التهابات ورطوبه ...؟ ابي حل

[الفـدعـه]

السسسسلااام عليكم


شلونكم بنات ..


بنات مليت من الالتهابات والرطوبه هذي الالتهابات من بعد الولاده الدكتوره قالت لي فيج التهابات واايييد وعطتني غسسسول وتحاميل وتركتهم لما خلصت الاربعين وللحييين فيني التهابات ورطوبه

بليز ساعدوني ابي التهابات ترووح

 

[**صاحبة السمو**]

تنقعي بماي وملح خشن بس الماي يكون دافي شوي
واذا جتج الدوره الجايه حاولي تحافظين على نفسج
اكثر لانه الالتهابات تحسسج بانج وسعه صح؟
حتى زوجج ما يرتاح وقت الجماع دير بالج
في بنات اهني حاطه مثل الجدول شلون طريقة اكلها ايام الدوره
ودوياتها اذا مانفعتج ماتضرج مو من الدويات الي اذا هديتيها تخربج


​

 

[الفـدعـه]

مشكوره ع الرد بس انا فكرت بالملح بس خفت انه موزين بعد الولاده او يسبب لي التهاب اي شي .. يعني انفسسس بالدوره ؟

 

[الفـدعـه]

بنات عندي سؤال اذا في الوحده التهابات مافي فرصه للحمل عدل ؟اومعلومتي غلط ؟

 

[**صاحبة السمو**]

هذا موضوع ضحاوي الديره عجيب



هــآآآي عرووســآت شلوونكم ؟!

بقرق عليكـم شـوي اتحملــوني

ذاك اليوم قاعده مع رفيجتي بالكليه عرسها عقب شهرين وكنت عارفه ان اليوم عليها الدوره .. المهم شوي ولا اشوف البنت راحت وجابت ببسي وقامت تشربه !!! :eh_s(12):

انا انربط لسآني وماعرفت شقول @@ الحين عروس وعرسج مو باجي عليه شي وتعبانه على تجهيزج ليش ماتضبطين عمرج حق ريلج عشان تعجبينه من برا ومن داخل ؟!

انا بالنسبه لي هالشغله هذي ماكوووووووو اهمممممم منهـــآآآآآآ :eh_s(15):

المهم جان اتل الببسي من ايدها وكلمتها وفهمتها وعطيتها البرنامج مالي اللي ماشيه عليه حق دورتي

عقب جم يوم كنت بالطريج رايحه الكليه ولا تدقدق علي وينج ابيج تعالي ابي اكلمج ضروري انا خرعتني وعبالي فيه شي المهم لمن شفتها بالكليه ولا البنت على راسها 100000 علامة استفهام تقول شنو هالسحر اللي عطيتيني اياه ؟؟؟ :080402ask_prv:
ماكو افرازات ولا لوعة جبد وحاسه روحي نظيفه نظيفه وطلبت مني اني اقول لها كل اللي اعرفه

لأنها عرفت شلون تكون بنت عدله ومضبوطه وحست بالفرق

والله والله والله يابنات اني احبكم في الله وانكم حسبة خواتي وابي افيدكم ببرنامجي اللي سوت لي اياه امي الله يخليها لي يارب ولا يحرمني منها وانا قبل جم شهر كنت عروس مثلكم وحايسه بعمري وحاسه فيكم والله :hjy5jewf:

طبعا في كذا شغله كل بنت تعرفها بس قله اللي يطبقونها انا بقولكم شنو اسووي لنفسي بالضبططططط

مستحيل مستحيل مستحيل اكل اكل خربوطي وانا علي الدوره وقبل ماحط اي شغله بحلجي اسأل روحي بتضرني ولا لأ

كل شي ينشرب او ينوكل بارد او لزج او حامض او سبايسي وقت الدوره يكون بلااااااك لست مااذوقه ولا احطه بحلجي

البس دلاغين وسروال قطن ثقيل وطويل وبجامه جم طويل داااافيه وما امشي ع السيراميك حافيه لو شنو وما اتعرض لهوا المكيف ولا اتسبح ابدااااااااا اللهم اذا اضطريت امسح جسمي بفوطه وماي واتنشف بسررررعه واتدفى عدل

اول ثلاث ايام من الدوره الهم رشاد على الريج انا احط قفشه كبيره بفنجال واحط عليها شووويه عسل الخاص بالحريم اخذه من العويد بس عشان يتماسك ومايتبعثر بحلجي وبين اسناني ويسوي ريحه واشرب وراه ماي دافي

طول ايام الدوره اكل اللهوم وهم ع الريج اهو عباره عن فنجال من ( كمون - محلب - فلفل اسود - مسمار - فلفل ابيض - رشاد ) اطحنهم كلهم -الا الرشاد- لما يصيرون بودره واحطهم بعلبه واضيف عليه الرشاد الحب اللي ماطحناه هذا الهمه ع الريج قفشتين كبار واشرب وراه حليب خالي الدسم اغليه مع زنجبيل ودارسين او احطه مع العسل واشرب وراه حليب

امي تشتريلي النقوعه من مره اكسرها صغار صغار واحطها ببطل ماي صحه واغلي ماي لمن يفتر اصبه عليها هذي اشربها ع الريج وقبل النوم طول ايام الدوره ترا هم تلقون النقوعه عند الحواج

اخذ بطل ماي صحه احط فيه كسرة مقل وكسرة مره وشوية مسمار وشوية محلب وشوية حبه سودا تقريبا قفشه وسط واغلي ماي لمن يفتر اصبه عليها هذي انا اشربها ع الريج بس اشوف امي اذا عليها الدوره كلما مرت عليها شربت شوي فعادي كيفج يعني

الحين خلصنا من الأدويه اللي تنوكل او تنشرب ع الريج الحين نجي للريوق :
تمر تعفسينه مع رشاد وحبه سودا وسمن وتخلينه على كور صغار وتتريقينه الصبح وتشربين معاه حليب وزنجبيل ودارسين >>> التمر بس اول 4 ايام
انا امي تسويلي عجينة خبز التاوه تحط معاها كمون مطحون وحبه سودا مطحونه وتحطها لي بعلبه واحطها بفريزري الصبح كل اللي علي اني اخذ خبزة ولا 2 واحطها بالمقلى مع شوية زيت زيتون لمن تستوي >>> عجينة خبز التاوه انا بصراحه ماعرفها امي تسويلي بس اتوقع معروفه يعني

والعصيده همن تسويها امي وتترسها ادويه الصبح اسخن منها واكل واتوقع طريقة العصيده معروفه

اهم شي ماتجوعين نفسج ابدااااااااااااااااا انا كل ماجعت سويتلي من خبز التاوه هذا وكليت منه

يابنات شوربة الخضار مع الدجاج مفيييييييييييييده حيل احط عليها كثر ماقدر فلفل اسود وفلفل ابيض واشربها والمرقوق مفيد مفيد حطي ادويتج فيه وعليج بألف عافيه تقريبا انا كل شي اكله ايام الدوره احط عليه فلفل اسود وفلفل ابيض وكمون مطحون للي ماتعرف فوايد الفلفل الابيض هذا يضييييييييييييييييييييق بشكل مو طبيعي والكمون يطلع الهوا اللي بالبطن والارحام كله

يعني الريوق : حليب زنجبيل دارسين اما مع خبز التاوه او مع التمر او مع العصيده
والغدا والعشا : شوربة خضار - مرقوقه - عصيده او عادي اي شي بس المهم مايكون مضر

اول يومين اسوي مطاره احط فيها زنجبيل ودارسين هذي تنزل الدم كلللللللللللله وتنظفج عدل ومن ثالث يوم الدوره لآخر يوم مطاره احط فيها زعتر ومرميه وكمون

فيه دوا ينباع عند الحواج اسمه دوا القهوه هذا كل ماشربتي قهوتج "العرررربيـــــــه" تحطينه معاها بس ماتكثرين منه 3 فناجيل باليوم انا امي تشتريه من مره بكميات كبيره وتقسمه بيني انا وخواتي اهو والنقوعه اللي تكلمت عنها

ثالث ورابع وخامس وسادس يوم الدوره اسوي الغسول اللي اغلبكم عارفينه ( مره وملح خشن وقشر رمان وبابونج وارطا) اخلي الارطا وقشر الرمان والبابونج يطبخ عدل تقريبا 15 دقيقه بعدين قبل لا اسكر الجوله احط معاه المره والملح الخشن انا ماحب اسويه بشقتي عشان ماتطلع ريحه فأمي تسويه لي وتخليه مركز حييييييييييييييييييييييييييل وتحطه ببطل ماي صحه وانا اخذ منه شوي واحط معاه ماي دافي اقرب للحار واتشطف فيه ما انقع فيه وبعدين على طول اتنشف بسرعه والبس ملابسي وما اعرض نفسي للهوا لا مكيف ولا غيره

اخر يومين من دورتي اخذ نص قلاص ملح خشن واحطه بسطل واصب عليه ماي حار وانقع فيه يعقم المكان عدددددددل ويضيق وتحسين نفسج نظيفه ومنتعشه ولااااااااااازم بعدها تدفين نفسج على طول

يمكن بعض البنات يشوفون نظامي صعب بس صدقيني لمن تتعودين عليه وتفهمينه عدل بيصير عندج عااادي وسهالات كل اللي عليج انج تجهزين شغلج وتجمعين اغراضج من الحواج

انا قبل لا اتزوج كنت عادي يعني لا مهمله ولا مهتمه حيل يعني بس قبل عرسي بثلاث شهور امي عطتني هذا النظام وعلمتني عليه والله يا بنات ما جا يوم عرسي الا وانا ناااااااشفه لا افرازات ولا ريحه ولا صوت ولا غيره ونظيفه نظيفه مو اي كلام انتو امشو على نظامي دوره او دورتين ورا بعض وراح تحسون بالفرق

ترا اجكــــررررر البنات واقبحهم الشيفه اللي ماتنبلع ام كششششه لي صارت ناشفه وضيقه ونظيفه مافيها لاريحه ولا افرازات ولا اصوات صارت عند ريلها ملكه وحطها على راسه وهي الشيخه وهي المدللـه ليييييييييييييييش ؟؟!
عشانها مريحته ومونسته

واجمل بنت واحلى بنت اللي كشختها مافي منها وريحة عطوراتها توصل الشارع اللي وراها وبياضها بياض الثلج ونعومتها حرير لي اهملت عمرها وقت دورتها وصارت وسيعه من الافرازات والريحه وتهوهي على قولة امي والله مايقرب صوبها ولا يجيها ولا يبي الا فرقاها ليييييييييييييييييييش ؟ عشانها مو مريحته ولا مونسته من افرازاتها وريحتها


يمكن بعض البنات يقولون كل هذي الادويه راح تخلي ريحتي من تحت مو حلوه ... انا اقولج شتسوين
هذي طريقة امي وخواتي وعلموني عليها لمن تزوجت تحطين بمطاره نعناع طازج وزنجبيل طازج وتصبي عليه ماي مغغغغغغغغلي عدل عدل تنطرين ربع ساعه بعدين صبي منه نص قلاص وحطي نص فنجال ماي ورد وزيديه ماي دافي لمن يصير القلاص مليان واشربيه وربي تصير ريحتج من تحت عطررررررررر هذي ابلش اشربها ثاني او ثالث يوم الدوره 3 مرات باليوم

والله ان هذا برنامجي اللي مخليني ميه ميه مانقصت منه ولا شي ومابي منكم غير الدعاء الله الله واي استفسار انا حااااااااااضر ومن عيوني

والله يوفقكم ياعرايس ويسعدكم مع ازواجكم ولا يشوفون غيركم يارب

​

 

[حرم_الغلا]

واللـه أنـا أقــولج روحــي لــدكتـورتج تسـويلج مسحــة عنـق الرحم وتحليل بول .. وتشووف الالتهابات من شنوو وتعطيــج تحاميل وغسـول وحبـوب ع حــسب الالتهاباتج.. ولا غيــره مـارااح تــروح الالتهابات .. نصييحـه نظفــي نفسـج مـن الالتهاباات الانهاا دمـااااااااااار...وإذا ع الحمل طبيعـي تقـل فرصة الحمـل أذا فيـج الالتهابات لان الالتهابات تقتـل الحيـوانات المنويه... وإذا صار حمل راااااااح تــزيد معـااج وساعتهاا مـارااح ينفــع لا دوياات ولاشــي لانج حــامل وصعب معالجتهااا وأنتي حاامل ومـو زين ع البيبي.... والله يكفيييج شر الالتهابات.... وإذاا ع الرطوبه أكيــد فيج ماااي وماتنفستـي عـدل....

 

[om MaRyooM]

لازم كورس علاج
وانصحج بخبيرة الاعشاب ام خالد
اهتمام بس ماينفع