- إنضم
- 6 أكتوبر 2007
- المشاركات
- 481
- مستوى التفاعل
- 0
- النقاط
- 0
قــوه كويتيات
شلونكم شخبااركم شحوالكم
بنـات بفضض لكم الاني مقمووووته من الجامعه
والله يابت لي الهم .. انا ادرس بكلية العلوم ومعدلي عالي بالثانويه بس مو هذي رغبتي انا ابي علوم اداريه ومعدلي كان يدخل علوم
ادرايه وفوري بعد بس بنات عشت تحت ضغووط من عمامي واهلي الا ادش علوم واحول هندسه وانا ماااااااااابي وحطيت رغبتي
علوم للعلم انا مستجده بدا الكورس وانا مو بالعه عمري كلشش مابي ابي علوم اداريه احب التجاره وهالسوالف وامتحنا مد تيرم وكل
درجاتي ناااااااااازله لا تقولون مستجده عادي انا مو بالعه مو هذي مشكلتي بنات مشكلتي اني قررت اسحب واقدم كورس ثاني عقب
مارحت شويخ وسألت شلون ما لون قالوا قدمي على لجنة شؤون طلابيه جنج بتسحبين قيدج ويسحبون موادج بعدين سحبي اوراقج
وقدمي كورس ثاني عادي رحت قلت حق امي حيل استانست الانها تدري بمعاناتي بس الي ياب لي الهم والغثى ابوي الله يهداه
زفني سفل فيني قالي انتي حدج تجاري وماراح تنقبلين كورس ثاني هالسالفه من اول شهر 11 وللحين ما يكلمني اذا يبي شي قال حق
امي وامي قالت لي واذا انا ابي شي نفس الحاله كل يوم بجي بجي وفوق كل هذا عمامي مدخلين بنت عمتي دقت زفتني صرخت
بويهي وتزف و تقول الكورس الثاني تقدمين غصب علوم عشان تحولين هندسه وعمتي كلمتني بعد وبنت عمتي بعد كل يوم كل يوم
تحن على راسي بالبيبي ام ( بلاك بيري مسنجر ) بنات شسوي انا قدمت حق لجنة الشؤون الطلابيه انطرهم يسحبون موادي
عشان اسحب اوراقي واقدم الكورس الثاني منو سوت مثلي وبعد هالهم الي ياني عمامي من صوب وابوي ما يكلمني انا سويت شي
غلط تدرون اختي راحت الشاليه بس انا مارحت لما ردت تقول بنت عمتي تسأل عنج وتقول ليش مايتي الشاليه خايفه من الزف تخيلوا
الوقاحه الي فيها بس بفضض من الحره الي فيني و احاااااااااااااتي الكورس الثاني اخاف اسحب وما انقبل ويتشمتون فيني عمامي
