التكميم على يد الدكتور موسى خورشيد

[SILVER ROSE]

اخر تطوراتي مع الدكتور

صار لي شهر من العملية ونزلت



ماشاء الله


تبارك الرحمن



12 كيلو


8 من الاسبوع الاول
والحين 4 كيلو

 

[\رهف \]

حبيبتي عقب شكثر قمتي
تتحركين طبيعي وماتحسين بالام

 

[SILVER ROSE]

هلا رهف ما اقص عليج لي قلت لج اتحرك طبيعي من ثالث او رابع يوم ماشاء الله
لاني مافي الم كل مافي الامر شد بالجروح بالقومة والقعدة
حتى بنادول الاطفال اللي عطوني كمسكن ما استعملته كلش
واسبوع ماسقت السيارة لان سيارتي جيب ماقدر اركبها

 

[النظره الخجولة]

الحمدلله على سلامتج ولو انها متاخره لوووول
بس حبوبه ابي اسالج اول يوم متى مشيتي وصج يوم اول مره تمشين تحسين بعوار ودوره
اسمحيلي على الاسئله فديتج

 

[دلال العبدالله]

الحمدالله علي سلامتج :eh_s(7):

وانشالله توصلين حق المثالي

والله انا محتاره بين احمد الشرهان او موسى خورشيد

وكنت خايفه من المنظار بس انتي طمنتيني وايد :rerrerek:

 

[SILVER ROSE]

الحمدلله على سلامتج ولو انها متاخره لوووول
بس حبوبه ابي اسالج اول يوم متى مشيتي وصج يوم اول مره تمشين تحسين بعوار ودوره
اسمحيلي على الاسئله فديتج

سامحيني حبيبتي عالتاخير خلل بالمنتدى ماكنت اقدر ادش
المشي من اول يوم بس شوي شوي علشان الغازات
بس عوار ودوخة الحمدلله تبارك الرحمن ماياني شي :eh_s(15):

 

[SILVER ROSE]

الحمدالله علي سلامتج :eh_s(7):

وانشالله توصلين حق المثالي

والله انا محتاره بين احمد الشرهان او موسى خورشيد

وكنت خايفه من المنظار بس انتي طمنتيني وايد :rerrerek:

الله يسلمج حبيبتي والله محد يخاف كثري من الطبيب والعمليات حتى الدكتور كان يضحك علي والحين احنا الاثنين نضحك على سوالف قبل العملية

 

[~شوق الغلا~]

الحمدالله على سلامتج فالج الرشاااااااااااااااقه انا مسويتها من سنتين وصرت رشيقه الحمدالله الفال لج ولكل المتان

 

[SILVER ROSE]

حبيبتي شوق الغلا مشكورة على مرورج

 

[SILVER ROSE]

اخر اخباري


كانت لي مراجعة امس عند الدكتور ونازلة تبارك الرحمن





6كيلو ماشاء الله

















والمجموع ماشاء الله 18 كيلو بشهرين



يالله لك الحمد

 

[donat]

شنو الكريم اللي كتبه لج حق الاثر مال الجروح؟

 

[SILVER ROSE]

هلا دونت كتب لي على سكار جيل
خاص للجروح

 

[Dlool Al7lwa]

السلام
انا عمليتي بعد ثلاث ايام وحدي خااايفه اول مره بحياتي اسوي عمليه
ومتردده والله

 

[SILVER ROSE]

دلولة حبيبتي لاتخافين
انا مثلج هذي اول عملية بحياتي وكنت طول الوقت بس ابجي من الخوف
توكلي على رب العالمين وان شاء الله تطلعين منها بالسلامة وتعيشين حياتج اليديدة

 

[om MaRyooM]

مشالله عليج قوية
انا التكيم مادري ليش اخاف منها
لأن شفت امي شكثر عانت .. وصدااع اسبوعين والاكل ماساة والنفسية مو شي كلش كلش

تشجعت لما قريت تجربتج
الله يهون عليج وتوصلين للوزن الي تبينه


ومشكورة على نقل التجربة

 

[دهن العود 74]

الحمدالله على سلامتج ممكن سوال
شنو تحسين لمن تيوعين تقدرين تاكلين ولا مكرم السامع تبين تستفرغين ولا عوار بالبطن ولا شنو بالضبط
لان انا مسوية تحزيم عند نفس الدكتور من 2004 ولا استفدت من العملية ولا شي بس لمن اشد الحلقة واكل استفرغ على طول ما اقدر ابلع اي شي وانتو الى مسوين التكميم نفس الاحساس ولا غير
مشكورة قلب والله يتمم عليج
​

 

[أأأميرة الورد]

الحمد الله على سلاااامتج

 

[SILVER ROSE]

الحمدالله على سلامتج ممكن سوال

شنو تحسين لمن تيوعين تقدرين تاكلين ولا مكرم السامع تبين تستفرغين ولا عوار بالبطن ولا شنو بالضبط
لان انا مسوية تحزيم عند نفس الدكتور من 2004 ولا استفدت من العملية ولا شي بس لمن اشد الحلقة واكل استفرغ على طول ما اقدر ابلع اي شي وانتو الى مسوين التكميم نفس الاحساس ولا غير
مشكورة قلب والله يتمم عليج ​

بالنسبة للاكل عادي اكل بكميات قليلة لما احس بالشبع او بغصة اوقف علشان ما اوصل لمرحلة الاستفراغ.. اعتقد ان التكميم وايد احسن من الحلقة حتى بالنتايج
حبيبتي اي شي تبين لايردج الا الكيبورد :eh_s(7):

 

[دهن العود 74]

تسلمين حياتي ما قصرتي ​

 

[ريوماksa]

حمدلله على سلامتك والله يمتعك بالصحه
الحين لك كم شهر مسويتهاا؟؟
وكيف اكلك؟؟
الاسابيع الاولى كيف الاحساس بالالم ؟؟
وكيف الاكل بالاسابيع الاولى؟؟
وايام ماكنتي ع السؤال كنتي تحسبن بجوع؟
وبعد مرور كم من العمليه تقدرين تاكلين طبيعي؟؟؟
وسؤال مهم هل فقدتي الاحساس والتمتع بالاكل مثل ايام قبل العمليه
ام انه بس الاختلاف فقط بالكميه؟؟؟
اعررف اسئلتي كثيررره بس زوجي بيسويها وخااااااايفه حيييل
ومشكوووووووووووره