التخلص من النمل

[التوأم الجريح]

مرحبا بنات ابي طريقه اتخلص فيها من النمل لان منتشر بكل مكان بالبيت

 

[OM-Saad]

انا نفس مشكلتج وصراحه حاليا كل الي قاعده اسويه اني كل ما اخم الشقه ارش بودرة النمل على الزوايا والاطراف والحمدلله

ماقام يزورونا هالنتف السوده

 

[~ MhMh ~]

واالله في طريقه أمي الله يحفظها تسويها و أنا تعلمتها منها تقطع النمل عن البيت بإذن الله


عارفه سطل الماي اللي تحطين في الممسحه للسيراميك رشي فيه فليت ( اي نوع السبراي ) و امسحي الأرض و إن شاء الله ينقطع النمل

 

[@البتووول@]

أنا بالليل أحط بودره والصبح أمسحها وسمعت ان الطباشير تمشين فيه بأطراف البيت لأن النمل مايحب مادة الطباشير <<<بس ماجربتها للأمانه...

 

[ام فهد العدواني]

اقرئي سورة النمل على مكان الجحر

 

[M!δδ Cu†e]

بالبدايه لازم تحذريين النمل وتعطينه مهله ان يغادر المكاان لأن قتله مكرووه وراح تفاجئين ان ينقطع بعد ماتحذرينه وتسألينه بالله انه يغادر>>هذي الطريقه انا بنفسي جربتهاا وراحو
واذا ما نفع ممكن ترشين رماد ع اماكن سييره ........

 

[سنعه بس مظلومه]

والله انا قريت عن كذآ شغله بس ماجربتهم لان لي الحين ماشفت نمل ببيتي والله لايجيبه. بس قريت انه قشر الخيار تحطينه على مكان تجمع النمل ولا عاد تشوفينه وكذلك الملح رشيه على جحورهم والبودره وغسل المكان والخم المستمر لاي شئ والله يفككم منه

 

[@البتووول@]

بالبدايه لازم تحذريين النمل وتعطينه مهله ان يغادر المكاان لأن قتله مكرووه وراح تفاجئين ان ينقطع بعد ماتحذرينه وتسألينه بالله انه يغادر>>هذي الطريقه انا بنفسي جربتهاا وراحو
واذا ما نفع ممكن ترشين رماد ع اماكن سييره ........

شلون أحذرهم يياقلبي ممكن توضحين؟؟؟:eh_s(1):

 

[L I N D T]

ويه ايام ما كنت اطبخ في بيت اهلي كان النمل يأذيني .. فـ أرش فلفل اسود حول المكان اللي ابي اشتغل فيه ( يصير مؤقت ) .. ويروح النمل ..

اما اذا ببقية البيت .. دوري مكان فتحات بيوت النمل وسكريها .. عندج عدة مواد لهالشي ..

ورشي فليت جم يوم وان شالله ينقطع ^_^

 

[غــــــــــــدو]

انا سمعت عن التحذير وبعد المسح بالخل على الاماكن يمر عليها بس للامانه

ولاطريقه استخدمت لاني خوافه

 

[meen_ana]

حبوبه شغله مجربه طبعا انا كان النمل يترس لي المطبخ بدرجه يدخل بجيس التوست كله وانا ماكليت منه الا حبه تخيلي



اول حطيت دوة نمل مافاد خليت الدوة وقلت للنمل انا تعبت منكم واايد روحي عن بيتي ريحووني 3 ايام الا ماكو ولا نمله بالبيت عن تجربه

 

[ღ❤سـنــيـــڪـرز❤ღ]

يبنات احنا بيتنا مليااااااااااااااااان بكا مكان
يدخل فكل شي تخيلو يكل حتى الماجي
بس انا احط للحفر حقه ديزل مادري ان موته مكروه
وصراحه اول مره اسمع عن التحذير

 

[اللاندكروز]

قتل النمل ياخوات مكروووووووه
لازم تحذرينه على مدى ثلاث أيام انه اذا ماترك الدار راح تقتلينه......
دخلت على النت لابحث عن كيفية القضاء على النمل الموجود في المنزل فوجدت ان اغلب المشاركات اجمعت على ان تتكلم مع النمل وتاذنه 3 ايام
للخروج من منزلك وتقرا عليه الايه رقم 18 الموجودة في سورة النمل وتكلمها وتقول لها انك تكره ان تقتل في بيتك وقرات فتوى بحرمانية قتلها الا اذا كانت مؤذية وتؤذيك
مستدلين على ذللك بحديث عن الرسول صلى الله عليه وسلم ان نبي من الانبياءقرصته نملة ذهب الى وادي النمل وحرقه كله فعاتبه الله وقال فهلا نملة واحدة اقتلت امة تسبح
اي كان يكف النملة التي اذتك وقرصتك

 

[M!δδ Cu†e]

شلون أحذرهم يياقلبي ممكن توضحين؟؟؟:eh_s(1):

حبيبتي خاطبيهم مباشره وتقولين لهم مثلايا عباد الله"اسئلكم بالله ان تغادرون المكان والا فاني سأقوم بقتلكم بعد 3 ايام "

 

[A.Designer_90]

يزاكم الله خير وواايدد استفدناا

 

[dnyay_mll]

الحمدلله ماعندي بشقتي
لكن ببيت ابوي ذابحينا
واول مره اسمع بالتحذير
بجرب ان شاءالله

 

[@البتووول@]

وااي والله صج يعني أكلمهم ويروحون ياكثر ماذبحتهم يسلموا بنات والله معلومه جديده وأحلى معلومه سبحان الله بجربها ان شاءالله...

 

[انا مو هني]

لووول انا قريت بالمنتدا ان لازم تخاطبين النملا
3 مرات
وتنفخين عليها بس ماتطيرينهم
اتقولين يانملا يابنت النماال اخرجي من بيتي بالحال والا ارسلت عليكي جند سليمان ونفخي
وعيدي الجملا مرا ثانيا وثالثا
وراح يروحون عاد انا ما جربت جربي بس مو جدام ريلج باجر يقول ينت مرتي لوووووول

 

[بلسم حياتي امي]

نفس المعاناة امشي في البيت واسددفي هالفتحات بالسيلكون

 

[هجوره 2009]

يعطيكم العافيه اول مره ادري عن تحذير النمل