؤجلهآ لحينهآ فآذكروني بدعوة صآدقه جزآكم الله خير

​

 

[" ام حمود "]

لا تحاتين ان شاءالله ماكوو الا كل خيرر ، انتي راجعي بالاسبوع مرتين
وتطمني عليهاا والله يحفظهاا ياارب

 

[ميرمد]

ما ادري والله اليوم راجعت بعد وسالتها مره ثانيه قالت لا مايبين
يمكن ماتبيني افكر واحاتي قالت لي حتى لو لف مافيها مشاكل ان شاء الله وايد ناس يلف الحبل السري ويولدون طبيعي والبيبي بخير
بس ان شاء الله بالمراجعه اليايه ادخل عند دكتوره ثانيه

 

[Miss_Tiger79]

الله يسهل عليج يا رب ويحفظ جنينج وتولدين بالسلامه
فيآرب إجعلها سآعه سهله ميسره ومرها على خير

 

[بشاير الميموني]

لااله الا الله.
االله يهوون عليج ياقلبي ويقوومج بالسلامه انتي والبيبي ان شاء الله..