التويتر الكل يدش

[DaLoo3t BaBaTii]

.



تأيدين ان البنت بتويتر ترد ع شباب بتغريده كتبها ؟*

آي عآدي ، بس مو سوآلف و مآدري شنو !


تأيدين البنت تحط صورتها الشخصيه ؟*

لآ !


وشنو اللي م تحبينه بتويتر ويضايقچ ؟ او شنو اللي تحبينه ؟ وليش سجلتي فيه ؟*

مآ آحب قلةة آلآدب آللي فيه
آحب إن آلآخبآر توصل آول بـ آول
سجلت لأن آحبه


واخوانج اهلج يدرون بحسابچ ومسويلچ فولو؟؟*

طبعا يدرون !! شكو آخش !!
آي مسويلي فولو ، و مسويتلهم

.

 

[كـويتية]

أنا صراحة اخوااني كلهم مسوين حسابات بتويتر بس معارضين اني انا اسوي على اساس خبرتهم ان مايصير البنت تسوي حساب

فـ شسويت انا رحت وسويتلي حساب ع الايفون بدون ما يدرون وتعلمت عليه وادز تويتات وناس وايد ضافوني وضفتهم واشوف حسابات اخواني تغريداتهم وفلوينق مالهم من بعيد ارد على شباب بالعام بالخاص ممنوع ومستحيل اللي يكلمني ع الخاص من الشباب بلووك بس ع العام ريتويت وجذي ورد يكون انيق اما ناحية احط صورتي اقدر احط بس خوفج يركبون عليها ويخربطون فيها هذا اللي مخوفني من ناحية الصووور

باركوولي فلوورزي 400 ماصارلي شهر ونص

 

[reemiya]

والله انا قبل كان عادي وحاطه اسمي وكل شي وخوالي وعمامي والكل يعرفه

لين بيوم وحده ماقول غير "حسبي الله ونعم الوكيل"

والمصيبه اعرفها ومادري ليش انا ساكته بس اردد اقول حسبي الله ونعم الوكيل


قومي طرشي واحد حتى يوزره خايس مثل ويهه

ويقعد يتكلم ان انا سويت جذي وجذي

وذكر نقاط معينه والله سخيفه وعاديه جدا ما تاثر بالسمعه لان يخسون مايقدرون ومايصيدون

الي يمشي سيده محد يصيده

المهم ولاني لله الحمد رايتي بيضه مع الكل رديت عليه عبالكم طنشته ههههههه
رديت وبشكل مؤدب

وبس

بنفس الليله صارت لي زفه مصريه

خالي ما كانت حاسبه حساب انه يتابع كل تغريداتي كلها كلها دق وشرشحني للامانه

من الخوف علي يقولي انا من البدايه كنت حاس وقلبي ناقزني ومادري شنو


انا واثق بس ما اثق بالخممه الي بتويتر

جان اقوم واصكر حسابي لعيون خالي واهلي

فنصيحه بنات لا دشين باسمج الصجي

شوفي انا والله مو مسويه شي ولا ظريت احد وشوفي شلون الناس تضرج

وحتى 2 من بنات اعرفهم هم جذي

 

[فيونكاq8]

^^^
كويتيه انتي نفس سالفةة رفيجتي اخوانها مو راضيين تدش !! ومبروووك انا 213 فولورز

Reemya هالفئه اللي تكلمتي عنها اللي يجي يخربط هم هذيل اللي كرهوني بتويترر ،،ومنوره

دلوعة باباتي ،، اتفق معاج

 

[فيونكاq8]

اب اب

 

[نهى الأحمد]

مشكوره حبيبتي لطرحج هذا الموضوع المهم


عالم النت فيه الشين وفيه الزين

فيه الناس العاقله اللي تعرف شلون تستخدمه

وفيه الناس اللي ماتفكر ابد بالاخطاء اللي يسوونها عبالهم مارح ينكشفون


اي صورة تحطينها بالنت يقدر اي احد يشوفها باي طريقة

او عن طرق مواقع التواصل الاجتماعي التويتر او الفيس بوك او غيره


هذا يعتمد على كل مستخدم لمثل مواقع التواصل الاجتماعي وعلى حسب التربية

وانه يعرف الصح من الغلط

ويحط في باله اهم شي مخافة رب العالمين

وشي طبيعي انا ما أأيد وضع الصورة الشخصية للمستخدم في بروفايله

لانه الدنيا مافيها امان


عسى ربي الجميع

 

[a7la-elbanat]

كل شي بالتكنلوجيا له ناس تشوهه وتعطيه سمعه سيئه انا عن نفسي ماعندي مشكله والكل يدري بحسابي وارد وتناقش مع الفلورز بحدود العقل والأدب لان بالنهايه هذا موقع تبادل أفكار مو علاقات وأحسن شي الوحدة تسويه انها ماترد عالجاهلين وتأخذ اللي ينفعها وتنفع غيرها وبس

 

[MnoOoLy]

* تأيدين ان البنت بتويتر ترد ع شباب بتغريده كتبها ؟
هيه ما شي اي مشكلة ، دامها ترد عليه بموضوع معين او تشاركه برآيها مب مشكلة ، بس انها تسولف و تاخذ راحتها و ياه هنييه أنا ما أأيد ..

*تأيدين البنت تحط صورتها الشخصيه ؟
لا و أألف لا ..​

*وشنو اللي م تحبينه بتويتر ويضايقچ ؟ او شنو اللي تحبينه ؟ وليش سجلتي فيه ؟
- الأشياء اللي ماحبها : في ناس تغريداتهم مالها فايدة بصراحة او الهدف منها التضليل و شحن النفوس ..
- و الاشياء اللي احبها : الاخبار اللي توصل أول بأول (( و لاحظت ان شي خدمات اخبارية عندها اكاونت ف التويتر و بن ف البيبي ، تطرش ف التويتر اكثر من البيبي مع انها نفس الخدمة لكن ف التويتر اسسرع )) ، و شي ناس ما شاء الله عليها مثقفة تحلل الامور بطريقة يمكن نحن ما نعرفها او ما نشوفها لا ف جرايد و لا ف مواقع ، و انا هالشي يثير فضولي و احب اتابعهم اول بأول و اذا عندي راي ف الموضوع اللي يحللونه و يناقشونه ارز فيسي و اغررد ههههه :d ..
- سجلت فيه بدافع الفضول ، ابا اعرف شو هالتويتر شو يسوون فيه ،، و الدافع الثاني هو اني ابا اطور نفسي يعني فشلة ف الجامعة ماعرف للتويتر و حق هالسوالف ع قولتهم لازم الاعلامي يكون ملم بكل جديد >> يَ عيني هههههه :d

*واخوانج اهلج يدرون بحسابچ ومسويلچ فولو؟؟
مب الكل يدري بس ما اتوقع عندهم مشكلة ، اغلب خواتي و اخواني و بنات خالتي و ربيعاتي مسوين لي فولو ..

مشكورة الغالية على موضوعج الرووعه
تسسلمين ع الطرح​

​

​

 

[متحديه ومتاكده]

up

سبحان الله وبحمده .. سبحان الله العظيم

 

[Ahlam Al]

موضوعج حلو ، الله يعطيج العافيه :eh_s(17):

تأيدين ان البنت بتويتر ترد ع شباب بتغريده كتبها ؟*

اي ، اذا بتفيده بمعلومه او يتناقشون بموضوع عام او العكس !
لا ، اذا كانت سوالف و غشمره و ضحك و حجي فاضي !

تأيدين البنت تحط صورتها الشخصيه ؟*

لا ما ايد ، لا مجتمع يرضى ولا دينا يرضى و هذا غير الذنوب ! : )

وشنو اللي م تحبينه بتويتر ويضايقچ ؟ او شنو اللي تحبينه ؟ وليش سجلتي فيه ؟*

انا ما كنت اعرف شنو تويتر فـ سجلت فيه لقافه و قبل لا الناس يهبون فيه
و عقب حبيته و ادمنت عليه ،

و اللي احبه ، انه كل الناس موجوده سواء مشهوره او لا ، و الاخبار توصل اول بـ اول
و اللي ما احبه ، اللي يتكلم بالسياسه و اهو ما يدري وين الله قاطه و من هالخرابيط !
و غير الشباب اللي داخلينه حسبالهم البنات لعبه بـ ايدهم !

واخوانج اهلج يدرون بحسابچ ومسويلچ فولو؟؟*

اي ، اهلي يدرون انه لي اكاونت و مسوين لي فولو
​

 

[~..samar]

* تأيدين ان البنت بتويتر ترد ع شباب بتغريده كتبها ؟ هالموضوع يحرني لانه نوعين في نوع ترد ع شي يستاهل والنوع الثاني كل ما كتب واحد شي رزت عمرها وحطت هالقلوب والبوسات " :* " شسالفة ؟؟؟؟ عسى ما يقول واحد صباح الخير ترد عليه صباحك حب وغرام ياعمي ارحلي !!! . *تأيدين البنت تحط صورتها الشخصيه ؟ لا ما أيد بتاتاً . .*وشنو اللي م تحبينه بتويتر ويضايقچ ؟ او شنو اللي تحبينه ؟ وليش سجلتي فيه ؟ الي ماحبه قرف بعض الناس وقلة الادب والتغريدات الي تنعاد الف مرة ، الي أحبه الاخبار اول باول والنقاشات المفيدة ،، ليش سجلت فيه مادري p:*واخوانج اهلج يدرون بحسابچ ومسويلچ فولو؟؟ اي يدرون بس مب الكل وبعضهم مسويين لي والبعض لا وبس مشكورة ع الموضوع ..​

 

[فيونكاq8]

يعافيكم بنات ووجهةة نظركم واكيدد احترمهـا

 

[فيونكاq8]

* تأيدين ان البنت بتويتر ترد ع شباب بتغريده كتبها ؟ هالموضوع يحرني لانه نوعين في نوع ترد ع شي يستاهل والنوع الثاني كل ما كتب واحد شي رزت عمرها وحطت هالقلوب والبوسات " :* " شسالفة ؟؟؟؟ عسى ما يقول واحد صباح الخير ترد عليه صباحك حب وغرام ياعمي ارحلي !!! . ..​

لووووول صاجه

 

[Mrs_Efron]

wallah 3ala al38lya w altrbya
تأيدين ان البنت بتويتر ترد ع شباب بتغريده كتبها ؟*

ee wala la2 ma ashuf ena sh'3le ow sh;3' ay a7d alwa7d yt7cha 3n nfs w bs m7d lh 78 ynt8d a7d 3ala t9rfata

3n nfse ashuf ena 3ade ena ard 3ala 7sb altweet y3ni shy ynrd 3alaih ama ene ard chene myta 3ala a7d

b3dain kl alnas ele mswytlhum follow men alshbab a5wane w albage kla ajanb w fandoms w hal sowalif fa 3ade t9eer 7ewarat w madre bnt wala wld

تأيدين البنت تحط صورتها الشخصيه ؟*

klmn 3ala ra7ta

ana 3n nfse 7a6a 9ura 3adya mu ana

وشنو اللي م تحبينه بتويتر ويضايقچ ؟ او شنو اللي تحبينه ؟ وليش سجلتي فيه ؟*

ele 5lane asjl feh dktore beljam3a y76 kl shy feh + men 3rft ena alfandoms mwjoden w b8wa feh admnt w wayd f5ore wmstansa ene 3rft nas mthle

واخوانج اهلج يدرون بحسابچ ومسويلچ فولو؟؟*

ee ydron w mthl ma 4krt mswnele w msytlhum follow

thnx

 

[الزورق222]

تأيدين ان البنت بتويتر ترد ع شباب بتغريده كتبها ؟*
شاب عادى او شخصية معروفه اذا كان معروف سياسى فنان رياضى فبالنسبه لى عادى ارد عليه بطريقة محترمه ..اما الشباب العاديين طبعا لا ..
تأيدين البنت تحط صورتها الشخصيه ؟*
لا
وشنو اللي م تحبينه بتويتر ويضايقچ ؟
اثارة الفتنة مااخترع الا لهدف الان تم توجيه جميع وسائل التقنية فى العرب بالذات لاثارة الفتن الطائفيه والقبليه الله يستر منه ..الغرب مستواهم راقى حتى مجرمينهم عقال مو مثلنا يموتون على الذبح ههههههه عرب ماينشره عليهم
او شنو اللي تحبينه ؟ وليش سجلتي فيه ؟*
سوالف الفنانين السياسيين هذا اللى احبه وبعض الملتزمين تعجبنى طريقة تفكيرهم
وهو سبب تسجيلى فيه ..
واخوانج اهلج يدرون بحسابچ ومسويلچ فولو؟؟*
يدرون عنه بس ماسويت فولو الا لوحدة من اخواتى الباقى مااخذت حساباتهم ..

_____
بخصوص التقنيه سواء كانت ******* - ******** او وتس اب الخ انتم من تستطيعون التحكم بها على طول سوووا بلوك للمزعج وتنتهى المشكله ..

 

[غـلآوي ّ ~]

تأيدين ان البنت بتويتر ترد ع شباب بتغريده كتبها ؟*

تِرد وِتحآور اذا شئ منطقي امـآ لمـآآ يسسسلم مٌو ترد و تقول دوم ان شاء الله بخير ولآآ تِصبح عليه خخخخخخخ


تأيدين البنت تحط صورتها الشخصيه ؟*

لوووؤؤؤوول لآآ طبعـآآآ

وشنو اللي م تحبينه بتويتر ويضايقچ ؟ او شنو اللي تحبينه ؟ وليش سجلتي فيه ؟*

كِل شئ حلو بـ تويتر أخبآآر و معلومات وتغذيهه وِ غيره
آلليّ يضآيقنيّ بعض البنآت يستغِلون تويتر للتعآآرف علئ الشبآآب وٍخصوصآآ بالخآص
ليشش سجلتّ فيهه رفيجآتِي واهلئ مسجلينّ فيهه وو تويتر يههبل بجميع الاحوآل


واخوانج اهلج يدرون بحسابچ ومسويلچ فولو؟؟*

مآعنديّ إخـوآآن وِ اهلي يدرون ومسويليّ فولو وآنـآآ بعدد :*

 

[متيمة بالشعر]

تويتر بشـكل عآم هو حلـو , لكن عاد كل واحد و طريقة استخدامه ! وتغريداته هي اللي تدل على تربيته و شخصيته , و عالم النت بشكل عام فيه الزين و فيه الشين بس الواحد يحذر !

بالنسـبة لي .. استفيد منه , لآن اكو معلومات وايد يعرضونها المغردين بغض النظر بنت او ولد و تكون مهمة و اول مره اعرفها او ان صححت لي معلومه .. فيه حكم تعجبني .. فيه تسلية ونكت يعني توسع الصدر ! ,
و طبعاً فيه الشين لكن الواحد لما يدخل لغرض انه يستفيد راح ياخذ اللي يبيه و يطلع وما يلتفت لآمور ثانية ,

..

تأيدين ان البنت بتويتر ترد ع شباب بتغريده كتبها ؟

ترد عليه تناقشه مثلاً .. حول التغريده نفسها اذا انفتح باب النقاش , ترد عليه اذا حضر لها استفسار او سؤال حول اللي كتبه , ترد عليه السلام و بعد يعني تقدر ترد بينها وبين نفسها مو شرط تكتب ! ترد عليه يعني مثل ما يقولون كلمة و رد غطاها ,, إي ما فيها شي .. اذا كان بإيطار الاحترام و ما تطيح الميانه يعني و اذا كان للضروووره ! آما اذا سوالف و ضحك وغشمره لا ما اؤيد طبعاً .. !!

تأيدين البنت تحط صورتها الشخصيه ؟*

آبداً ما آؤيد !!

واخوانج اهلج يدرون بحسابچ ومسويلچ فولو؟؟

إي يدرون .. و مسوين لي فولو ,
,,,



.. اللي يسوون حساب من ورا اهلهم , غلط اكيد لآن اذا انتي مو خايفه من اللي تسوينه فراح عادي تقولين لهم .. إلا اذا الاهل رافضين الفكرة بشكل عام .. و انتي عندج ميول تكتبين اشيا تفيد ومافيها غلط ممكن تسجلين وحتى لو عرفوا راح يقرون كلامج اللي كاتبته وبيعرفون ان ماكو شي غلط او ان تكتبين و تحطين مواهبج بمنتديات و جذي اذا اهلج رافضين فكرة [ تويتر ] تحديداً ,


يعطيج العآفيـة حبيبتي عالموضوع , عجبني ؛)

 

[A5tsloom]

موضوعج شدني للحوار
ما اشووف فيها شي دخوول البنت للتويتر عـَـْـَآدٓي تدخل لكن ماترد ع الشباب وكلام ... مثل اللي حاصل
والصوره الرمزيه ماتكون صورتها طبعاً ولا صور بنـْْ♡ـْْات عاريات .... الخ
تكون صُــۆرھّ حلـِوه وتغريداتها مو لازم تكتب وين راحت وين جت وتكتب كل يوميتها هِـٌ?ـعٌِ
وانا داخله تويتر وعمامي وخوالي مسوين لي فولو وانا مسويه لهم ونرتوت لبعض بعد

وثاانكس ع الموووضوع الحلووو خيتو

 

[أم خشم]

موقع حلو وانا مسجلة فيه و كل واحد و نيته و وانا ما احب استخدام الصور الشخصية مهما كان لان ممكن تستغل الصور فمن الامن استخدام اي صورة بديلة . . وفعلا اهوا موقع مفيد و يكسب معلومات و يكسبج مهارات الحديث و الحوار و التعرف على افكار الغير
لكن البعض اساء استخدامه مثل الحسابات القليلة الادب و المغازل هههههههههه
بس حلووو مع ان اكثر ما ينرفزني الانفلو ,, ههههههه يبط الجبد
بس عموما حلو مفيد و كل واحد و نيته

 

[وايليه 1]

مع انها ترد وتناقش مافيها شي تخاطب مستويات عقليه مختلفه وكل وحده وتربيتها

الصوره الشخصيه < انا ضدها بحكم اني بنت قبليه

ماعندي اخوان والوالده تدري عنه وبالنسبه لباجي الاهل مسويتلهم فولو اكيــــــــــــــــد

التويتر موقع اجتماعي مثله مثل باجي المواقع الاجتماعيه ؛ وعالم جميل ويوصل لج اخبار الديره ويكشف حقائق وتلمسين اراء مختلفه وتوسعين دائرة فكرج

اختصر الطريق علي


العيــــــــــــب مو بالتويــــــــــتر العيــــــــــــــب بالناس اللي مو عارفه تستخدمه صح






شــــــــــــــــكرا