التكميم.. حلم قرب يتحقق من بعد طول السنين

[عيالي...حياتي...]

اليوم كلمت سكرتيرة الدكتور خالد

حطت لي موعد للفحص ومقابلة الدكتور تخيلو بنات تاريخ ١٠/ ٩

يعني باجي ٢٠ يوم
وعلى كلامها تقريبا تكون العمليه اخر شهر ٩
والله حيل متاخرررر امبيه شسوي يابنات والله احترت حيل
انا اذا بسوي باخر ٩ يعني اكيد باخذ اجازة من الدوام او قصدي طبيه اسبوعين
زين رضينا شسوي على مدارس عيالي انا ان سويتها بقغد جم يوم ارتاح عند بيت اهلي وبيت اهلي بعيييييييد عن مدارس عيالي. يالله
انا بيت اهلي بمبارك الكبير وعيالي مدارسهم باليرموك
تخيلو منو يعني بيوديهم



معناته هالموعد كلش مل يناسبني
والله افكر اروح لاحمد الشرهان شرايكم يابنات جاوبوني وربي احترت صج احترت

ردو علي اسويها عند الشرهان؟؟؟؟

 

[SHEEKO]

ماادري والله , بس واايد بنات يمدحونه بعد

عندج وحده معاانا بالقروب مسوية عنده وأكيد بتفيدج
نكها miss bmw

 

[عيالي...حياتي...]

ووينها مس بي ام دبليو

 

[أحلام العمر]

انا اعرف ٣ سوو عنده حيل يمدحونها توكلي علي الله هو يسويها ٢٦٠٠ في مستشفي السلام

 

[Beautiful soul]

استخيري
استخيري
استخيري
صح السمنه عذاب بس انا اشوف 90 مو وزن فارط تقدرين بس انتي عقلج رافض فكره ان ممكن تضعفين بالريجيم

الله يكتب لج اللي فيه الخير ويخليج حق عيالج ويخليهم لج

 

[عيالي...حياتي...]

الله يعيني نفسيتي صج تعبانه
بنات السمنه مرض يسيطر عليج من كل اتجاه
ياثر ع نفسيتج وصحتج وشكلج وعلاقاتج وكل شي
الله لا يبليكم بالسمنه

 

[sheraZia_Q8]

احمد الشرهان همن يمدحونه البنات
روحي وتوكلي
ملينا من المتن قطيعه

 

[shams2008]

وليد بستكي روعه

 

[اميره1980]

انا مثلج بس انا ما كنت متشجعه من العملية لاني اموت خوف من الابرة شلون عيل عملية جراحية
بس الحين تشجعت و قررت اسويها و قريت موضوع الاخت sheeko و رفعت من معنوياتي و شجعني موضوعها حيل على العملية و ان شاء الله بدق عليهم و ابيها بشهر 10 الياي لاني بسافر بشهر 9 و خايفه اسويها و اتعب بالسفر

 

[~شوق الغلا~]

سويها وتوكلي على الله الحمدالله سهالات انا الحين صارلي سنه وشهرين وكل اموري تمااااام وصرررررررررررت عصله رشيقه على قولت امي يلد على عظم مااااكو يبيلي شويه متن لوول انصحج بدكتوري محمد الهيفي جعل ايده ماتمسها النار يارب

 

[** رش رش **]

الله يكتب لج الخير ان شاء الله بهالعمليه او بغيرها
شوفي قلبي انا معاي وحده بالدوام سوتها و داومت بعد اسبوعين و كانت تمشي و تروح و ترد بس مبين عليها التعب شوي
و اعرف وحده ثانيه تصيرلنا مسويتها لها 6 شهور و للحين تعبانه و للحين تجيها الدوخه و يغمى عليها
يعني كل جسم يفرق عن الثاني بالقدره على التحمل و بالقوه
انتي استخيري اولا
و ثانيا راجعي اكثر من دكتور و سمعي اكثر من راي

 

[عيالي...حياتي...]

بصراحة شجعتوني اكثر

انا الحمدلله اقاوم التعب حتى لما اولد من اول يوم اقوم امشي وابدل عيالي واغسلهم واجابلهم وما اواطن الخدامة تجابلهم
وان شاءالله راح اقاوم التعب عقب العمليه
فديتكم