التهاب في البول

[مناير العماير]

بنات بليززززززززززززززززززززززز محد عنده علاج حق التهاب البول حدي تعبانه

 

[طم طم]

والله انا بعد مثلج ذبحنى الإلتهاب فى البووول تكرمون
ما ادرى شسوى
سمعت انه ماء المرقدوش زين والله العالم والشعير بعد بس ما ادرى لين الحين ما جربته
والله يشفينا ويشفى كل مريض يا رب

 

[srabeel]

الله يشافيكم إن شاء الله ، المفروض من أول ما تحسين بحرقه وعوار على طول تروحين للدكتوره وتسويلج تحليل وتعطيج مضاد لالالالالالالالازم علشان باجر لا يزيد ويأثر على الكلى

انا عن نفسي توني مخلصه من الإلتهاب الحمد الله تعالجت ووايد يصير فيني لأني ما أشرب ماي وايد

دكتورتي سوتلي تحليل طلع فيني إلتهاب بالبول جان تعطيني مضاد والحمد لله
نصيحه روحي حق الدكتوره وإهي تعطيج العلاج مو زين تطولين وما تعالجين الله يعينكم

 

[!! شوق !!]

بنااااااااااااااات اول شي اشربوا مااااااااي بكثره

وثاني شي عليكم بعصير التوت تلقونه بمركز سلطان اوووو الجمعيات فيه نوعيه المراعي اظن وحده بوحده تراه

 

[LoOoLoOo-23]

السلاام عليكم
والله يا بنات انا مثلكم وصراحه استحي اروح الطبيب ... بس اللي صج فاد معاي اشرب على الاقل لتر ونص ماي مخلوووط مع شويه مرقدووووش ما تقعدين من نص الى ثلاث ارباع الساعه الا وانتي طايرة وانتو بكرامه الحمااام ... و للحرقه اللي تحوووشني امي تعطيني مرهم مضاد حيوي بس والله نسيت اسمه ... اهوا صنع المانيا ولونه احمر و ابيض ... و اذا رحتوا الصيديله يعطيكم اياه لانه بدون وصفه طبيه و سلاامتكم

 

[باسمك نحيا 2]

بسم الله الرحمن الرحيم 00بيرة الشعير ممتازة بس ماتغنى عن الطبيب

 

[شندوخه]

علج لبان عن تجربه
اخذي كمشه ونقعيه بدولكه ماي وشربي منها
والشعير بعد ممتاز تلقينه بالحواج اشتريه وفوحيه وشربي الماي

 

[كريستال]

الله يعينج

عليج بشرب الماي قد ماتقدرين

وشربي عصير كرانبري

واكلي خياار وبقدونس

ويارب يشفيج

 

[الغاليه نونو]

شوفوا ياااحبايب قلبي
عندكم خبيرة الاعشاب اذااا تبون تتأكدوون من كلامي سألوها وانشاااءالله بتأيدني

تروحين الحواي وتقوليله ابي شى حق التهاب البول
والله مادري شسمه بس يبت حق جنتي من الحواي اللي بالسالميه وعطاني الطريقه وسويتها والحمدلله والله طاااااااابت واشزينها

كانت تشكي من حرقه وتبجييييي خنت حيلي لما تنحصر وانتو بكرامه


رحت يبت لها من الحواي شى اسمه تخم الشربت ومعاهم بعد حبوب صغار لونهم اسود ماسيه اسمهم والله
نظفتهم زيييييييييييييييييييين وحطيتهم بالمشخال اللي عيونه صغار كلشششش لانه الحبوب صغار بعد وغسلتهم من الغباار

المقدرا سويته استكانه من التخم شربت واستكانه من الحبوب اللي لونهم اسود
وتالي يبت دوولكه وحطيت فيها شوي شكر وماي ورد وحطيت الحبوب وصبيت بالدولكه ماااي ونقعته وخليته بالثلاجه

قال لي الحواي خل تشرب ثلاث مرات باليوم او مرتين قلاص من هالمنقووع
وفعلااااااااا والله صبيت لها واشربته مادار لها يومين وصارت اشزينها جنها البخت
وطعمه حلوووووو فيه ماي ورد ومحلي بالشكر جنه شربت

ومن هذااك اليوم كل مااغطيت لي جم يوم نقعت دوولكه ورزيتها بالثلاجه وشربت انا وجنتي وقلنا يارب لك الحمد

 

[كويتيه مول]

انا توني خالصه من التهاب البول ةانتوا بكرامه صج عذاااااااااااااااب

رحت المستشفى وسويت تحليل تطلع نتيجته بعد 48ساعه وصرفولي مضاد بس بعد ما تعذبت الحمد لله

 

[وصايف]

والله انا بعد مثلكم بس شسوي ماكو فايده اشرب ماي ماستفت شي الحرقه تذبح بس شكلي من باجر ابروح الطبيب