التربية: لا إجازة وضع ولا رواتب صيف للمعلمة «البدون»

[sadan111]

المصدر

http://alwatan.kuwait.tt/ArticleDetails.aspx?Id=192197

كتب عبدالعزيز الفضلي:

كشفت مصادر تربوية لـ«الوطن» ان المعلمات من غير محددي الجنسية «البدون» اللاتي تم تعيينهن في السنوات الأخيرة ليس لهن الحق في الحصول على إجازة وضع أو حتى الرواتب التي تصرف للمعلمين بأثر رجعي مقدم خلال فترة الصيف.
وقالت المصادر إن المعلمات فوجئن بإيقاف رواتبهن في إجازة الوضع ولن يعاد صرف الراتب إلا بعد مباشرة المعلمة لعملها في المدرسة، منوهة بأن العديد من المعلمات أبدين استياءهن الشديد من هذا الإجراء الذي يفرّق بين الهيئات التعليمية، ناهيك عن أثره في عطاء المعلمة في الفصل الذي ينعكس بالسلب على الطلبة والطالبات.
وذكرت المصادر ان جميع من يعمل داخل أسوار المدرسة من هيئات تعليمية وإدارية وعمال نظافة يستلمون رواتب العطلة الصيفية باستثناء المعلمات «البدون» اللاتي تمنح لهن مكافأة شهرية بشرط إحضار كتاب من مديرة المدرسة تؤكد مواصلة عملها في المدرسة طوال الشهر.
وطالبت المصادر وزير التربية د.نايف الحجرف بإيجاد حل لهذه المشكلة خاصة أن مهنة التعليم لا توجد فيها تفرقة. ​

 

[ALMooOooN]

والله حرام هالبدون

يا ناس ارحمو من في الارض يرحمكم من في السماء

الله يرفع عنكم انشالله

 

[(دنيتي)]

يعطيج العافيه اختي ع الموضوع ولففت النظو للقضيه الانسانيه قضيه البدون


بس اول مره ادري انه وزاره التربيه توظف معلمات بدون الا اذا تقصدين المدرسه البدون اللي والدتها كويتيه

لانه خالي شهادته الجامعيه بطوله وماقدر يشتغل فيها مدرس. وحاليا يشتغل مندوب لانه بدون بلا والده كويتيه


تسلم ايدج عزيزتي

 

[om MaRyooM]

حرام صراحة
ياتعطونهم حقوقهم نفس باجي الموظفات الغير كويتيات يا بلاها


يسوون الشي ويمنون عليه


الله يعين الجميع

 

[brettey]

شهالظلم حسبي الله ونعم الوكيل
معقوله جذي صارت الكويت

 

[[ نور عيني ]]

-


تراهم بشر حالهم حال الباقي
شالظلم استغفرالله واتوب اليه
حراام عليهم اجازه الوضع لحاله صحيه ، المره توها والده يبونها تعابل بالطلبه والا الجاهل اللي توه جاي ..
لاحول ولاقوه الا بالله .. كل هذا عشان ينحشونهم من الكويت .. والله حرام حراام حراااااااام ..

 

[لبنه بالزعتر]

استغفر الله

 

[orangiyah]

مسآكين الله يعينهم صجج

 

[ترف بابا]

لا اكيد في شي غلط *

 

[ام حمد 85]

من صجهم

 

[كل الأسامي مأخوذة ليش؟]

ارحموا من في الأرض يرحمكم من في السماء والله حرام شنو هالظلم
بعد هذي تلقينها بواسطات الدنيا يالله حصلت الوظيفة رفيجاتي بدون ثلاث صارلهم خمس سنين متخرجين تخصصات علوم ورياضيات ولي اللحين ما وظفوهم وامهاتهم كويتيات شنو يسوين يعيني عيل ليش درستوهم .. جد الله يعينهم

 

[afaf]

اللهم ارزقنا الجنسية وانصرنا ع من ظلمنا يااااارب

 

[ام مهاوش]

استغفرالله والله حرام

 

[Miss Cherry]

انا اعرف وحده بدون كانت معاي بالكلية ماوظفوها ليما الحين

بس حرام عليهم شنو هالقانون يعني نظام تطفيش .. عندهم نقص وكل سنة يتعاقدون مع معلمين من جنسيات عربية مو البدون عيال الديرة أولى

 

[shadows]

حسبي الله على الظالم

 

[Charming.Diva]

شلون يعني !!!!!!!!!!
البدون مو ادميه؟ مو حالها حال الكويتية ؟؟

 

[مسك اسود]

هذي يسمونها سياسة التطفيش
حسبنا الله ونعم الوكيل

 

[Vous jamais]

جان زين يوظفون

بس كلام في كلام

 

[*مطبخ الذواقة*]

حرام صراحة
ياتعطونهم حقوقهم نفس باجي الموظفات الغير كويتيات يا بلاها


يسوون الشي ويمنون عليه


الله يعين الجميع

حالنا بهالديرة ماراح يركد ليما يرفعون الظلم عن البدون ...

يعني باجر المرسة للبدون يموت ريلها مثلا يعني ..


شلون بالله مالها اجازة ...


ولا يبون يخالفون الشرع بعد .....








المفروض هالقضية تنحل

كافي مزايدات ... وسياسه عمك خالك هي اللي عقدت الموضوع ....




حتى الاعضاء للاسف يوم صاروا اغلبيه كل يوم واحد فيهم منسحب من لجنة البدون !!!!!!!!!!!

 

[softlady]

ياربي ما نبي تصير ديرتنا ديره ظالمه شيفكنا من الحوبه