التشميخ عند القطاوة

[دانه البحر]

حبيباتي عندي توفي قطوي صغير بو اربع شهور لعبه دفاشة بس يعض يعني مطيح الميانة اشلون اروضه ؟

 

[سكارف.فوشي]

حطي بخاخ ماي يمج وكل ما يسوي شي غلط بخي عليه بالماي بس مو تسبحينه بخه وحده عشان يدري ان هذا غلط
بس مو على اي شي عشان لا يتعقد بس على الغلط بخي
او قوليلا نووو بنبره حاده وعاليه او ناديه بأسمه بنبره حاده وعاليه

 

[a7la-86wa]

لوووووووووووووووول
شخباري
المهم صح كلام سكارف
انا الحين اذا قطوتي سوت شي غلط وانا دخلت بمجرد انها تشوفني تنحاش
واكثر شي لما اطيح عليها تاكل من الصحن عيش وجذي
على طول تختفي تدري اني بصيح عليها
انتي اهم شي ركزي باللعب معاه بس بالالعاب
عشان يتعود ان الايد مو لعبه وماتنفع
وانتي كل مايعضج لاتحركين ايدج خليه يحس ان الايد ماله فايده باللعب
وهو بروحه بيتركها ويروح
وكل مره جذي
انا مرات تعضني قطوتي وباضافرها ماسكاتني فمااقدر اسحب ايدي
عاد اصيح ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااي
عاد هي اذنها تنبط وتهدني
لووووووووووووووووول

 

[معصبه وايد]

نفس ماقالتلج سكارف طبقي هالشي لين يتعود عشان تصير عنده ردة فعل ويخاف

 

[ســكــّر]

والله حبيبتي صعب الترويض

لانه سن القط صغير حيل وكله وقته لعب × لعب

انا قطوتي لما كان عمرها شهرين كانت قمه النشاط والعفسه مثل الاطفال الحين لعب ويكسر ويحاول يكتشف كل شي حوله


هالشي مؤقت يعني بعد اكتمال العمر 7 شهور تقريبا يبدا يقل النشاط تدريجيا وتبدا عنده مراحل البلوغ بسن الـ 9 شهور


وراح تنسين اللعب هذا وراح تشتاقين له لانه راح يكون كل وقته نوم واكل وبس وقليل يلعب


يعني شي طبيعي


وفري له الالعاب علشان يخف من اللعب الحاد

 

[دانه البحر]

تسلمون حبيباتي ما قصرتو عندي بخاخ احط فيه ماي وابخه اذا شمخ بس ، امس قصيت اظافره قلت يمكن افتك اشوي

 

[Aboosah]

وااااااااااااااااي نفس الي عندي لبغت تلعب تخمشني وتعضني تعذبني وايد

 

[sweet cake]

ما قصروا البنات بس بقول لج.. الماي ما ينفع مع اي قطو ..

احم احم.. قطوتي عادي ما تخاف منه وما ترجع ورا ولا تنحاش لما ارش عليها .. قلت يمكن ارش خفيف وزدته بس هم عااادي عندها.. واكتشفت انها مو قطوه لأنها ما تخاف من الماي.. بس لما اسبحها ما تحب لكن ما تأذيني عادي عندها..

اصلا اللي عندي حاله شاذه مو قطوه كلش كلش.. معتبره نفسها آدميه .. امي تقول لي قطوتج خبله.. انا عن نفسي ادري ان اللي عندي شكل قطوه لكن عقلها وقلبها غير محدد الهويه..

 

[$$كويتية$$]

هههههههههههههه

والله ياابناات سوااالفكم اتينن

ومثل ماقالو لج صرخي ورشي

 

[دانه البحر]

هلا انا وياكم بس ماشالله شكله نفع معاي الماي ينحاش مو بس يرجع لي ورى راحة بس يمشي ويشمخ اي مكان بالصالة بغرفة النوم في مكان يبيعون شي حق تشميخهم حبيت اسال جني سامعة بس ما ادري وين ؟

 

[sweet cake]

في بأكثر من مكان..
بس انا ما ادلهم..

شوفي انا شريت من دايسو بس مادري وين مكانه .. ادل اللي بالجهرا بس << جهراويه
وفي موقع يبيع شغلات القطاوه ويبيعون اللي يشمخونها بعد.. اذا تبينه ارسله لج عالخاص

 

[الكرزي]

انا من رايي خلي القطو يلعب على طبيعته وهذي فترة مؤقته حاولي تستمتعين معاه باللعب وخليج حنونة معاه مهما سواا يعني خليج هادية لاتعورينة ولاتخوفينه بالعكس إذا شفتيه إشمخ حطي إيدج على راسه ومسحي عليه شوي شوي يعني خليه يتعود على الهدوء...آنا اتعامل جذيه مع قطاوتي وماحب ارش الماي عليهم او اصرخ لانه اهم بعد لهم قلب وبيلعبون بعد....وإذا تميتي اترشين الماي عليه راح يكره السباحة والماي وبيأذيج بعد...

 

[سكارف.فوشي]

اشتريله عامود الخدش تلاقينه بمركز سلطان بس مخشوش مو معروض بره بس سألي العامل الي اهناك يعطيج اياه
وفي بأيس هاردوير بعد