التسوق في الخبر

[كويتية بالفطرة]

تسلمين يا قلبي نور الكويت هذا من طيب اصلج ..... اب اب اب

 

[ديناا كوليكشن]

حبيبتى نصيحة لوجه الله ريحى حالج حريم الخليج كلهم
يتمنون يجهزون من الكويت حلم العمر عندهم ترى فى دىرتنا
العجب العجاب لاتقولين غالية كله معتمد عاى الذوق

 

[كويتية بالفطرة]

مشكورة على النصيحه بس ما فيها شي اذا الواحد يشوف عادي منها سياحيه ومنها تسوق بس والله انج صاجه الكويت فيها كل شي اهو اولا واخيرا يعتمد على الذوق في الدرجه الاولى مشكورة حبيبتي على المرور نورتي الموضوع

 

[كويتية بالفطرة]

اب اب اب ... كويتيات وينكم ... اب اب اب ردوا مايصير تشوفون بدون رد .... اب اب

 

[الغدق]

بــنااااات حتى انا ابي محلات
العبي اللي هنــاك
لأني ناويه ن شاءالله افصل العبي من هنــاك
يسلمووو عالموضوع

 

[غروري بطيبتي]

http://www.q8yat.net/showthread.php?t=541910&highlight=%C7%E1%CE%C8%D1

هذا موضوع وحده كاتبه عن الخبر
اساليها عن الخبر وان شاءالله تفيدج

 

[pink Engineerah]

اب لعنون كويتيه

 

[كويتية بالفطرة]

مشكورين كويتيات على التفاعل الجميل واتمنى الاستفاده للجميع .... نورتوا الموضوع
اب اب اب اب
اب اب اب

 

[najla86]

حبيبتي انا برد على سؤالج احلى ديودرنت كلنك اول شي طبي ثاني شي مايسود الابط مثل باقي المنتجات مضمون ب 6 ونص راح تدعين لي بس اخذي الرول مو الستك وبلنسبه لعطور الشعر فيه ببدي شوب حلوين شكلهم صغير جنهم توله واما خلطات البشره انصحج اذا بشر تج تعبانه و مو لون واحد استخدمي المصفي والمفتح من اوباجي روعه اما بلنسبه لاسواق الخبر انا فارتها فر واهل الخبر احفضوني بس كل شي موجود عندنا بلكويت ما فيه شي مميز عندهم وبلظبط انا ما ادري شنو تبين الذا البدل ترا بدل الكويت احلى بوايد منهم واذا تبين نفانيف صباحيه مثلا عندج مجمع الجمعه سنتر بالخبر حلو دورين كلهم نفانيف اعراس العطور والمكياج كل شي عندنا اذا تبين استفسار عن اي شي بحاول اساعدج

 

[الأميرة جوري]

هلا ........ززفينيسيا روووووووعه من خام للعروس وفيه الماجد للعطور لايفوتج وفي شغلات غصب تشترينها بس نصيحه اللي موجود بالكويت لادشينه لانج ما استفدتى شيء دوري علي الشيء اللي مو عندنا..........زوالراشد كله ماركات وفي مكياج سيفورا وميك اب فور ايفر وجناط وشغلات حلوه وهم شارع سوسكت للعبي لا يعلا عليه .......... وبس

 

[الحلا توته]

انا بصراحه استفدت

 

[الأموره لولو]

هاي حبيبتي أنا رحت الخبر فيها وايد شغلات حلوه أول شي الراشد وايد حلو بس غالي وتقريبا نفس مجمعات الكويت ........
عندج فانيسيا وايد حلو وفي محلات خام وايد وفي سوق أعتقد اسما سوق جمعا وايد وايد حلو ورخيص متخصص في ملابس السهرا حق صباحيتج مثلا هذا الي أتذكرا وأتمني أكون فدتج .

 

[Malak_galbi]

شوفي قلبي

انا عرووس وتوني راده من الخبر والبحرين

اذا تبين عبي عندج شارع سويكت محل اسمه العيسائي خذيت منه 4 عبي فخمه وحدهم حلوين
الخبر مول خامااات عجيييبه بشكل ماتتصورينه للبدل والدراريع
الظهرااان موول روحي بوابه 6 محل نكتار اخذي منه مجموعه العروس ومجموعه شهر العسل
وشوفي بعد عنده شغلات وايد حلوووه
فنسيا انا خذيت منه اكسسوارات في يمكن 4 او 5 محلات اكسسوواار وحدهم حلوين
وهم لو تبين دراريع بيت في محل بـ فنسينا عنده وايييد حلووين

امممممم بعد شنووووو

العطورااات عندج سيفورااا لا يطوفج اخذي منهم ترى شغلاتهم حلوه وارخص من الكويت

لو بتروحين البحرين
عندج سيد جنيد اخذي بخورهم حده حلووو التوله بـ 50 دينار بحريني والثاني بـ 120 د.ب
وعندج اصغر علي مرشااات البيت مالوت المفارش عنده 3 انواع شوفيهم انا خذيت من كل واحد 2
وعندج محلات القمصاان محل اسمه لافين روز عنده بجامات حلووه ستااان و قطن حيلل حلوه

اممم هذا اللي اذكره الحين لو في شي اقولج

ولو تبين شي معين قولي لي

ايييي لو تبين ساعات روحي الدهام في الظهراان مول حيل حلوه والحمضي بعد بالظهران وبنفس المكااان

 

[كويتية بالفطرة]

يسلموووووووو حبيباتي على المساعدة .... انا واييد استفدت
وشكرا على المرور نورتوا الموضوع ....

 

[كويتية بالفطرة]

اب اب اب €...... اب اب اب ......€

 

[غرشة عود]

تبين نصيحة اخت .. لاتروحين الخبر بصراحه مافيها شي يستاهل العنوة لها والله ماعجبتني
اذا السفره فيك فيك روحي الرياض مجمعاتها أكثر وافخم
انا والله رايحه للخبر قبل سنه ولما بديت اجهز قالي اخوي اوديك الخبر بس مارحت لانها ماعجبتني بغيت الرياض بس كنسلتها لان مالي خلق سفر بروحه التجهيز تعب بعد اسافر مستحيل :cxxxp:

 

[الصراحة راحة]

شوفي حبيبتي الخبر رووعة وراح تخلصين نص تجهيزج من هناك
اول شي روحي مجمع الراشد محل عبي السلطانة حلو حييييييييل وعندج محل جناط السفر ماركة بيركاديان حدها بناتية وزوووغة شغلة حلو ومميز وغريب ومو موجود بالكويت وروحي محلات الحميضي والدهام للساعات حلوة وغريبة ورخيصة بالنسبة لاسعار الكويت وروحي محل عبي شمس بالسويكت وووووووووووووووو روحي الماجد للعطور بمجمع فينيسيا والظهران مول وروحي عطورات الرماح بالثقبة عندهم عود مسقى يجنن والبخور المعمول تلاقينه عند الحريم اللي يبيعون بالثقبة وروحي مجمع طابا عندة اطقم داخلية تجنن ورخيصة حيييييل الطقم بدينار ونص تقريبا بس روعة انا خذيت منه 8 اطقم
وبالنسبه لعطور الشعر احلا شي ماركة شانيل وخلطات زهور الريف اما كريم الاساس اخذي استيلودر اللي جنه مرهم لونه كحلي جنه اسمه شي كفر موحافظه اسمه عدل ونصيحة استخدمي كريم بينا اللي عند الحواج انا احطه كل يوم قبل لا انام على وجهي واباطي صج صرت بيضة وفتحني حيل ووخر اثار الحبوب اللي كانت بوجهي وعندج خلطة مزيونة وشقرة تجنن استمري عليها والله يوفقج واي سؤال اسالي وانا حاضرة

 

[كويتية بالفطرة]

يعطيكم الف الف عاااااااافه على الردود الزينه
ان شاء الله في ميزان اعمالكم ....
((ونورتوا الموضوع))

 

[رتو الكيوت]

السويكت فينيسيا المارينااا هذول الي بتلقين فيها شغل موجوده بالكويت

صح والشاطئ موول

الباقي نفس الي بالكويت المماركات !

 

[بيــــــــــــب]

تبين فساتين سهره وببلاش

روحي جمعه سنتر
رخيييييييييييييييييييييييييييص وروعه

واذا كاسرتي بيرخص لج