أجاثا^كريستي
New member
شلونكم بنات شخباركم حبيت انقل لكم هالقصة اثرت فيني حيل سمعتها بشريط دينى لاحد هالمشايخ الله يجزاهم خير يقول الشيخ بالشريط ان فيه واحد سعودي وهالشيخ سعودي بعد المهم الرجال قال للشيخ يا شيخ بعد الصلاة ابي اقولك شي وابيك تذكرنى باشرطتك الدينية بالقصة اللي بقولها لك قاله الشيخ ابشر بس نخلص الصلاة واسمع قصتك المهم بعد ما خلصو الصلاة قال الرجال وهو مراهق يعني يمكن بداية العشرينات من هالشباب الهايت الله يهدينا ويهديهم قال للشيخ يا شيخ انا وربعي متعودين نسافر لسوريا ومافيه شي حرام ماسويناه المهم هذي حالنا من زمان واحنا على هالحال ليما برمضان سنة 2006 كنت زهقان انا وربعي ومانبي نقعد مع الاهل برمضان ومانبي نتقيد بهالشهر نبي نطلع نستانس وفعلا قالو ربعي يا الله نمشي لسوريا ونقضي رمضان بالديسكوات والملاهي والرقص والحرام والخمر واستانسو الشباب المهم اهما كانو 4 شباب ولما ركبو سيارتهم طبعا لا رقيب ولا يحزنون عندهم الابو لاهي والام لاهية ماينهونهم على هالفعل وخصوصا برمضان المهم لما حركو سيارتهم وباجي 500 كيلو على سوريا الا هالشاب يقرا بدال لافتة سوريا على بعد 500 كيلو يقرا الجحيم على بعد 500 كيلو واستغرب وسكت عشان مايقولون عنه مجنون قال خل اشوف اللافته الثانية شوى ولا الجحيم على بعد 400 كيلو قال ياشباب انا قرى الجحيم على بعد 400 كيلو ضحكو عليه وقالو مايمديك سكرت يا رجال شنو جحيم وبطيخ اهنا رايحين للوناااااااااااسة يا الله خل نشوف اللافتة اللي جاية جانك صادق المهم ومرو والا اللافتة سوريا على بعد 300 كيلو قالو هاه شفت انك مخرف شوى ولا الافتة اللي وراها الجحيم على بعد 200 كيلو قال ياشباب الله يحذرنا ردو ردو تكفون قالو لا يبى ماتبينا نستانس انت لا يبى بنكمل شوى ولا لافتت الجحيم على بعد 100 كيلو الرجال انجن والمشكلة محد يشوفها الا هو قالهم ردو ردو والله الله يحذرنا ردو قالو شنرد بهالليل انت مجنون قالهم اجل ردوني انا قالو لا مانردك مابقى شي واندش سوريا تبي تنزل انزل هنيه وقالهم نزلوني المهم نزل وقعد يمشي بالظلمة بروحه والسيارة تحركت بسرعه اشخطو على سوريا ولا اسالو عنه رفيجهم باعوه بلحظة بوسط هالظلام والليل والصحراء ولا اسالو شوى واهوا يمشي ولا شاحنة جاية الجهه الثانية جان يأشر للسايق ووقفلة السايق واول ماركب جان يلقى الرجال يقول لاحول ولا قوة الا بالله قالة شفيك قال والله تونى معدي على حادث فيه 3 شباب والسيارة احترقت فيهم وماتو كلهم واحترقو الرجال طق قلبة وانصدم واعلن التوبة من هاللحظة وحمد ربة انه حذرة باخر لحظة والحين الرجال هذا مطوع ويدعي الناس اتمنى ما اكون طولت عليكم بس حبيت اشاركم بهالقصة الحقيقية وفعلا اذا الله بيهدي احد الله يهديه بطرق كثيرة والله يهدينا ويهدي المسلمين والمسلمات لما يحبه ويرضاه قولو امين يا خواتى :eh_s(8):
