الثوم للشعر

[bebi]

السلام عليكم بنات

بنات انا مخطوبه و ملجتي تقريبا ان شاء الله بعد شهر ونص و شعري مضيق خلقي واااايد خف عن قبل و ابي شي ينبته وطبعا ماكو على الثوم بس تتوقعون يمدي الريحة تروح ؟؟ خاصه اني اغسله بقهوه و بس بحط على القمه مو كل الشعر و ناويه احطة بصالون
ولا تقولوولي حطي خروع عيييززززت وانا ارجخ شعري بهالزيوت ما يبردون جبدي بالتكثيف و ياخذون وقت طوييييل

وبس مشكورين

 

[ملامح بريئة]

لا سوي جلسات ثوم بالجرجير برنيم والريحة ماراح تروح وكثفيه جلستين بالاسبوع لان الثوم بسرعه يوقف التساقط وخلال ٣ ايام انشالله تروح الريحة بتدليك الفروك بصالون بزيوت عطرية او فرنسية وانصح بصالون ارت ستايل بالجليب هم عندهم جلسات ثوم واعرف وحدة تسوي ماسك ثوم طبيعي للشعر بالانستجرام عندها شغلات حلوة لاني كلهم جربتهم وفيه نتيجة بس بالاستمرار ولاتنسين حبوب هير فت للشعر ممتازة او خميرة البيرة

 

[ملامح بريئة]

لو اذكر نكها اقولك

 

[م.الحمد]

الجرجير مفيد بعد وبدون ريحه

2 حزمة جرجير وتنظفهم جيدا من الاوساخ بالماء الجارى
ثم تقوم بضرب الحزمتين كاملتين بالجذور بكل شىء داخل الخلاط الكهربائى
وبعد ان يصير عجينه تضعينه على شعرك وتلبسين غطاء راس بلاستيكى
وتجلسين به 3 ساعات ثم تغسلين شعرك بالماء عادى
وبعد شهرين من الاستعمال المنتظم ستجدى شعرك نبت وطلع من جديد باذن الله

 

[bebi]

مشكورين بنات بس ترا انا شعري وايد ناشف مابي احط جرجير ينشفه ومجربته ما يبرد جبري :eh_s(16):

لا يعلى على الثوم بس السؤال يمدي احطهو تروح الريحه ولا ما اجاازف؟ :eh_s(2):

 

[q8helwa]

عندج الصبار ممتاز للشعر اشتريه طبيعي احسن وسويه بنفسج وايد حلوووو

 

[afaf]

زيت دابررر املاااا حلووو ويطول

 

[Shinexo]

ترى الثوم مفيد لو اكلتيه حق شعرج

جربي تيبين لبن و تقصصين فصوص ثوم وتخلطينه مع اللبن عقب تشلين الفص , النكهه بتم فيها لحين شربيها بينبت الشعر عن تجربه

 

[MRS.coupe]

اول شي شوفي شنو ناقصج من فيتامينات ما يطيح الشعر بس من اهماله اكيد مهملة التغذية
اكيد يا الحديد او فيتامين دال ناقص
الدكتور بيعطيج كورس حبوب
واذا عالثوم استخدمي لما تتسبحين حمام زيت فاتيكا روعة تروح الريحة حتى لو حاطة دابر املا تروح
وحاولي انج تحطين ماسكات روب و بياض بيض و زيت جوز الهند كل يومين ترطيبه روعة

 

[muhrat uboha.]

بلا دوخت راااااس وما بقى شي ع ملجتج عالجي اب عياده دامج عرووس يبيلج حل جذري
الثوم قبل جربته بصراحه ما شفت ننتيجه الي ابيها غير انه شعري بعد كل سبوح ريحته ريحت مشاوي:bbbiu:
اي وانصحج اب حبوب pentogar والله عجيبين وصج سنعو شعري ولا متنوني ولا شي
بس للامانه كل الي يشوفني يقول مو متنانه بس ويهي نصعان

 

[$كشوخه$]

يمدحون زيت جدآيل للتساقط جربيه ٣ مرآت بالاسبوع

انا انصحج تسوينلج جدول اسبوعي تمشين عليه

يعني صبار طبيعي مره ومره زيت جدآيل ،، وسمعت بعد عن زيت السمسم

 

[روح التعاون]

كلام shinoصح الثوم تاخذين فايدته لو تاكلينه وسوي سيرج عن اكل الثوم بتشوفين الفايده واذا على الريحه انتي اذا غسلتي راسج
عدل بيتروح
او خلي يومين تحطين ثوم واليوم الي بعده مثلا حنه او حمام زيت
وخلي اكلج فيه بروتين ترى البيض وايد مفيد تريقي بيض يوميا وعدلي اكلج
قرقت وايد ههه والله يهنيج ويعطيج الي تتمنين

 

[احب المدرسة]

زيت اركان وايد روعةة ومن ثالث استعمال بتلاحظين الفرق عن تجربةة
وحطيه بشعرج قبل لا تنامين ولما تقعدين تسبحي وشوفي النتيجةة
وسوي جدول نفس ماقالت اللي فوق كل يوم حطي شي
والله يوفقج يارب:*

 

[bebi]

بعد قلبي بنات مشكورين ع النصايح
انا حجزت موعد في صالون اسمه بايوسفير يقولون زين و يسوون فحص بالسونار حق الشعر بشوف شعلته .. و شريت حبوب و بجرب اكل ثوم مثل ما نصحتوني و ان شاء الله القى نتيجة
ويعطيكم العافيه والله ماقصرتو

 

[فوزيه الراسي]

الثوم مفيد بكل الاحوال

 

[bebi]

اي اهو من ناحية مفيد مفيد مافي شك بس القضية بالريحة مو بالفايده اخاف احطه و تضل الريحة لي يوم العرس:eh_s(2):