التطبيقي

[آحْ.ـٍتٍآجٍگٍ]

بنات انا احاول اسجل ومايصير معاي .:‘:.
شسوي .؟
واليوم رحت لهم قالي المصري تعالي بكره العصر .. يعني لازم اسجل باالنت ؟؟؟!!

 

[boOnita]

انزين شلون استفسر عن القبول اذا يصير يقبلوني لانه شهادتي 2004

حبيبتي يقبلون وفي نسب حق الشهادات القديمه

 

[هجوور]

موفقين يارب

 

[الأسطوره$$]

مشكوره يا شوشو ما قصرتي حبيبتي



ANGEL LOVE هههههههه من الربكه الظاهر ما سألتي

 

[a7la sho sho]

اتوقع القبول قبل الكورس الثاني يعني مو الحين عرفتوو

واكييد بالجرايد واللى تروح تسأل حتى انا نسييت

لاني تعبت من الخمس لين السبع وانا هناك اووف

 

[a7la sho sho]

بنات انا احاول اسجل ومايصير معاي .:‘:.
شسوي .؟
واليوم رحت لهم قالي المصري تعالي بكره العصر .. يعني لازم اسجل باالنت ؟؟؟!!

حبيبتي لييش مايبي شنو الغلط اللى يصير وياج عشان نشوف اذا نقدر نساعدج

 

[دلـع راآايـق]

بنات متى يخلص التسجيل

 

[a7la sho sho]

الاستمارة متاحة حتى تاريخ 28/12/2009


وهذا موقعهم والتسجيل بالنت بس بس

وتطبيعين الاستماره اللى تطلع اخر شي وتراجعينهم بالموعد اللى حطيتيه

http://was2.paaet.edu.kw/was/admission.aspx

 

[boOnita]

التسجيل مو بس بالنت انا علق معاي النت ورحت لهم وخذيت الاستماره عادي يعني

 

[آحْ.ـٍتٍآجٍگٍ]

’,’ ‏boOnita ’،’
متـي رٍحتـي .؟
انـآ قـآلو لي اليوم العصـر ):
شنـوٍ قـآلوٍ لـش .. تـرٍإْ قـلبي قـآم يـدف دفـآت قـوٍيـه من الخـوٍف >> لغ‘ـ9 ..

 

[أدري طيبتي غلطه]

بنات انا سجلت وكل شي ويوم الثلاثاء تاريخ 22 - 12 - 2009 اروح اقدم اوراقي

بس بنات انا سعوديه وشهادتي الثانويه سعوديه وش اسوي اصدقها في المنطقه التعليميه ولا اعادلها في التعليم الخاص؟؟

 

[@ام توتو@]

بنات تفون الحقوني
بلحق علي عمري
انا مفصوله من التربيه الاساسيه سنه97
قمت وعدت الثانويه وقبلوني بالعلوم الصحيه
وفصلوني
ابي اقدم علي التريه الاساسيه
نوروووووني اقدر
يقولون ما لج الا الملاحه
ويقولون عندهم تخصص فني كمبيوتر
نفص معاش المدرسات ؟؟؟؟؟؟؟؟؟صج​

 

[a7la sho sho]

آحْ.ـٍتٍآجٍگٍ


لاتحاتين ماراح يسون شي روحتنا عشان نعطيهم الاوراق ويخلصون الاجراءات بس يعني حتى ماراح يقابلون ولا شي

والله يوفقج



أدري طيبتي غلطه

حبيبتي انا مادري من وين تصدقين الشهاده او شلون الافضل انج تدقين عليهم الصبح يوم الاثنين وتتأكدين افضل
عشان ماتعبين روحج وفراره عرفتي

والله يوفقج

@ام توتو@

يوووو انتي شمسويه ماكو مكان مادشيته لوووووول شوفي حبيبتي هم دقي واستفسري الافضل لج يوم الاثنين الصبح
عشان تأكدين ولا روحي لهم الصبح لانه التسجيل الصبح بالنت والعصر الحضور عرفتي
والله يوفقج

وبنات التسجيل يخلص 28/12/2009

يعني يمديكم

وهذا رقمهم
للمساعدة يمكنك الاتصال ب 1806611 داخلي1333 في الفترة من الساعة 8 صباحاً إلى الساعة 1:30 ظهراً


والله يوفق الجميع وبشرونا

 

[الأسطوره$$]

بنآت رفيجتي كان موعدها الخميس تقولي إن الرجال اللي أخذ منهآ بيآنآتهآ قالهآ إن شاء الله القبول بالجرايد 12\2 ..

اذا صج 12\ 2 متى ندوآم عيل ؟

~

 

[boOnita]

21/2‏ بدء الدراسه

 

[a7la sho sho]

ايي وانا هم سمعت من واحد انه شهر 2 بس مايدري متى بالضبط اسامينا بالجراييد

بلييز اللى تروح تتأكد متى انا نسيت اسأل والله

 

[нάγoηά cнεмίsтяγ]

بنات ماتدرون متى يطلع القبول اذا اليوم سجلناا ؟

الهيئـه قايلين نتايج القبـول 10-2
بس عادي توقعـوا ان يتغير :eh_s(6):

 

[a7la sho sho]

ويييييه والله سالفه

اب اب اب

 

[Angel-love]

بنآآت ..

لما اضغط ع متابعه حالة الاستماره يطلع لي جذي انتوا نفسي ولا بسس اناا ..

تم تعبئة الطلب ولكن دون تسليمه للهيئة


دخلووو اهني وحطوا ارقامكم ..

http://was2.paaet.edu.kw/was/AppQuery.aspx

 

[a7la sho sho]

لالالا انا لمه احط رقم المدني والاستماره

تم تسليم الطلب للهيئة وجاري التدقيق

ليش انتي يطلعلج جذي

انا اذكر قبل لا اروح لموعدي كان يطلعلي جذي

وبعد مارحت لا يطلع لي اللى فووق

دقي وتأكدي