الجدووووووووووووووووور

[اخت فروحه]

السلام عليكم :

اشلونكم كويتيات ؟ ان شاء الله بخير



أبي أشتري جدور زينه وجودة وما أبي النوع اللي يحرق العيش أو بسرعة يخترب

اليي عندها فكرة تقولي عفية

رحت ايكيا ما اعجبوني لانهم عميقين ومو واسعين فحسين ان العيش راح يخترب فيهم


شنو احسن مكان اروح له


شكرا مقدما

 

[اطياب طيبه.أم عبدالله]

نصيحه مجربه
التيفال كد ومد وما يحرق الاكل

بس ميزي يالغاليه الاصلي عن التقليد

انا عندي الاصلي الحبه ب 9 دنانير وشي حجمهم وسط واكو الكبار فوق ال 12 دينار جذي

حتي الطوابي وصحون الفرن حاليا ما استغني عن التيفال

 

[اخت فروحه]

تسلمين يا الغالية عالنصيحة

بس مادري ليش يخرعونا من التيفال ؟؟؟؟

 

[algla]

والله اللي عندي ستيل أصلي ويهبل مع التنظيف تلاقينه عند مبروك كل الاحجام
والتيفال حلو بعد بس ما يبيله خدامه تحكه حك لين يتشلخ ويصير مو صحي

 

[اخت فروحه]

اي والله ذكرتيني بمبروك

سلمين يا الغلا

 

[dandooosh]

وين صاير مبروك ؟؟؟؟

 

[بمبة المفترسة]

اخذي ستانلس ستيل 36/18 افضل نووع
تلاقينهم بسيتي سنتر
وترفايلو بشويخ
وعندج السوق التركي الايراني بالري
وتلاقينهم بالميرة والاسواق الشعبية لندن مالندن

 

[اطياب طيبه.أم عبدالله]

والله حبوبه التيفال ما سمعت عنه ذم خو الحين كل شي يقولون مسرطن ويمرض والعياذ بالله

بالنسبه للتيفال قال لي اللي يبيع يوم شريتهم يبيلهم ملاس خشب مو حديد على اساس ما يتزلق وهم تغسلينه بالإسفنجه الناعمه

اساسا ما يحتاي فراك وايد لأنه اصلا ما يحرق الاكل

 

[اخت فروحه]

مشكوووووووووورين عالرد يا أحلى كويتيات


استفدت منكم وااااايد

 

[بنت الكويت العسل]

الستيل مريح وحتى بالتنظيف ماتتحسفين عليه لانه الخدم مو ملوت شي خليها تحك الجدر ولا تحاتين انه يصيرله شي بالعكس يصير يلق خخخخخخخخخخخ

تلقينهم في الاسواق الشعبيه مكودين والاسعار على كيفج

 

[الدلوعه2008]

حبيبتي روحي جليب الشيوخ سوق سلطان عندهم جدور زينه لا تخذين الخفيف اخذي الجدر الثقيل هذا زين للي ما يخرب ويقعد عندج 25 سنه

في طقم جدور واذا ما تبين طقم عادي تقدرين تخذين من كل جدر تبينه مثل قياسات الجدور

 

[ماريمار الكويت]

مالج الا التيفال طقم ايي فيه كل الاحجام مع المقالي كد ومد ويتم معاج سنين حتى الاكل مايلزق فيه اذا احترق
وغسيلهم سهل

 

[om al ghaleen]

.,, والله انا جدوري كله ستيل احسن بالطباخ
وتلقينهم بالمعلم والصادق وستي سنتر

\\

 

[فروحه*]

التيفال الاصلي لونه احمر

 

[قطوة@@]

البنات ما قصروا "