التجهيز للسفر

[صدى الاشواق]

هاي حبايبي











بنات انا سفرتي بعد 10 ايام ولحد الحين مو مجهزه ولا شي وافكاري كلها مشتته اول مره مره جذي يصير معاي ماني عارفه اجهز اغراضي وشنو اخذ معاي وشنو اودي بنات عطوني افكاركم بالتجهيز شنو اخذ وشنو اودي معاي
للعلم بروح شرم الشيخ

 

[ام علاوي-82]

وييييي نفس حالتي انا بعد 5 ايام بروح وليلحين مو مجهزه ومااااادري شاخذ جني اول مره بسافر

 

[صدى الاشواق]

هلا حبيبتي
الله يعينج بصراحه لان انا حدي متوتره وباقيلي 10 ايام عيل انتي شلون الي 5 ايام
يالله ننطر بنات الحلال يساعدونا

 

[dalprincess]

امبيه بنااات انا بعد 3 ايام بسافر ماليزيا ومااااااادري شاخذ معااااااااي متوتره كل هذا عشان بخلي بنتي بالكويت :/ مو متحمسه للسفره كلش

 

[fajoora75]

انا بعد باقي يومين وطلعت 3 جناط وفاتحه حلجهم عل الفاضي
وكل ماشوف شي اقط فيهم امس باديه احط الاغراض حطيت ملابس اليهال والماجله والاوتي الصغير وغلاية الماي عندي رضيع وجدر كهربا ريلي بيطقني ادري انا ماظل شي ماحطيته وباجر بسكر الجناط وسلامتكم

 

[فطووومة]

ما شاء الله كلكم بتسافرون ؟؟

وين كنتو في الاجازة :eh_s(3):




تروحون وتردون بالسلامة وان شاء الله تستانسون


اسفة شرم الشيخ ما عرف شنو تحتاجون لو مكان ثاني جان قلت لكم





اهم شي لا تنسون ملابس البحر

 

[صدى الاشواق]

مشكورين على ردودكم
تصقون انه انا ليم الحين ماعندي جنطه سفر كل الي عندي قاطهم يعني بسوي تصفيه وكليتها كككككككك ويوم الخميس بسافر شرايكم امبييه مادري متى بجهز اغراضي

 

[jaggy-cat]

[B]اول شي اذا معاج اعيالج لا تنسين ادوية الحرارة والاسهال والبنادول علشان تغير الجو.[/B]
سجادة الصلاة و شراشف وفوط (وحده فيها وسواس)
سلبير (نعال) حق الحمام (ضروري)
شنطة صغيرة حق لوازم الخياطة(مقص وابرة وخيط)
غلاية ماء كهرباء

 

[jaggy-cat]

اذا عندج شناط خفيفة وتتصفط اخذيها معاج
حق الهدايا والصوغات علشان ماتضطرين تشترين جناط هناك

 

[supermarket]

لاتنسين حطيلج جم جوتي وانتي بكرامة من النوع المريح ودلاغات اذا كانت جواتي رياضة

علب كلينكس احتياط وكلينكس الجنطة

مناديل معطرة او جل الايد ( للتنظيف والتعقيم)

كريمات الشمس وسوالف الاستحمام

واذا تذكرت ارجعلكم

 

[صدى الاشواق]

يسلمووووووو ماقصرتوا
انا بعد شوي بروح اشتريلي الجنطه وبروح الجمعيه اتشرى الاغراض الضروريه