الجبسة

[رزنامة98]

السلام عليكم خواتي بغيت أفتح موضوع الجبسة وياكم يعني لما وحدة توها والد و يدخلون عليها ناس يايين من عزا يقولون تنجبس و ما تحمل مرة ثانية هل هذا صح و لا لأ و إذا صح شنو العمل بليييز أبي رايكم

 

[قمر ضاوي33]

انا ما أأمن بهذي الأشياء خرافة

 

[opera]

هلا اختي


في معتقدات عندنا كثيره بهالموضوع


مو بس اللي يايين من عزا


في يقولون اللي بالنفاس مايصير تدخل على عروس تجبسها

واللي عندهم وحده والده مايصير تروح حق وحده ثانيه والده تجبسها


بس بصراحه احنا مانعتقد بهالشي وعادي صارت وايد مواقف جذي والبنات احملو واولدو ومافيهم الا العافيه


مادري ... يقولون لازم تحلب على ظهرها عشان تفج الجبسه :\

 

[دي حسن]

اي انا بعد سمعت هالحجي بس ما أؤمن فيه لانها خرافات والله اهو الرزاق ،، يعني حطيها ببالج انا ما حملت بسبة فلانه حجي ما يدش العقل كلش ،،، ان شااء الله تحملين وتييين تبشرينا موفقه حبيبتي

 

[الفرفورةرفرف]

خرااااااابييييييييييييط
ماكو شي من هالسوالف صح
احسن الظن بالله وانشالله الله يرزقج ويرزق كل اللي بهالقسم

 

[كويتية ورديه]

ياحياتي الرزق من عند الله لاجبسه ولامرقه حبيبتي انتي الله يرزقج ان شاءالله ,..وهذي مجرد معتقدات عيايزنا

 

[mosta7eel]

حتى انا سمعت بهالاشياء بس مااتوقع صج
الله الرازق وان شاءالله يرزقنا كلنا جريب يااااااارب

 

[غلاتي غلا]

بنات من صجكم؟؟؟
وين قاعدين ؟؟
كلها خرافات وخرابيط مالها داعي

 

[هلو هلا]

خرااااااااااااااااافات

 

[foozia_87]

حبيبت بوضح شغله ولا اقصد فيها الاساءه حق احد اللي يولدون بالصباح وااايد وبنفس الغرفه ينامون يعني كلهم يجبسون بعض واذا كانت وحده حامل وتوفى اخزها او ابوها وولدة ثاني يوم و الحريم ايووون يعزونها واجب العزا 3ايام يعني اهيا من اهل العزا ووالده يعني تنجبس ولا تحمل يا عمري هذي مو بس خرافات الا تفاهات واسال الله انه يثبتنا ويصبرنا ويرزقنا بالذريه الصالحه ويسر امورنا آمين

 

[opera]

حتى الدكتوره تولد وحده وتدش تولد الثانيه

 

[داعيه إلى الله]

السلام عليكم خواتي بغيت أفتح موضوع الجبسة وياكم يعني لما وحدة توها والد و يدخلون عليها ناس يايين من عزا يقولون تنجبس و ما تحمل مرة ثانية هل هذا صح و لا لأ و إذا صح شنو العمل بليييز أبي رايكم

وعليكم السلام ورحمة الله وبركاته

ياغاليتي كل هذا اعتقادات خاطأه وخزعبلات مالها اي صحه ربي هو الي يعطي وهو الي ياخذ ونحن اكبر من هالامور الي نصدقها او نعطيها واحد بالميه من التفكير او الاهتمام .
بارك الرحمن فيج
​

 

[رزنامة98]

مشكورين خواتي وايد على الردود و أكيد إن الأمر بيد الله و نعم بالله وانشالله يرزقني و يرزق كل محرومة و انا على فكرة عندي بنت وحدة و صارلي تقريبا سنة و نص أحاول أحمل بس ما الله كتب

 

[<<لمار>>]

الرزق بيد رب العالمين وادعى ربج يرزقج ولاتفكرين بهذى الاشياء

 

[دمثة]

خرابيط هذي السوالف

 

[هداوي المطيري]

خرافات لا تاخذين كلام الناس ,,,,,

 

[ازعجهم هدوئي]

استغفر اللة مو مصدقة ان في احد يصدق هالخرافات كل شي بامر ربي

 

[q8nina]

حبيبتي في وحده من عايلتنا ما حملت وقالوو لها الحريم طبعا فيها جبسه
وجبسه العروس 5 سنوات او 7 سنوات او 10 سنوات

وماشاء الله الله رزقها بالحمل بعد 7 سنوات وعلى طول الحريم قالو كان فيها جبسه وانفكت .. ادري خرافات بس شتقولون ترا هذي السالفه من شهريين والله يثبت حملها

وانا الحين نفس الشي لى 4 سنوات ماحملت ولا مره قاعدين يقولون جبسه مع اني محلله انا وزوجي ومافينا الا العافيه


وعلى كلام الحريم الجبسه مالها اعلاج بس الصبر


والله المستعان

 

[ما في مثلهااا]

لا حول ولاقوة الا بالله

هذي خرافات وعمرها ما انذكرت بالقران و السنه

الله يرزقج ويرزق كل محرومه