التمسو العذر لها لاتظلمونها بحكمك عليها

[أم بدير]

اعتقد ان لكل شخص رايه الشخصي والمفروض ان نحترم راي بعضنا البعض ونحاول نرد عالمواضيع بأسلوب راقي
مثل ما انتوا تكتبون مواضيع برايكم الشخصي كل شخص بيكتب موضوع برايه الشخصي
الي موعاجبها تقدر تكتب اختلف معاج بالراي والي عاجبها تقول صاجه والي لها وجهة نظر تكتبها باسلوب راقي ومتحضر
احنا بنات بمنتدى واحد نتناقش مع بعض ويا تقنعيني يا اقنعج

اختي امل انا فاهمتج عدل حتى لو ان خانج التعبير ببعض الجمل الي وصلت حق البنات بطريقة غلط وغير عن الي انتي قاصدتها
والي بقوله ان البنت غلطت.. صج التمس لأخيك المسلم 70 عذر بس هذا مايمنع ان في قصاص
بس حالها مثل حال الي حب ينتقم من صاحبة راح فشش تواير سيارته يبي يعفس عليه شغله ويأخره عن دوامه ماتوقع ان صاحبه طلع بالسيارة متأخر وانقلبت فيه ومات.. شسوت عليه السالفة؟ صار قاتل بدون قصد وظل ياكل بنفسه اكل بسبة الي سواه وتطبق عليه القصاص لوما تنازل اهل المتوفي
الفرق بالقصتين ان الاولي تضرر فيها شخص ولو كان معاه عايلته جان كلهم راحوا
ما انكر ان الكارثة كبيرة والله يعين اهالي وعيال الي راحوا بالحريجه
بس هم حرام نقعد ننشر اشاعات ووحده تقول هذي صاحبة سحور والي تقول كانت وسوت
لها رب بيحاسبها واهو اعلم بنيتها
والله يرحم كل الي ماتوا بالحريجة ويجعل مثواهم الجنه اللهم امين

 

[al_3yon]

السلام عليكم انا عمري ما رديت على موضوع بس هالموضوع لازم ارد عليه
لانها تستاهل كل يوم حرق بالنار عشان تضوق اللي ضاقوه الناس
هي عذبت ناس وحرقت قلوب شباب وازواج وعيال الحريم اللي ماتو
حتى صدام ماسوى سواتها والله تستاهل تستاهل تستاهل
خل تولي الله لا يسامحها الله لا يسامحها وانشاالله عذاب الاخره اشد من عذاب الدنيا

 

[looz2009]

انتي صراحة انسانه ماتحسين (اسمحولي ياجماعة)

الناس ماتوا محترقين تعرفين يعني شنو يعني مو موته فجأة ما تدرين
لا

محترقة

يعني حاسة بالالم والنار وتشوفين نفسج وانتي تحترقين وتفكيرج واعي بعدين تموتين

يعني شي مؤلم

انتي اصلا لو جربتي النار على ايدج او اصبعج جان متي فما بالج اهم ماتوا محترقين متفحمين

بعدين تعالي شنو اهي معورة قلبج مو اللي ماتو (( شهالكلام )) :eh_s(14):

انتي لو امج والا اختج والا بنتج محترقة جان مو هذا كلامج

صدقيني انا اقص ايدي اذا انتي كويتيه

لأن لو كنتي كويتية او حتى عايشة بالكويت جان ما قلتي هالكلام الفاضي اللي مافيه 1% من الصحة

لكن ما أقول الا حسبي الله ونعم الوكيل

ولا حول ولا قوة الا بالله العلي العظيم

انا من الكارثة لي اليوم كل ما تطري علي اموت من الصياح

بس المجرمة الله يعذبها دنيا وآخرة اللهم آمين

انا لو القاضي والله والله أصب بانزين على رجولها وهي مربوطة بسلاسل

جدام الناس وبعدين أحط عليها جمر عشان تشتب شوي شوي مثل الساحرات

وعشان تكون عبرة

لا حول ولا قوة الا بالله

والله صج صج احتريت

 

[جنون العاطفه]

لاحول ولا قوه الى بالله

الله يررحم مووتناا ويغفرلهم ويصبر كل مووجع ويخفف عن كل يتييم ياارب ويصبر كل محبوب فقد حبيب له او قريب او صااحب

لاحول ولا قوه الا بالله


لاتشمتون فيهاا هي بعد مسكينه قص عليهاا الشيطان وماتدرون بكره شيصير لكم بالدنياا راح تاخذ جزااهاا اذا مو بالدنيا عند لقااء ربهاا

قوولووا الحمدلله اللذي عافنا مماا ابتلاهم

وخل نخلي ردودناا ارقى

ودي لكم

 

[looz2009]

شنو التمسو العذر لها ولاتظلموها..... اخخخخخخخخخخخخخخخخخخخخخخخخخخ لو بيدي مااعدمها لاحشي .. احرقها واطفيها بنعل(تكرمون) الين تتمنى الموت اخخخخخخخخخخ مو قادره اعبر شكثر باطه جبدي هالمجرمه ... حسبي الله عليها حرقت قلوبنا انا للحين الكارثه ماثره على نفسيتي وصار فيني صداع من يوم الكارثه موراضي يفج ..مع اني للعلم مااعرف احد من المتوفين او المصابين بس وايد تعبت نفسيتي من السالفه عيل شلون حال اهلهم ... ويايين تقولون التمسولها العذر... شرايكم بعد تسوون صندوق للتبرعات عشان توكلون محامي للدفاع عنها ... مااقول الا الله يبرد قلوب اهل الضحايا ويلهمهم الصبر والسلوان

والله كلامج صح

والله يرحمهم كلهم ويصبر اهلهم

والحمد لله الذي عافانا

 

[> ماكو مني <]

قولوا الحمد لله الي عافانا مما ابتلاهم

والله سبحانه غفور رحيم وشديد العقاب

والي صار مكتوب عليهم والي راح يصير على البنت مكتوب عليها

والله يرحم امواتنا المسلمين اجمعين

ولا تخافون الله بياخذ حق المفجوعين والي ماتوا والي مصابين

بس الصبر زين وراح نعرف شيصير

وكل شي بيد الرحمن

 

[sara miller]

سؤال في عرس للبنات خاص يدخل فيه المعرس

هذي العروس بالذات والي بالخيام مايدخلها ريال حتى المعرس وزفته فاشلون كانت بوصله رساله بالحبر ولا بالدم اذا كان المتكلم مجنون فالمستمع عاقل فهموني

 

[looz2009]

احنا ولله الحمد

جدا راقيات ونعرف الاصول


لكن اللي كاتبته الاخت (امل المنصوري)

شي يحر يرفع الضغط

والسالفة ليلحين رطبه

انا صج اني بعيدة من الحادث وماعرف اي طرف او اي احد

بس محترة على الحريم اللي راحو من كيس اهلهم

وهاذي يتمت عيال ورملت رياجيل واحرمت ام من بنتها

لا حول ولا قوة الا بالله العلي العظيم

استغفر الله واتوب اليه

 

[خاتون الجهرا]

حسبي الله عليها حرقت قلبي على رفيجتي بعز شبابها عندها ولدين وبنت تيتموا..............

 

[sozeeta]

الاخت امل المنصوري : رغم اني فاهمة قصدك من الموضوع لكن ما هو وقته الان والناس مكلومة ومفجوعة وشاب فيها الحزن واللوعة ،
ما احد فاضي يشوف الجانب اللي انتي تكلمتي عنه ، يمكن لو كتبتي موضوعك بعد مدة من الحادث وبعد ما الناس رجعت لهدوئها النفسي ، يمكن كان يقدروا يحللوا الموضوع من وجهة نظرك لكن الحيييين ما هو وقته ، وهذا رأيي .

 

[رحيل الشمس]

حسبي الله ونعم الوكيل صراحه الي سوته مو شوي بس انا تاكدت من شي واحد ان الحب اعمى عقب ماشفت صورة المعرس
هذا لو انه طلال الرشيد الله يرحمه شتسوي يمكن تنسف الكويت بكبرها .
انا متعاطفة جدا مع الضحايا واهلهم حطوا موقفكم مكانهم او احد غالي عليج فقدتيه في هالمكان اكيد صعبه الله يصبرهم وهي الله حسيبها والي ماتو ان شالله نحسبهم عند الله شهداء .

ولكن يا حريم فعلا السالفه هذي ضيعت الانوثه ومعالمها فعلا بينت ان الحرمه حقوده وحنا الي بدينا نضر بعض والمره الي تعادي المره
لو كل وحده تلزم حدودها ولا تعدى على حدود غيرها مثلا اذا في الموضوع الي حنا فيه يعني اذا بتاخذين رجال عنده مره وطبعا منتي ماخذته الا طايح حظج وانا مقدره لأن لو الحظ زين جان خذيتيه بقراطيسه وانت الي تستفتحينه ولكن ماعلينا تاخذين بخاطرها وتشوفين اذا هي راضيه او لا ابتعاد عن الشر لأن الموضوع

راح يفجر مواضيع الغيره بين الحريم والله يستر اذا على جذي كل يوم بنسمع مذبحه والله يستر .

ولا شرايكم يا خوات.

 

[حبيبة ماماتي]

ابدا مالها عذر على اللي سوته والله لو يهودي جان ماسوا اللي سوته حسبي الله عليها اهي مو مسكينه اهي سكينة واهي ابليس بكبره ولا وحده عشان ريال اذبح امه كامله مالها ذنب!!! اي عذر نطلبلها انا والله اقول الله ينتقم منها على اللي سوته اللي فقد مرته واللي فقد عياله واللي فقد امه هذول شنو مايكسرون خاطرج!! ولا عادي عندج والله لو وحده تعرفينها او تصيرلج جان قعدتي تدعين عليها ليل مع نهار اللي سوته موشوي انا اتمنى قبل مايعدمونها يحرقونها عشان تجرب اللي جربوه المساكين انا ماعرف احد حمدلله بس حسيت لو اهلي بعيد الشر عنهم وعن اللي موجودين هناك شنو يصير فينا !!! انا مت من البجي والقهر عليهم الله يعين اللي فقد اهله وحده توها متزوجه ماصارلها سنة وزوجها بطلعه الروح خلاها تروح وكانت ناوية لما ترد تقوله انها حامل ماتت وماقالتله وماعرف إلا لما ماتت بالطب الشرعي والبنت بدور اللي ماتت وعمرها 7 سنين هاذي شنو ذنبها بنت بريئة مالها شغل .... حريم كبار مساكين شنو بذبهم اهي مافكرت قبل ماتسوي اللي سوته لو اهنا بدال العروس بهالموقف شنو كانت بتسوي بتقول حرام مسكينة مالومها خذيت زوجها منها !!!! حسبي الله عليها بس هذا اللي اقوله حرقت قلبي على الناس رياييل كبار يبجون مثل الياهال على اهلهم .... شنو الريال يروح بداله ألف واحد ماراح توقف الدنيا حمدلله الدنيا ماشية ووايد تطلقو والي تزوج عليها سبحان االله الله يكتبلها واحد احسن من الاول بس اهي غبية مافكرت بآخرتها فكرت بس اشلون تخرب العرس
دامها تقول مدمن وسكير وهو فيه وفيه وفيه ومايشتغل ومايصرف على عياله ليش تسوين اللي سويتيه انتي ماقربتي صوب الريال ولا العروس انتي رحتي حق ناس مالهم ذنب بشي ويعني بالعقل لو افترضنا ان محد مات وصارت قرصة بالعقل راح يفكر فيوم ان يردها ام السحووووور يتمت عيالها واهي عايشة مساكين انحرمو من الام والابو عشان سبب سخيييف وانا مو لاقيتله عذر بصراحه....

 

[miss abrar]

والله مهما كانت حرتها مالها مبرر بلي سوته ذبحت خلق الله خلت عزا بكل بيت وشوهت بنات خلق الله وادورين لها عذر الله يهداج ترا ثلاث ارباع المطلقات مظلومات من ازواجهم او اهل ازواجهم بس ماسوو اللي سوته اللي سوته اللي ما تخاف ربها بالعكس رضو بنصيبهم اللي الله كتبه لهم وتحسبو عند ربهم احنا مسلمين والمسلم لازم يصبر على مصيبته ويطلب من الله ان يخلفه خيرا منها ويرضه بالقضاء والقدر والنصيب هااااذي وحده ماعندها ذرة ايمان .... وماينلام ريلها لما طلقها اكيد كان شايف من الأول انها مو صاحيه وفيها عنف مو طبيعي لأن الانسان ما ينقلب من طيب لي شرير بيوم وليله فجأه ..... وشنو ذنب هالعالم اللي ذبحتهم وحرقتهم ... ما اقول غير حسبي الله ونعم الوكيل فيها وانشاء الله يحكمون عليها بأقصى عقوبه حتى تكون عبره

 

[AL-BaNDry]

موضوعج مو وقته
ولاتطلبين نلتمس لها العذر لأن احنا بوقت صعب حيل
للحين نمشي ونعزي وقلوبنا محترقه على الضحايا
وكل بيت ندخله نشوف الحزن والقهر والصراخ والحسره
المساكين الحريم اللي ماتو مايدرون شنو اللي بيصير
والمسكينه انتي اللي حاطه نفسج مكان هالمجرمه وتبينا نلتمس لها العذر
لا ياختي غلطانه

حدج غلطااااانه
موضووووعج ماله داعي انتي قاعده تحرقين اعصابنا وبس

حسبي الله ونعم الوكيل فيها

 

[princess89]

لا حول ولا قوه الا بالله

 

[احـــ فراشةـــلى]

والحين الكل بيذبح ويسوي جرايم ويقول بيلتمسون العذر

ختولي عمه بعينها الله ينتقهم منها وانتي بصراحه وحده من الاثنين يا ماعندج احساس يا تسوين روحج كلش

ماقول الا حسبي الله عليها وعليج

 

[كويتيه رزتها ملكيه]

الموضوع كلش مو وقته 00كاسره خاطرج هالمجرمه ؟00ا الظاهر عاجبج اسلوبها الانتقامى من اهل زوجها 00يمكن انتى نفس وضعها وتفكيرها بعد 000اى الى ايده بالماى البارد مو مثل الى ايده بالنار00حسافه انتى مو بالكويت جان فريت فيج البيوت الى فيها عزا00شوفى حاله الصدمه والانهيار الى اهلهم عايشينه 00 شوفوا شلون يدعون عليها الكاوليه 00وباوديج غرف العنايه المركزه وتشوفين الحالات المحترقه الى بين الحيا والموت 00بنات باول اعمارهم 00امهات وحمل ماتت وجنينها ببطنها 00شوفى مستشفى البابطين للحروق وشوفى حالات الحريق وحده ايديها تفحمت كلها وعينها ذابت بالحريق 00تخيلى المنظر00الى سوته ماسوه اليهود بالفلسطن 00حسبى الله عليها ليوم القيامه

 

[tota kim]

حسبي الله عليهاااا فوق اللي سوته وتدافعوون عنهااا
انا مع اووه يامااال بالرد

 

[لينة2009]

والله كاسره خاطري
الله يرحم الاموات
ويعينها ع مصيبتها والله يغفر لها
ويصبر اهلها
لاحول ولا قوة الا بالله
تكفون بنات لا تتشمتون

 

[kingq8q8]

خير انشالله ادافعين عنها اشفيج انتي مو صاحيه الظاهر انج وحده تقربيلها وانتي الظاهر ماعندج قلب

انتي شايفه المصيبه اللي صايره بالديره انتي انسانه ماعندج قلب ولا احساس....لاحول ولا قوة الا بالله

اطالب مديرة النتدى انها تحذف الموضوع لانه يحر يحر يحر:eh_s(14):