التهاب الاذن

[قمرية الفيس]

السلام عليكم




ياجماعه انا ولدي من كان عمره تسع شهور بدى عنده التهاب الاذن ووديده عند دكتور مختص بالهادي وعطاني له مضاد ونظف اذنه
وبعدينرجع الالتهاب وهم عطيته مضاد ونظفتها والحين احس ولدي يحك اذنه ووديته وللحين اللتهاب موجود وقالي الدكتور موزين تسكتين عنه لانه راح ياثر على السمع وعطاني هم مضاد وقالي خل ياخذه وجيبيه لي عشان اسويله تخطيط سمع وتالي نقرر
انا خايفة الصراحه وما ادري شسوي

 

[السمبتيك]

اختي بالضبط هذا حال بنتي لم كانت صغيره

كانت كل اسبوعين ملتهبه اذونها وعلى طول مضاد
رحت حق مستشفى السيف حق دكتور انف واذن وحنجره نسيت والله شسم الدكتور
عطاني علاج حق شهر كامل وقالي بعد الشهر تعالي اشوف اذنها
والحمدلله من بعد هالشهر ماقامت تلتهب اذونها

لا تهملين الموضوع وبنفس الوقت لا توسوسين
ادعي الله سبحانه وتعالى انه يشفيه وبعد عنه كل شر

وحرصي على زيت الزيتون تقطرين الاذن مره بالاسبوع

الله يحفظه ان شالله

 

[elegantway]

up up

 

[M!SS.LOBY]

روحي للدكتور اذن وحنجرة

 

[c a t w o m a n]

أقولج شغله

المضاد الحيوي يطيب الياهل من اهني و يقطه من اهني ابتعدي عنه انتي جيكتي على جيوبه الأنفية ؟

إذا عنده جيوب يصير معاه التهاب إذن دايما ليش تنتفخ وتسكر قناة الإذن فتحبس الماي داخلها وتلتهب

يعني اذا كان السبب الجيوب عالجي الجيوب في أدوية خاصة لها تفششها وتريح الياهل

ويجوز يكون ورى الالتهاب أسباب ثانية


وما يشوف شر انشالله وليدج ربي يحفظه لج

 

[M!SS.LOBY]

معاها حق المضادي الحيوي راح ينفع

 

[حرم راشد الماجد]

نفس بنتي

اول شي اذا كان ولدج يرضع وهو نايم سيده فهذا اللي يسويله الالتهاب يعني لازم ترفيعن راسه شوي وقت الرضعه

وثاني شي طالما الالتهاب قاعد يرد معناته ان انتي مو منتظمه بالدوا
يعني المفروض

ان يعطونج مضاد قوي شوي مثل اوجمنتين 5 أيام كل 12 ساعه او 10 ايام كل 6 ساعه

 

[Emanii]

انا بعد بنتي عمرها ابع شهور و نص و اذنها ملتهبه و تبجي واااااايد بصرااااخ حببتي و ديتها عند دكتور مصدق بدار الشفا عطاني مضاد كل 12 ساعه لمدة 5 ايام الصراااحه ما التزمت بالوقت كللللللش انها تكون ناااااايمه شسوي بالله و اقعدها مااا تقووووم شلون اشربها ياااه !! و حتى لو غيرت وقته هم نفس الشي ما يصدق تكون ساعه 9 الصبح قاعده و تسع بالليل قاعده مثلا ! شسوي بالله

 

[سحرالعيوون]

انا ولدي كان تسع شهور يعاني اذونه من اول يوم ولادة عقب الزيارات حق الدكاترة
في دكتور نصحني ان يحظ فتيل ما اذون لمدة خمسة ايام والحمدلله واايد خفت

الله يشافيه وتفرحين فيه

 

[ناتشوو]

لا تهملين الادوية كلش
انا ولد اختي بالثانوية
ويعاني من هالمشكلة
وبداياتها التهابات متكررة بالصغر
وسوى اكثر من عملية بأذنه
وشالو وحطو
ومراجعات ماتخلص
وكل شتا يعاني
خاصة فيه ربو
الربدة
لا تهملين مراجعاتج مع الطبيب
والله يشفيها

 

[attoosh]

شوفي انا عانيت مع عيالي نفس شي ما فتكيت إلا لما قطعت قطن الاذون يعني ما انظف الاذون كلش ولما يتسبحون سكري اذونهم خير شر بفازلين وقطن لا ادشها ماي والاذون لا اصير فيها رطوبة كلش ورا ترتاحين و تدعيلي وعلى فكره تره بفترة التسنين الامر طبيعي ان الاذون والبلاعيم يلتهبون