التجهيز للبيبي

[caribou]

السلام عليكم
شلونكم انشالله تمام ؟؟

بنات أبي منكم مساعده انا بجريه وما أعرف ولااااا شي بتجهيز البيبي لانه بيت امي انا واختي كبار من زمااان ما عندنا يهال وأدري المواضيع مترووسه بس مو مرتبه ووايد صفحات تدودهت ماعرفت شنو أشتري بالضبط وشنو الاشياء الاساسيه اللي لازم آخذها للبيبي،، بليز اللي ابيه منكم تحددولي شنو اهي الاشياء اللي لازم اشتريها على شكل نقاط
1
2
3
ويعطيكم العافيه وانشالله ماراح تقصرون معاي فديتكم ؛****

 

[om_3azoz]

حبيبتي اول شي لازم تعرفين انه لاتشترين وايد ملابس صغيره اللي اهيا حق فتره النفاس لان البيبي كل يوم يكبر

 

[ام فواازي]

حبيبتي روحي سنتر بوينت واخذي
1- من خمس الى 9 اطقم كامله تتكون من افرول ولفته و كبوسه و سدريه و الافرول اختاري اللي يكون مسكره رجوله و طباقياته من قدام لان لو من ورى بتضايقه ويكون قياسهم من 0-3 اشهر
2- تلقين بسنتر بوينت مهادات للبيبي خامتهم حيل حلوه من غير حبل لان الحبل يضر البيبي وهالمهاد يمهد البيبي عدل من غير حبل
3- اخذي تبانات اللي يجون مجموعه كامله اخذي من 0-3
4-فوط صغار عشان لما تجين ترضعينه تستخدمينهم تلقينهم يجون مجموعه
5- فوطه كبيره للبيبي لما تحممينه
6- لفه تريكو تلفين البيبي فيها عشان مايستبرد من التكييف
7-مخده و اخذي فوط 2 او 3 وسط تغطين المخده فيهم عشان لو رجع يرجع عليهم وماتتوصخ المخده والفوط تنضيفهم اسهل
8-وفي عند صوب الجناط نفس الفرشه تكون نايلون تحطين البيبي فوقها لما تبدلين الحفاضه انظف لج وله لان البيبي وانتي تبدلينه ممكن يسويها حزتها
9-مميات صغار انا بنظري احلى نوع بايقون القدم طبعا اخذي الزجاج اخذي 3 حبات و وحده وسط اللي تكون 4 ارقام
10- كيس للبيبي
هذا كل شي تحتاجينه فترة الاربعين للبيبي

 

[ام فواازي]

اي ولا تنسين البطانيه عشان لما ينام تغطينه فيها
والله يسهل عليج وعلي يارب

 

[راقيه وجذابه]

حبيبتي هذي القائمه حفظتها عندي من تجهيز بعض البنات


تفضلي


تجهيز البيبي



خذيت 6 مهادات بألوان مختلفه
١٠ بجامات
خذيت ٣ بطانيات
٣ جيس للبيبي
٤ مميات
كريم سودو للحفاظ
واكياس مهملات اللي برول للحفاظات الوسخه وانتو بكرامه*
وفوطه للبيبي ٢
٦ تبانات
دله للماي الحار للبيبي
بانيو للسباحه له مع اغراضه*
لسته من بيبي جونسون للاستحمام*

5 صدريات
جنطه له للزوارات من ام يويو
2 لفه
5 قبعات
3 اطقم لبس كامله
مناديل من بيجون لما اغسل البيبي
مقسم حليب مع فرشاه لتنظيف المميات*
مع مفرش غسيل البيبي مع علاق المميات*
و4 مصاصات*
و2 علاق للمصاصه
*

والحفاضات انصحج بدالينقز او ليبرو

لوشن جونسون الوردي حلو و خفيف

البيبي أويل وايد زين عشان لا يصير جلده ناشف و يتقشر

واشتري سودو كريم حق الحفاضات
ومميات براون يهبلوون مايسببون غازااات

وجنطه وجيس حق البيبي لونهاا بيييج او ابيض

طبعاً عدة البديكير *المقراظه و مشط الشعر و مال الحراره تشوفينهم بسنتر بوينت ينباعون بجنطه وحده فيها كل شي

جهاز مقياس الحراره

فازلين طبيعي بدون عطورات
عود اذون*
شامبو للبييي


ايييي و عندج بعد الشاش! عقب كل رضعه أخذي شاش و لفيه علا صبعج و مسحي لسان البيبي عشان لا تتجمع فطريات بلسانه

وعسى الله يهون عليج ويقومج بالسلامه ان شاءالله

 

[ام فواازي]

راقيه سوري حبيبتي بس كل هذول مالهم داعي
بيبي الاربعين مو محتاج مشط وشياء شكثر كتبتيهم
و5 كبابيس ليش شدعوه حبوبه الوحده تاخذ اطقم كامله احسن لها و حتى البيبي يكون شكله ذرب وحلو مطقم بلبسه وبسنتر بوينت تلقين اطقم اشكال الوان
جيس البيبي 1 يكفي ماله داعي 3 صرف عالفاضي الاكياس اقل واحد 15 دك 3 جم بيكلفون حرام ماله داعي واستخدام الكيس بس بالاربعين و شهرين عقب الاربعين
والبيبي ماينحط له لوشن وعطور حرام تتعبين صدره بالعطور ماله داعي
ودير بالج من اعواد الاذون ليش حرام ماله داعي
شوفي اللي حطيته لج يكفي ويوفي للبيبي بفترة الاربعين من غير تبذير زايد وبالاخير بتتخربطين باللبس حزة الجد
طبعا انا ماكتبت لج عن المطاره و الليفه مالت التنظيف المميات لانه شي بديهي مايبيله احد يعلمج عليه

 

[راقيه وجذابه]

^^

هلا حبيبتي حتى انا بجر وخذيت هالشغلات من تجهيز البنات

مو تجهيزي ، وعسى الله يهون علي وعليج وعلى كل البنات

 

[ام فواازي]

راقيه انا عن تجربه جبت 3 و هذا الرابع الله يتمم بالسلامه عندي خبره بهالامور فشريت اللي احتاجه للاربعين
والله يهون عليج وعلي وعلى صاحبة الموضوع

 

[ميممآإ]

موضوع مفيد , يعطيكم العآفيه

والله يسهل علينآ يآرب ~

 

[أملي بعد الله]

واااااااااي واااااااااي أم فوازي أحببببببببببببببببببببببببببببببببببببببببببببببببببببببببببببببببببج ههههههههه انفعلت لا تواخذيني

بس صج صج صج أنا هذا اللي أدور عليه لأن الكل يقولي ترى فترة الأربعين تجهيز البيبي غير وتجهيزه حق بعدين غير

وكنت محتااااااارة شنو آخذ بس شورج وهداية الله كل اللي كتبتيه بييبه إن شا الله

الله يتمم علينا كلنا بخير حبايبي قولوا آآآآمين

 

[t.o.o.ot]

الله يسهل على الجميع يارب وتقر عيوننا في شوفتهم سالمين ......

 

[caribou]

فدييييييييتكم يا كويتيات يعطيكم ألف عافيه يارب ام عزوز وام فوازي وراقيه وجذابه وكل اللي شاركوا بالموضوع الله يسهل علينا ويقومنا بالسلامه آميييين ؛*****