الجزء الثاني من ماأبي أندم بعد كم شهر

[كويتيه وافتخر]

الله يفرج همج

 

[فراشة الحنان]

للـــرفــــع

 

[lolo-cat]

يمكن ردي غريب شوي .... بس الريال اللي يمد ايدة على مرتة .... مييكون ريال ( اسفة على الصراحة ) ... اذا انتي
مستعدة تتحملين هذي الحالة على راحتج .... في موقع حلو ممكن يفيدج
http://www.blqees.com/vb/forumdisplay.php?f=17

تقدرين تقراين في المنتدى راح ييغير حياتج و يخليج تعرفين وين تروحين

الله يهدية

 

[الغاليه نونو]

لاتقهرين عمرج ولا تشيلين هم مالومج يمه بس تبين الصج مرات الطلاق يكون اهوالحل الامثل للمشاكل خصوصا مع واحد مثل ريلج هذا اصلا ماعليه حسافه خل يروح دفعة مردي والهوا شرجي

سمعيني يمه انتي تغدي فيه قبل لا يتعشا فيج روحي رفعي عليه قضيه وقولي للقاضي عن كل اللي صار من طأ طأ لي السلامو عليكووو

علشان ماتروح حقوقج وتطلعين انتي الغلطانه القاضي لي درا انه يطقج ويسبج ومغير اقفال الباب راح يطلقج منه للضرر ولانه موكفو وتاخذين نفقاتج كلها منه العده والمتعه والمؤخر لا تخلينه يتهنا هالمينون مايحمد ربه علي وحده صابره مثلج بس دام اهو اللي بدا خليه يتحمل

 

[ام فجور 2008]

لاتقهرين عمرج ولا تشيلين هم مالومج يمه بس تبين الصج مرات الطلاق يكون اهوالحل الامثل للمشاكل خصوصا مع واحد مثل ريلج هذا اصلا ماعليه حسافه خل يروح دفعة مردي والهوا شرجي

سمعيني يمه انتي تغدي فيه قبل لا يتعشا فيج روحي رفعي عليه قضيه وقولي للقاضي عن كل اللي صار من طأ طأ لي السلامو عليكووو

علشان ماتروح حقوقج وتطلعين انتي الغلطانه القاضي لي درا انه يطقج ويسبج ومغير اقفال الباب راح يطلقج منه للضرر ولانه موكفو وتاخذين نفقاتج كلها منه العده والمتعه والمؤخر لا تخلينه يتهنا هالمينون مايحمد ربه علي وحده صابره مثلج بس دام اهو اللي بدا خليه يتحمل

ماشاءلله عليج احس صج فاهمة

 

[بطة رشيقة]

الغاليه نونو مانستغنى عن مشورتج ربى يخليج لنا وانتى اختنا الكبيره مو امنا بس احس ان الصوره وايد ظالمتج اللى بالتوقييييع غيرها واللى يسلمج

 

[الوردة المكنونة]

!!!!!!!!!

شوفى اختى انا ما ابى اقول الا اللى لج خير فيه انشالله
واحد ما بنيج وبينه الا سنه زواج ومو خوش ريال يطق وبخيل وما يبى عيال !!!!!!
تتوقعين انج فى هالحاله بتتحسفين على العشره !!!!!!
وفوق هذا لما رحتى البيت طلع مغير القفل ومغير التلفون هذا بايع !!!!!!!

وانا اقولج انج لو تتطلقين راح تحسين بطعم الراحه وانشالله ربى بيرزقج باللى يقدرج ويرفعج ... واذا انتى متنازله عن الاغراض والفلوس طلبى خلع الوحده الزم ماعليها روحها و.. واذا تبين مهرج واغراضج مالج الا الطلاق لضرر مثل ما قالوا الخوات وماعليج منه ومن تهديداته هذا يبى يخرعج .... واللى باعج بيعيه ... ومثل هالاشكال الواحد ما يتحسف عليهم .... اتمنى لج كل التوفيق ولا يضيق خلقج على روحد ما تدرين شنو الخيره فى هالشى وقفى اهلج وخليهم يعاونوج وابتعدى عنه احسن لج ولا تقولين اخاف يغلط عليهم كل شى بالقانون ينحل واهو بس جذى اذا شاف الريااايل والعايله كلها واقفه بويهه راح يخااااااف صدقينى .. موفقه يا حبيبتى وربى ينصرج ..

معاها بالرأي ​

 

[الغلاااااا]

اول شي حبيبتي استخيري والله يفرجها لج

والعوج بيضل طول عمره عوج ولا راح يتعدل...!!

 

[فراشة الحنان]

للــرفــــع

 

[& أم جمال &]

اذكر موضوعج .. و نصحتج تفكرين بمستقبلج و توزنين الامور بعقلج
مافي شي اسمه معلقه
الحين بهالزمن في حلين .. اما الخلع .. او الطلاق لضرر
في الخلع .. تستغنين او تتنازلين عن كل حقوقج .
اما الطلاق لضرر فحقوقج موجوده و تطلقج المحكمه منه

ودي افهم .. للحين تفكرين انج بتندمين على هالريال ؟؟ ؟؟

والله كلامج عين العقل يا بنات لي متي الوحدة ما تكون لها شخصيه فيه شي بمكن ينصلح وفي شي لا الوحدة المفروض إهي إلي تقرر مصيرها

 

[وردة-الكويت]

من صجج هذا تندمين عليه انتي صاحيه

توني اقرا موضوعح الاول وحاااااااااااااااااااااااارمج من الانجاب واااااااااااااااااااااي شلون جذي انتي صابره عليه ولا بعد تقولين

ماني اندم تندمين على الطق والاهانه يعني اذا تطلقتي راح تشتاقين حق طقه واهاناته من صجج استوعبي هذا مو صاحي فرقاه عيد

 

[♥ąϻᴑŁ♥]

ياقلبي والله هذا ماعليه حسووووفــه ..

انا اشووف ان طلاقج فيه راحه لج ..

وربي يكون بعونج ..

 

[مشاعر مبعثره]

حبيبتي فراشه الحنان الله يعينج و يصبرج ان شاء الله أنا تقريبا قصتي نفس قصتج والي سويته اني رفعت عليه قضيه الطلاق للضرر

وقلت لهم على كل الي سواه فيني وجبت لهم شهود واثباتات طبيه واليوم القاضي حكم لي على الطلاق مع انه ما كان يبي يطلقني وقال لي

انه راح يخليني امعلقه عاد القاضي اليوم برد قلبي فيه وقاله غصب عنك بتطلقها وبتدفع لها نفقه ومتعه والحين أنا حدي مستانسه لأن ربي خذا

لي حقي منه وانا مو ندمانه كلش على واحد مثله لأنه مستحيل يتغير وأنا استحملته وايد وصبرت عليه وفي الأخير اتزوج علي واتنومت في

المستشفى من حالتي النفسيه الزفت الي كنت فيها يعني من خلاصة كلامي ارفعي عليه قضيه وفكي عمرج منه لن اهو مبين عليه انه بايعج

ووالله العظيم حدي مستانسه واحس براحه وامان وأحس اني انولدت من يديد أكيد في بنات بيقولون لي ليش تنصحينها بالطلاق بس والله

لأني مريت في الي اهي مرت فيه وطليقي كان ألعن من زوجها بس الحياه حلوه ليش انضيعها على واحد مثله أحسن لي اني أعبد ربي

واعمل لآخرتي على مجابلة هالريال انا نصحتج نصيحه وانتي حره في قرارج

 

[sHa6o0ra]

حسيتج تحبينه وماتبين تتطلقين

استغفري باخر الليل وقومي الليل صلي واقري قران وان شاء الله الله يكتبلج الخير دايمن في بداية الزواج تكون مشاكل كثيره

 

[مليت من الغربة]

حبيبتي استخيري.........بس الكتاب مبين من عنوانه
زوجش عديم الاخلاق و المسؤلية تخيلي كل هالمميزات اللي فيه و عندك عيال او بنات ما يراعي الله فيهم ولا فيك
فكري بمستقبلك و انسي الحب انت تعودتي عليه وبسسسسسسسس........

 

[فراشة الحنان]

أنا فعلاً بس تعودت عليه

لهذا أخاف أشتاق له لأن سنتين مو سهله

 

[آحلى سآرونه]

روحي المحكمه وخلعي ترتاحين والله

وبعدين دوريلج ولد حلال


الله يكون بعونج