التهابات ولا افرازات عاديه ؟؟؟ الله لا يهينكم فيدوني

[Dalal.al3tibi]

رد : التهابات ولا افرازات عاديه ؟؟؟ الله لا يهينكم فيدوني

مثلي كنت اعاني منها من الشهر الرابع او الخامس مو ذاكرة دكتورة المستوصف عطتني تحاميل 3 ايام ونظفت منهم مدة اسبوع وردة عقب عطتني دكتورة المستوصف تحملة ليوم واحد ومانفعت معي كلش وتوة معطتني دكتورتي بالخاص تحاميل تقولي هذه نوعيتهم قوية ولمدة 3 ايام اليوم بحط اخر وحدة بصراحة احس وايد قاعدة تنزل الافرازات الظاهر قاعدة تنظفني عطيني يومين اقولج شصار معاي دكتورتي تقول عادي بس انها راح تاذي الدتورة عند الولادة لما تخيطج وبس

 

[...الجوهرهـ...]

رد : التهابات ولا افرازات عاديه ؟؟؟ الله لا يهينكم فيدوني

شوفي حبوبه من حملت الى الحين وانا بالخامس وانا كله افرازات ..

غثتني لين اخذت مسحه عند دكتورتي وعطتني غسول الحمدلله خفت مو اقول راحت الا خفت

والله يسر ولادتك حبيبتي

 

[LiL MaMa]

رد : التهابات ولا افرازات عاديه ؟؟؟ الله لا يهينكم فيدوني

روحي الطبيب يعطونج تحاميل ماتضر الحامل
ووااايد تريحج

 

[متى تفرج بس]

رد : التهابات ولا افرازات عاديه ؟؟؟ الله لا يهينكم فيدوني

اختي كان عندها التهاب لما كانت حامل افرازات صفرا بدون ريحه بس طمنتها الدكتوره قالت لها مدام مافيها ريحه يعني شي عادي مايخوف

 

[ام القيس]

استخدمي غسول البيتادين وحده بوحده ترى فيج التهابات وانا عانيت منها بحملي
لازم تخبرين الدكتوره عن الالتهابات عشان تعطيج تحاميل واللازم
لان مو زين تولدين وانتي فيج التهابات

 

[~ الــــزيــــن ~]

هلا حبوبه اول شي مبروووك الحمل

هذي التهابات يا الغاليه واساليني عنها جننتني بحملي الاخير
ترا الالتهابات مو زينه ضروووووري تراجعين عند دكتورتج ولاتحاتين ترا علاجها هين مضاد وتحاميل وتروح ان شاء الله

 

[A7bny =)]

الافرازات عادية فترة الحمل بس اذا فيها ريحة او حكه ممكن تكون التهابات وعلاجها سهل لاتحاتين

 

[**ريــــــــم**]

مثل البنات ....راجعي الطبيب احسن

والله يشفيج ان شالله

 

[NuNu_q8_7]

رد : التهابات ولا افرازات عاديه ؟؟؟ الله لا يهينكم فيدوني

مرحبا .. هذي اول مشاركه لي ،، وصراحه داشه عشان ارد عالموضوع ..

انا حامل وتوني داشه السادس ..

لما كنت بالخامس صارت فيني التهابات مع افرازات بدون ريحه ومع حكه .. وساعات الحكة تسبب الم مووو طبيعي .. لما رحت الدكتووره .. سويت تحاليل بول ومزرعه .. الي منها اكتشفوا هالالتهابات .. وفعلا وصلت للجنين ... فسببت التهاب خارجي للرحم .. وقالت لي انه هذا مو زين عالجنين واحتمال تكون الولاده مبكره ..يعني عالسابع .. ،هذا اذا مالتزمت بالعلاج ..

وكان العلاج .. تحاميل مهبليه لمده اسبوعين + كريم + غسول ..
والاكثار من السوائل والماء ..

ولاتهملين تفسج وتنطرين موعدج .. روحي قبل الموعد ..

وشكرا .. اتمنى اكون ساعدتج ..

والله يثبت لنا

 

[@الياسمين@]

انا جذي افرازات ولاني مسويه ربط
الطبيب عطاني مضاد وسوالي تحليل

 

[*فدك*]

راجعي الطبيب خل تسويلج الدكتوره مسحه وتعرف من شنو انا من زماان اعاني منها واخذت مرتين علاج ومانفع بس انا ماعندي حكه الحمجلله ولا ريحه بس اللون ورطوبه علطول...استعملي كيرفري على طول عشان الافرازات لا تنزل وتظل مع الحر على جلدج خل تمتصها الكيرفري

 

[خليفة العظماء]

اتوقع عادي بس سوي تحليل احتياطا

 

[مشموشته]

بعد عمري تسلمون بنات ...

ريلي مو راضي اروح قبل موعدي ... و موعدي بقاله اسبوع

انا استخدم غسول سياتل بس ماكو فايده وزايده الحكه هاليومين اذبحتني