سـما
New member
العفووو ولو حياج
ترى مواعيدها تطول نوعا ما ..
يعني تحجزين مرات قبل الموعد باسبوع او اسبوعين او يمكن اكثر
على حسب جدول المواعيد
بس ما تدخلين بدون موعد لو شنو يصير
اما البوتكس والفيلرز سعرهم ثابت على حسب الكمية
البوتكس ما يعور كلش ومن تقزج ما يبن اثر على الاطلاق
بس تبين وياج النتيجة بعد اسبوع الى اسبوعين
اما الفيلرز تبين وياج النتيجة من تقز الابرة
ويحطون لج بنج موضعي وان حسيتي انج تبين بعد اطلبي
انا تحط لي بنج واقعد 20 دقيقة وان حسيت انه اذا حطيت الثلجة
على مكان الخط اللي بطق فيه الابرة وحسيت ببرودة الثلجة
يعني للحين عندي احساس بالمنطقة واقول للسستر
تحط لي بنج بعد وبعدين خلاص ما احس بشي
اقول لها اوكي جاهزة نادي الدكتورة ,
والدكتورة تقز فيني بهالابرة ما تعور بس طبعا تحسين فيها
مو ألم , لا بس مجرد احساس بدخول الابرة
وشوي مثل القرصة الخفيفة
انتي اخذي رايها بالكمية ,
وهي تحط لج .. شاوريها قولي بعد والا كافي؟
ترى ما تغشج اذا تحتاجين بتقول لج اي بعد
ولالالالازم تحطين ثلج على طول عشان ما يزرق مكان الابرة
وبعد طلبي منها مضاد حيوي عشان ما يلتهب مكان الابرة
يمكن جسمج يتحسس والا شي , خليج بالسيف سايد
انا عطتني اول مره حبوب مضاد ,
بس المره اللي وراها ماعطتني وبقع وياي مكان الابرة
وطول تقريبا 3 ايام مبقع اخضر
بس المرات اللي بعدها قمت اذكرها تكتب لي المضاد
وقالت لي خلاص ما يحتاج , قلت لا دكتوره ابي عشان ما يبقع
مكان الابرة وما يورم
وقمت اخذه على طول كل ما سويت فلرز خذيت مضاد
اريح لي صراحة
اذا صار لج بقع بتكون خفيفة وتروح بعد يومين
وثالث يوم بالكثير يكون مكانها بدون اثر على الاطلاق
او يدوب شي خفيف ما يبن
وعموما من اول يوم تقدرين تحطين مكياج وما يبين التبع
ان كان فيه تبقع ولون مكان الابرة
انا انصح كل وحده اتلاحق على عمرها وتسوي فلرز
وبوتكس
لان بعدين ما يلحق لا الفلرز ولا البوتكس وتتحسف
وبنفس الوقت انصح ان تتأكد من الدكتور ونزاهته وشطارته
