التحليل المنزلي .. متى أستخدمه ؟؟؟ أبي تجارب الي جربوووه خل نستفيد

[شدو وردي]

ياقلبي اذا فيه حمل يبين على طول ويصير خفيف اذا حللتي باليل واذا حللتي الصبح بيطلع اوضحى

بس اذا تاخرت حللي ويارب تبشرينا بحملك

بس مابي اصدمك لانها صارت لي كثير اخذ حبوب منظمه وتجلس اسبوع ثم تنزل جعلي مااشوفها يااااارب الا بعد الاربعين ياحي ياقيوم

 

[عسل مرت قيمر]

بشرينا عاد

 

[كويتيه ذربه]

عادي حللي بأي وقت وبشرينا
ويااااااااااااااارب حامل

 

[Luna]

يا رب ان شاء الله حامل


أنا حللت الصبح

بس قبل موعد الدورة بـ 4 أيااااااام !! وطلع معاي خطين والثاني كان ضعيييف

 

[ABEER FLOWER]

ربي يكتبلج الصااااااااالح أوركيديااااا

: )​

 

[إباء الروح]

بقول لج تجاربي
حملي الاول..يوم 27 صباحا خطين غامقين
الحمل الثاني ..يوم 24 يعني لي 23 ..صباحا خط غامق والثاني نص ونصف بس واضح
الحمل الثالث ليلة 23 يعني لي بس 22 بالليل ...وخطين غامقين
الحمل الرابع ...يوم 24 خطين واحد غامق والثاني نص ونص ..بالفجر...
وربي يفرح قلبك.

 

[بدوية بملامح كشميرية 86]

خيررره اروكيديا

وان شاءالله حمل متاخر

 

[بدوية بملامح كشميرية 86]

واذا ع التحليل عادي
انا جربته قبل الدوره ب٦ ايام والعصر وبين خط خفيف

 

[صديقت قوقل]

انا سويته قبل الدوووره بعشر ايام<<<ماعندي صبر
وسويته بالعصر

وبين معي

 

[ابدا يالغالي مانساك]

اذا متاخره عليج عادي يبين باي ووقت
انا بين ويااي بالليل
ويارب ياكريم تبشرينا وتكونين حامل

 

[ام فوااز]

اضبط شي حبيبتي لما تتاآخر 10 ايام ولازم يكون الصبح لما تقومين من النوم عشان تركيز الهرمون
والله يرزقج يارب

 

[درة أهل الطولات]

الديجتل يبين قبل موعدها
لكن العادي لا
عن تجربة

 

[Q6RYA]

انا كانت متآخره ٤ ايام وحللت الظهر تقريبا واطلعولي الخطين .. دام طاف موعدها المفروض يبين باي وقت الا اذا كان الهرمون نسبته وايد ضعيفه بس لما المستشفي كانو بيعدونلي اياه عشان يفتحونلي الملف اطلبو منو بول اول الصبح وانتو بكرامه عشان يكون مركز ونسبه الهرمرن واضحه

 

[شادن33]

يحليلكم الله يرزقكم كلكم انا اول مره ادخل هالقسم

 

[شادن33]

بس افضل شي تحللون بعد خمس ايام اكيد

 

[شدو وردي]

هاه بششررررينا يارب حامل

 

[нάγoηά cнεмίsтяγ]

عادي تقدرين تحللين باي وقت بس تكونين محصورة عشان لو في حمل يتركز الهرمون

المغزى من الصبح انج نتكونين توج قاعدة ومن فترة مو رايحة الحمام

انا سويته المغرب و قبل موعد الدورة ب5 ايام و بين معاي

 

[нάγoηά cнεмίsтяγ]

بس ملاحظة بسيطة ليش تخلين ريلج اهو اللي اييب التحليل

خلي احد اييبلج غيره او انتي اشتري او طلبي توصيل بدون ما يدري

عشان لو طلعتي حامل تفاجئينه يكون كلش مو متوقع ولا ناطر

واذا مو حامل ما يتحبط و يقعد يفكر معاج يصير شغله الشاغل



انا اقولج جذي لاني جربتها سويت تحليل من ورا ريلي و طلعت حامل وماكان يدري اني محلله

خذيت التحليل و حطيته بعلبه هديه و عطيته وكنت وقتها ف بيت اهلي طار من الوناسه راح لامه يصرخ من الوناسه لان ما كان متوقع

انا الحين الحمدالله ولدت بالسلامه بس من كثر ما الخبر كان له طعم لي اليوم يسولف عنه

وناسه الله يرزق كلمن يتمنى و يرزقج يا رب و تبشرينه

ترا هرمون الحمل يبين بالدم قبل البول اذا مستعيله سوي دم هرموني عشان تتاكدين ولا هالمحاتاه