التهاب الخدود بعد حقن الفيلر وحلها الجذري

[ام شريفه]

انا قازه فلرز حمس الفواكه (بيرلين) تحت عيني عند نوره الصليلي لا تشوفين ويهي بعد شهر جنه توني قايمه من النوم بس 24 ساعه يعني طول الوقت تحت عيني متفوخ و خل أحط كريم تحت عيني شوفي اشلون يصير أحححححمر

 

[fditne]

ياويلي علينا لعبوو فينا دكاترة التجميل (

لازم تراجعين دكتور لاتسكتين عيونج هذيل

مره سمعت ان دكاترة العيون ممكن يساعدونج ويسحبونها لج ابره خاصه لتحت العين

 

[noof123]

رد : التهاب الخدود بعد حقن الفيلر وحلها الجذري

نفس الحالة الي امر فيها حاليا انا التهب خدي من الفيلرز وشقو خدي وطلعو الالتهاب والمادة ولكن بعد اسبوع رجع التهب مره ثانيه ولما سحب الدكتور الالتهاب بالابره تورم وجهي بطريقة مخيفة والحين ماقدر افتح عيني و انتظر ادويةالمضاد الحيوي تعطيني نتيجه او تخفف اللانتفاخ
والدكتور قال ان الموضوع مش بسيط لان كل مايسحب الصديد يرجع يتجمع مره ثانيه .:eh_s(16)::eh_s(16)::eh_s(16)::eh_s(16):

 

[ايميي]

حبيبتي انا الحين جالسه اعاني من نفس المشكله صارلي الحين حول ال9 شهور اتعالج
جالسه احقن كورتزون عشان يذوب الماده بفترات متباعده عشان مايأثر علي الكورتزون الحين انا مسافره وبعيده عند دكتورتي الي تعالجني قبل اسبوعين انتفخ خدي شوي بس مو وايد يعني خاف كثير عن اول يبيلي ارد احقن الشهر الجاي لي رديت عموما العلاج طويل ويبيلك صبر روحي لنفس الدكتور الي خاز الفيلر افضل عشان يعرف اشلون يذوبها انتبهي تطويلين عليها لان المضاد الحيوي بس يهديها مايروحها انا الحين عا المضاد والجوبيزون لحد ما ارد احقن
والله يشفينا اجمعين

 

[نورالدنيا***]

الله يعينا علي دكاترتنا الخواااره مادري شهالدكاتره لاذمه ولا ضمير عاميهم الطمع

حتي انا نفس الحاله الله يعينا ويشافينا اجمعين

 

[ام غمازهـ]

الله يشفيك

 

[ايميي]

طمنينا عليك اختي ايش صار معاك

 

[ml7-aldnia]

السلام عليكم حبيباتي

خل ادخل بالموضوع على طول

خل اقول لكم تجربتي بحقن الفيلرز
الله يسلمكم انا شفايفي حجمهم صغير جدا اذا ما ابالغ خط فيعني لما قررت اسوي حقن الشفة مو استعراض بس لاني فعلا محتاجة المهم
لما حقنت باول شهر روعة ولا احد لاحظ كان طبيعي جدا جدا ولكن كنت كل يوم ألاحظ ان مكان فوق الشفة كل يوم ويتفخ زيادة وتصلب بطريقة مو طبيعية حتى لما اشرب الماي احس ان يطلع من حلجي
والله يا غاليين ما تشوفون المعاناة اللي كنت اعانيها ومازلت نفس ما حصل معاكم لما رحت للدكتور نفسه قال انتي يمكن حاشتج حمى او صخونه والفايروس حاش المكان طبعا كله كذب ونصب حقن لي ابرة كورتيزون على الشفة والحمدلله صار احسن بس صار اسبوع الله لا يوريكم الحين من هالموضوع شهر فبراير 2010 والحين احنا ابريل 2011 يعني اكثر من سنة وانا كل يومين ما عندي شغله الا اروح حق الدكتور اقصد الجزار علسان يفتح لي المكان ويفضي لي المادة لكن عقب شنو متصلبة والله اقسم بالله العظيم اتعذب عذاب على ما يفضي الصديد حسبي الله ونعم الوكيل فيه وما خليت دكتور تجميل ما رحت وكلهم نفس النتيجة ما احد قدر يساعدني الكل يقول لي روحي عند دكتورج اللي حقن الشفة تخيلوا رحت البابطين ورحت دار الشفا ورحت السلام واخر ما توصلت له البروفيسور الألماني بمستشفى المواساه الجديد وكل الطاقم الطبي اجمعوا ان أنسجة الشفة خلاص اتشربت المادة ومهما افضي المادة ماكو فايدة ادخلت بالانسجة ولازم عملية جراحية يشيلون الانسجة اللي بالشفة كلها بس طبعا راح تنتج لي اعوجاج بالشفة وبعد 4 شهور يتكفلون ان يسوولي عملية ثانية ان يسحبون دهون من جسمي ويردون يحقنونها بالشفة علشان يتفادون الاعوجاج والتعرجات اللي راح تصير
أدري طولت عليكم بس حبيت ا قول لكم معاناتي بأمانة وبدقة كل اللي صار فيني واللي اعانيه لي الحين حسبي الله ونعم الوكيل طبعا انا رفضت اني اسوي العملية وخايفة وايد بما ان ما بقى شي على ملجتي وما ادري شسوي بحياتي الزوجية من بعد هالمشكله
وخلوني اقول لكم عن الدكتور هذا للأمانة جدام رب العالمين ابلغ عن هالدكتور اللي ما يخاف الله علشان يتفادونه اكبر عدد ممكن من البنات الدكتور في مركز الجار الله الالماني اللي بحولي اسمه دكتور محمد محسن حسبي الله ونعم الوكيل فيه اللي كان اسم المركز الطبي سابقا عناية كلينك الحين تغير
اللهم بلغت اللهم فاشهد
وان قريتوا مأساتي أمنتكم الله بكتابه ودعواتكم لي يا بنات بالشفا لي ولكل وحدة طاحت بفخ الدكاترة اللي ما يخافون الله

 

[نورالدنيا***]

امبيه مع الدنيا الله يشافيج ان شالله حسبي الله ونعم الوكيل فيه روحي اشتكي عليهم خليعوضونج وروحي امريكا عالجي والله جد

لان الصديد اسمالله عليج موهين وشوفي شحاطين مواد رخيصه وغير مرخصه

 

[ml7-aldnia]

يسلمج اختي نور الدنيا تسلمين يا الغالية والله عاد فكرت اكثر من مرة اني اشتكي عليه لا واللي يحر ان كل ما اراجعه العيادة عنده فل ما أدري يعني مو من شطارته الله يغربله
بس دايم اسمع ان اجراءات الشكوى حوسة ولوية
الله المستعان

 

[أم صالح]

امبيه نفس اختي مسكينه غازه لبر تكبير الخدود عند اقبال الخطيب وماتدري شنو الماده اصلا الحين صاير صخره داخل خدها صلبه وتعور لما تاكل اوتضحك راحت كذا دكتور موراضي يتعبث فيها وحذروها من العبث فيها والحين راحت سوريا عند احمد رسلان هم مارضا يشيلها وقالها هذا صار تليف انصدطت المسكينه وقالها ماله حل غير ابر كورتزون تذوبه بين فتره وفتره والمشكله لما راجعت نفس الدكتوره تسالها عن الماده ماقالت اسمها وقالت لها عادي تبين اشيلها لج الحين عادي ويابت ابره وقعدت تحوس بالخد وتطلع وصخ عالفاضي

 

[*المها*]

امبيه بنات خرعتوني:eh_s(2):
انا غازه فلر تحت عيني من سبع شهور الحمد لله ماكو شي بس اخاف تطلع الاثار الجانبيه بعدين :eh_s(16):
طمنوني يعني انتوا متى صار لكم هالشي بالبداية ولا عقب فتره من التفخ بالفلر ؟؟

 

[Lucky12]

والله يابنات أنا نفس الطريقه

نفخت شفايفي والتهب عسى الله يشافيني ويشافي الجميع

الله يستر علينا ادعوا لنا ويبعد عنا كل مكروه وياكم

نصيحه نصيحه نصيحه تكفوووون ابتعدوا عن هالشغلات

الله يشهد إني داخله بس عشان أبري ذمتي

 

[ايميي]

رفع للموضوع للفايده
انا بعد ماضربت ابر كورتزون خف شوي وبعد فتره رد اردى من اول الخد انتفخ بزياده وصار الالم لايطاق رحت للدكتوره شقت خدي وطلعت البلاوي ضايق صدري عشان الشق الي صار بالخد بس ماعليه اهم شي افتك من ها الاتهاب بس للأسف طلعتلي الحين مشكلتين المشكله الاولى خد صار اضعف من الثاني وشكلهم باين الفرق والمشكله الثانيه والاعظم اني احس بجزء باقي متصلب ومضايقني احس الماده لسا موجوده مو كلها طلعت مع ان الدكتوره عصرتني عصار مو طبيعي بس مادري ليه ها الحاله
الي عندها تجربه او خبره بها المضوع تفيدنا وشنو تنصحوني اسوي تعبت والله

 

[أم وهابي]

انا قصتى غير عنكم كلكم


غزيت خدودى بماده دائمه اسمها ايستروم

مدتها 5 سنوات وعقب هالفتره سويت تنضيف بشره والتهب خدى بحجم التفاحه
رحت عاطف علام بوحمره سوا لى سحب بالابره وطلع وصديد وجزء من الماده
ورجع تجمع مره ثانيه وسحب وثالثه وسحب
التهب الخد الثاني عقب فتره ونفس القصه ودخلت عمليه بنج كامل وغرزه صغيره من كل صوب تحت الاذن وسحب الدكتور كل شى بويهى الى لى والليى مو لى
وبنفس العمليه سحبت دهون من زندى

وحقنتها بعمليه ثانيه وبنج كامل بعد اسبوعين من العمليه الاولى


النتائج الحمد لله ويا رب لك الحمد زينه بس فى خفسات للحين بويهى بس بكل الاحوال احسن من الاول

وهذا جزاء من تغير خلقه ربي


بنات نصيحه

لا احد ياخذ كرتوزن ترى يحفر الويه

واى استفسار انا بالخدمه

 

[حكآية قلب]

يمااااااااااااااااااااااااااااااااا


انااا ناوية لخدودي


عااد الحمدالله انااا زين ويهي بس


الله يشفيييكم ..

يااااااااااااارب كلكم ..


آم وهآبي تكفين ؟. بشنو اكبر خدودي !!

ويهي ذبلان من توتر العرس ..

 

[dectora 7elwa]

لا اله الا الله
الله يشافيكم بنات

 

[ايميي]

ام وهابي الله يشافيك ويشافينا جميع بس بسالك الحين تحسين بشي ولاكله راح وهل المنطقه صلبه
المشكله انا مادري وضعي طبيعي ولالا احس بشوية تصلب والشق راح يبقى اثره ولاراح يختفي
باين علي مكتأبه ادري

 

[سموالاميره2009]

حسبي الله ونعم الوكيل لعبو بالناس عسالله يشفي ملح الدنيا وكل البنات يارب

 

[رمشْ الحَيآ]

Up upp