التهاب ال....

[شيخه_البيض]

مرحبا


منو تعرف من شنو يصير التهاب البول " تكرمون " وشنو علاجه ؟

 

[ريمه الكويت]

شوفي حبيبتي التهاب البول وانتي بكرامه اكثر شي يسببه قله شرب الماي خصوصا بالصيف والواحد يعرق ويفقد سوائل لازم تكثرين شرب الماي وكل ماشربتي ماي تشوفين الالتهاب خف
وبعد اكلي رقي لانه يدر البول وبعد كثري من اكل وشرب ماي البقدونس بعد غليه بالماي يعقم ويقتل البكتيريا ولازم تغيرين الملابس الداخليه على طول وتعقمينهم واكو فوار يبيعون بالصيدليات من اعشاب طبيعيه انا مجربته وقت مايسير فيني احصار تكرمين من الالتهابات وايد ممتاز
وماتشوفين شر

 

[شيخه_البيض]

الشر ما اييج يابعد عمري ومشكورة على الرد النافع

 

[q8_hala]

قريت كتيب في عيادة دكتورة نسائية ينصح بشرب عصير العنب الأحمر لعلاج الالتهاب
واتمنى لج الصحه والعافيه يا شيخة البيض

 

[شيخه_البيض]

مشكورة عالرد

والله يعافيج

 

[*دبدوووبه*]

هلا والله بشيخة البيض


اذا كان في التهاب بالبول
طبعا يبين مع تحليل الزراعه

يعطي الدكتور مضاد حيوي مع غسول خارجي

واسباب الألتهاب البول وايد
منها
القولون
الكليى
الترسبات في الحالب و الكلى
الاتصال الجنسي << ياعيني عليج لووووول
كثرة الاملاح في السوائل
وعدم تغيير الملابس الداخليه
وسوء تنظيف المنطقه بعد التبول << عزكم الله

هذي اكثر المسببات
وقليل مايصير التهاب في البول
للبنت الي مو متزوجه "

 

[العـذوب]

ما أزيد على الخوات

ماااي وماااي وماااي


وبترتاحين

 

[نور مصر]

انا سمعت ان شرب البابونج مفيد

 

[شيخه_البيض]

اول شيء مشكورين على ردودكم

ثاني شيء انا بضحكم معاي شوي

انا الالم اللي حاسه في حللت من كيفي انه التهاب

بس يوم رحت حللت طلع مافيني الا العافيه بس هذي المبايض

*دبدوووبه*

يما منج

والحمدلله مافيني الا العافية


وأشكركم بنات على تعاونكم معاي