التشنج .... الشحنات الكهربائية الزائدة ...

[الصابرة المحتسبة]

السلام عليكم

التشنجات كثيرة في منها:

تشنج حراري يعني من الحرار المرتفعة .
تشنج مرضي يعني حالة مرضية كوجود بؤرة كهربائية بالراس وتحتاج علاج دوائي واشعة معناطيسية.

 

[ناتشوو]

عندنا طفل تشنجه مو حراري
فجأة حاشته وادويته شراب كل 12 ساعه ياخذه
مااعتقد اخذ مغناطيسي
ع اي اساس يتشافون والبعض يستمر معاهم
انا مو امه فمااعرف التفاصيل لعلاجه

 

[alhnan]

ناتشوز والله مادري علي اي اساس يتشافون و مايرد انا كاتبه الموضوع استفسر ابي تفاعل اللي مروا بالتجربه نبي نشوف منو تشافي و منو لا وشنو العلاج وشنو لاحظوا اثاره ربس اللي سمعته ان الكورس 5 سنين و في يقولون ٣ و يقولون 2 احترنا ايهو الصح و يقولون اذا صار للمريض سنتين بدون تشنج يوقفون الدوا تدريجي يشوفون يرد او لا اذا ما رد يقطعونه ر بس هالكلام كله من وكاله يقولون للحين محد شارك بتجربته

 

[alhnan]

امهات نبي تفاعلكم معقوله محد مر بالتجربة

 

[alhnan]

كل وحده تقول شنو علاجها و شنو اثاره وكم مدته وهل في نوبات تشنج معرالعلاج او لااااااااا واللي خلصوا علاج و تشافوا بلييييز قولوا كم كانت مدة الكورس وشلون صار وقف العلاااااج

 

[alhnan]

امهات اللي مروا بالتجربه و تشافوا عيالهم شجعونا

 

[شادن33]

الحنان حبيبتي الله يآجرج
انا اعرف وحده بنتها جذي وظلت تاخذ الدوا لين كملت تسع سنوات وبعدين خلاص قطعه الدكتور
على حسب تخطيط المخ بس مايقطعونه فجاه لازم بالتدريج

والعصبيه وقله التركيز من اثاره واهتمي بأكلها يكون صحي
والله يشافيها وتفرحين فيها
بس خلي بالج لما تسخن وايد عشان لاتتشنج

 

[alhnan]

مشكوووره اختي شادن اللهم اشفي مرضانا و مرضى المسلمين

 

[alhnan]

ااااااب نبي تفاعل اللي مروا بالنجربه

 

[7lwa]

أخوي في ها الحالة
أول ماتيلة لازم نعطيه تحميلة بس ماعرف شو اسمها عشان يقوم
و الدكتور وصفلة دوا و الجرعة على حسب وزنه
و لاحظنا إنه يفتح الشهية وااااااااااايد اشالله عليه متن
بس ماعرف هل هذي الحالة تسبب تأخر في التفكير وتسبب البول لاإرادي؟؟!!

 

[jegrom]

الله يشافي بنتج يااارب

انا ولدي صارله جم شهر تييله حاله بس مو عارفه افسرها عدل هل اهوا تشنج ولا قشعريره و لا رجفه

شلون الحاله بالضبط لمن تيي حق عيالكم

انا يصير فيه رعشه خفيفه مثل مايصير لمن واحد يحس بالبرد فجأه بس هالشغله اغلب اليوم يصير فيه ويكون بوضعه الطبيعي بس مجرد ثواني وتختفي والشي هذا ماكنت ملاحظته لان مو واضح وايد بس ولدي بنفسه قالي

طبعا خفت وديته اول شي سووله تحليل دم طلع كل شي اوكي وحولوني على دكتور اعصاب انا رحت بالمواساة عند دكتور حسن خاجه اهوا من الاهل بس مو متخصص حق الاطفال المهم قالي اغلب اليهال الي يصير فيهم جذي من الايباد والتلفزيون وهالسوالف وكثرة الكاكاو وعدم انتظام النوم

طلب مني اسوي تخطيط للمخ عند دكتور عدنان خريبط عيادتة بالجابريه وقالي سوي رنين بس على كلامه مو مستعيل عالرنين

سويت تخطيط للمخ طلع مافيه كهربا براسه وحتى نصحني دكتور عدنان ان ما اسوي رنين حق ولدي لان الاعراض الي تصيرله مو خطره والياهل لازم يتبنج حق الرنين قال لاتسوين الحين

وقالي روحي عند دكتور اعصاب متخصص حق الاطفال افضل وذكرلي أسماء

طبعا مافي بالخاص ولا دكتور اعصاب للاطفال

بمستشفى مبارك قال دكتور يوسف حبيب ومليحه البلوشي وامل صالح وبمستشفى العدان واحد صومالي اتوقع اسمه علي موسى

قال حاولي تصورين ولدج وقت التشنج واخذي معاج التحاليل والتخطيط

عاد ان شاءالله القى موعد قريب لان مو عارفه بالضبط شنو حالة ولدي

 

[alhnan]

7lwa الله يشافي اخوج اللهم امين و تفرحون فيه يا رب

 

[alhnan]

jegrom الله يشافي ولدج و يخليه لج لا تهملينه صوريه و ديه للنستشفي للدكاتره اللي قلتي عنهم انصحج بالمبارك والله يطمنج عليه يا رب انشالله شي بسيط و عارض ما يدوم معاه الله يشافيه و يشافي كل مريض الله يبلغج فيه

 

[alhnan]

اب اب نبي تجارب و ادويه و حالات تشافوا شفاء تام

 

[alhnan]

ااااااب

 

[-فلانة-]

حبيبتي عسى ربي يشافي بنيتج و يحفظها لج..
أختي كانت تحوشها تشنجات و هي صغيرة بعمر الأشهر..
أذكر كانوا يعطونها أدوية بس ما أعرف اسمها..وكانت لي فترة معينة يحددها الدكتور..
الحمدلله الحين عمرها 22 سنة ومافيها إلا العافية..​

 

[alhnan]

فلانه الحمدلله علي سلامت اختج والفال لبنتي يا رب و كل مريض الله كريم

 

[-فلانة-]

فلانه الحمدلله علي سلامت اختج والفال لبنتي يا رب و كل مريض الله كريم

عسى الله يشافي بنيتج يا حبيبتي و يلبسها ثوب الصحة و العافية إن شاء الله..​

 

[alhnan]

up
ااااب
نبي تفاعل من اللي مروا بالتجربة