التجمع الثاني لطالبات { كـلـيـة الـحـقـوق ] جامعة الكويت . حياكم الله

[امبراطورية الزين]

للرفع

 

[اخت خالتهم]

بنات انا عندي مادة بالحقوق
والدكتور ما حضر
في دوام هالاسبوع والا لا ؟

انا دكتوري عيسى العنزي
زين ؟

 

[امبراطورية الزين]

للرفع

 

[F.L.O.N.A]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بنات .. سنة اولى وثانية .. بعطيكم حصيلة تجربتي مع الدكاترة اللي درسوني .. ومنزلين هالسنة .. يمكن تفيدكم

نبدي بدكتور محمد الفيلي (إداري):

- الشرح : ممل .. ومو واضح كلللش يقول حرف وبعد خمس دقايق الحرف اللي وراه .
- الامتحانات : تعجيزية ! .. يعني انا عدت إداري بسبته وليما السنة اللي وراها مو قادره الاقي اجابات امتحاناته .
- الدرجات : كلللللللللش ما يراعي ، ولا وحده اذكر على ايامنا بإداري اعلى درجه حطها 30
- الغياب والحضور : ياخذ الحضور بالغالب ، لأن نص الشعبة اذا مو غالبيتها غايبين << محد يتحمل قدراته الخارقة في التخدير والملل.

دكتور مشاري العيفان (جزاء) :

- الشرح : توووووب ، وحدددده روعه من صج ، لأن يشرح من قلب وتحسينه يوصل المعلومه لمخج غصب ، محاضراته وااااااايد حلوة وبصراحه كنت انطرها من اول الدوام لووول .. ويلطف الاجواء بالنكت ساعات ويعطي امثلة حق القضايا .. انصح فيه وبشدة
- الامتحانات : صعبة نوعا ما ، بس مو تعجيزية تقدرين تحلينها ، خصوصا ان شرحه وااااااايد يساعد وما يخليج تحسين ان الامتحان صعب لان اوردي مفهمج عدل .
- الدرجات : كريييييييييم بالدرجات لابعد الحدود وتعامله راقي جددااااااااااا ويقدرج اذاا كلمتيه ويساعدج .
- الغياب : ياخذ الغياب بس بطريقة خاصة فيه ، يقول اسم بنت عشوائي من الكشف اذا موجودة يسألها سؤال عن الدرس اذا جاوبت تاخذ 5 درجات واذا ما جاوبت ولا شي ما تنقص .. كل محاضرة جم اسم .


فيصل الفهد (مالية عامة ):

- الشرح : على ايامنا كان شرحه تووووووووب خصوصا الللي تنوت معاه تفهم 100% . . بس يحب الهدوء بالكلاس واذا شاف بنات يسولفون يعتفس مزاجه ويعصب ويهمل بالشرح لان يحس محد منتبه معاه .. بسس والله احنا شعبتنا كان يشرحلنا بضمير ويعيد اذا مو فاهمين .. وقبل الامتحان يعطينا محاضرة تدريب عالقضاياا والمسائل .
- الامتحانات : امتحانه واحد من 25 ، ويابلنا ياه متوسط نوعا ما مو صعب ولا سهل ، والاغلبية كانت درجاتهم حلوة ، ويحط امتحان تعويضي حق اللي يبون يعدلون درجاتهم .
- الدرجات : حقااااااني وااايد ، وعطانا بونس 5 درجات (كل وحده يشوف شكثر تحتاج منهم ) ، يعني مو الكل خذا ال5 على حسب كل وحده ومجهودها وشكثر تحتاج وجذي .. بس الغالبية كانت بالثلاثينات ووايد حطلهم 40 فل مارك .وفي 5 درجات من ضمن اعمال السنة كانت حق اللي تدش وتشارك في موقع البلاك بورد ، و5 كويز واحد .
- الغياب : ما يحب الغياب بس بنفس الوقت طفارته الحضور وانتي مو منتبهة معاه ، تسولفين او تلهين مع رفيجتج .. يحب البنت اللي تحترمه وتحترم محاضرته ويقدرلها هالشي حتى لو كان عندها غيابات .


الدكتورة ندى الدعيج (حقوق انسان ) :

- الشرح : ما كانت تشرح بصراحه ، كانت مخليه الشرح للبنات كل محاضرة قروب (مثل سوالف الثانوية ) ، ووايد ضيعت وقت المحاضرات على سوالف تافهة مثل ايام دراستها بامريكا وبريزنتيشن هالسوالف ... حتى اذكر داومنا ليوم قبل امتحان الفاينل لان المنهج مو خالص
- الدرجات : مو حقاااااانية كللللللللش ، وانا صار لي معاها موقف جد اثبت لي هالشي ، كنت الوحيده اللي ماخذه علامة كاملة عندها بالشعبة ونص ساعة تمدح باجاباتي وانها اجابات نموذجية ، وقدمت البريزنتيشن ، وكنت احضر بس المشكلة انها تاخذ الحضور بالارقام وانا متلخبطة بالارقام مع مادة ثانية عندي ، فكنت اقول نعم حق اسم اللي قبلي واهي بنت كللللش ما تحضر .. فآخر السنة حطلتلي 30 من 40 بحجة اني ما احضر ودرجتي بالحضور صفر ، لما كلمتها قلت لها انتي تشوفيني كل محاضرة واشارك قالت اي ادري بس ماكنتي تقولين نعم حق اسمج صح انتي ولا مرة غبتي بس لازم تنتبهين تخيلوا طلعت بالمادة 88 يعني لو كانت حاطتلي بالحضور درجتي كنت آخذ A لان المادة سههههههلة ومالت A بصراحه
- امتحانات : سهلة نوعا ما ، لانها اتييب سؤال او سؤالين مقالي وتبيج تكتبين كل شي عنهم فاللي دارس يعرف يحل .
- الغياب : اعتقد فوووق شرحت نظرتها للغياب والحضور ..

دكتور عبد السلام العنزي (دولي)-الشرح : رووووووووووووعة ووافي ودقييق ويفهم .
-الامتحانات : صعبة شوي وخصوصا القضااااايا .
- الدرجات : كريم بالدرجات نوعا ما بس مو وايد .
- الغياب : ما يحب الغياب ويحاسب عليه .دكتور ثقل العجمي (دولي ) :
- الشرح : ما حبي طريقته بالشرح لان يشرح من الكتاب + يقول رايه اللي يعارض فيه الكتاب فيضيعج شنو تكتبين بالامتحان رايه والا الكتاب
- الدرجاااات : توب بالدرجات بصراحه ، اذكر الشعبه كلها 40 الا ما ندر
- الامتحانات : القضايا مالته صعبه بس بمتناول اليد << حلوة يعني قضايا طويلة وفيها صعوبة بس تنحل بالتركيز .
- الغياب : ما يحب الغياب كلللللللش .

دكتور محمد المعاطي (إداري) + ( حقوق وحريات ) :

- الشرح : ينوم شوي لانه بطيء بس يساعد حق اللي تبي اتنوت مثلي ولو ركزتي بالشرح معاه راح تفهمين .
- الامتحانات : سهلة سهلة سهلة سهلة لابعد الحدود وسهل اتييبين فل مارك فيها لان كله مقالي من الكتاب واسئلة قصيرة .
- الدرجات : حقاااااني وايد ويعطيج درجتج اللي تستاهلينها وساعات يزيد .. ويراعيج لو كلمتيه .
- الغياب : ماشوفه يهتم فيه وايد .

دكتور هيثم الاثري (أصول ) :- الشرح : زين بس مو ذاك الزود يعني في وايد اشياء ما كنا نفهمها منه ، ولا اييب سيرة القضايا كللللش بس كان زين .
- الدرجات : ظلمنا بالدرجات بصراحه خصوصا بالمدتيرم ، وكانت اعمال السنة نوعا ما تفشل
- الامتحانات : صعبة شوي
- الغياب : ما يحب التأخيييييير كلللللش ، ولا يسامح عالغياب .


دكتور خالد زغلول (مبادئ اقتصاد )

- الشرح : روووووووعه
- الامتحانات : سههههههههههههههههلة
- الدرجات : كريم لابعد الحدود
-الغياب : ما يحاسب عليه وايد
دكتور بدر المطيري (مبادئ اقتصاد )- الشرح : لا بأس فيه بس كله بوربوينت ويقرا منه ما يشرح .
- الدرجات : يعطيج حقج
- الامتحانات : متوسطة
- الغياب : ما يحب الغياب ولا التأخير << عادي يطرد

دكتور محمد المقاطع (دستوري ) :- الشرح : حلو ، بس وايد يطلع برا الموضوع ويسولف عن النواب والا المجلس او قضايا محلية بس احس حلو لانه يفيد ومن واقع حياتنا غير اللي يتكلمون عن نفسهم ودراستهم برا.
- الامتحانات : سهلة وحلوة .
- الدرجات : كرييييييييييم وايد ، بس يكدش بصراحه كدشنا وايد بس عطانا حقنا وزوووووود .
- الغياب : متساهل فيه نوعا ما ، خصوصا برمضان المحاضرة كانت 8 سواها لنا 8 ونص لووووووول بدون اي زياده باخر المحاضرة.


دكتور موسى رزيق ( التزامات )- الشرح : اتعب واقوووووول رووووووووووووووووعه
- الامتحانات : حلوة واااايد متوسطة الصعوبة .
- الدرجات : كريييييييييييم لابعد الحدود الاغلبية عنده خذوا درجات زينة .
- الغياب : ما يحب الغياب بس مو متشدد فيه

دكتور هيثم الشرف (فرنسي )- الشرح : حلو ، بس على طريقة سوالف ويتغشمر عشان يبعد الملل
- الدرجات : مو ذاك الزود
- الامتحانات : الشكل الخارجي لها انها سهله (موضوعي ) ، بس مضمونا صعبة لانه فيهها وايد (تركس)
- الغياب : ما يحببببه كلللش .


دكتور محمد عدنان ( مهاارات اتصال )
- الشرح : حلو واااايد ويفهم
- الدرجات : كريييييييييييييييم كرييييييييم كريييييييم
- الامتحانات : سهلة ، وغالبا يسوي قبلها بيوم مراجعة وايي الامتحان كوبي من المراجعه
- الغياب : ما يحب الغياااب بس مو متشدد فيه


وبث

اتمنى اكون افدتكم وسامحوني عالاطالة

 

[F.L.O.N.A]

رد : رد: التجمع الثاني لطالبات { كـلـيـة الـحـقـوق ] جامعة الكويت . حياكم الله

بنات انا عندي مادة بالحقوق
والدكتور ما حضر
في دوام هالاسبوع والا لا ؟

انا دكتوري عيسى العنزي
زين ؟

ما عندي فكرة اذا في دوام هالاسبوع او لأ

بس حبيت اقولج ان دكتور عيسى واااااااايد زين ..

حضري وركزي معاه وضمني الA​

:eh_s(17):

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

مساء الخير

موفقين جميعا والله يسهل علينا التسجيل انشالله

.

بنات رابعه ..

بالنسبه للجارالله محد يعرفه بحكم انه يديد :/

وليلحين سالفة الاحتكار مو اكيده لان الجداول قاعده اتغير

.

بالنسبه للي سألت عند عيسى العنزي

مادرسني بس يمدحونه

.

التنويت مهم وصح في مواد ماتستدعي

بس اغلب موادنا يبيلها نوت

واذا مو حابه الدكتور .. نزلي راسج وحطي عينج بنوتج من اول مايدخل لين يطلع

ونصيحه نصيحه نصيحه !

لاتخلون كل المواد بنوت كبير علبو مقسم

خلو كل ماده لها نوت ، اريح واسهل بالدراسه وعشان اذا لاسمح الله ضاع والا اخترب مايأثر عالباجي

.

الجمعيه موفره الجداول بالكليه للي تسأل + موجوده هني بالنت + بتوزع بكوبي سنترز الجمعيات

 

[F.L.O.N.A]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

امبراطورية الزين

حياج حياج .. انا نفسج بروح ثالثة ناو

وانتي صاجة كل شوي يغيرونه انا بنطر لي باجر لان تعبت اسوي جدول ويتغير .
بس ترا حظنا واااايد حلو هالسنة بالدكاترة كل الموجودين زينين فلا تحاتين

مساكين اللي العام تعبوا نفسيا مع الدكاترة وتالي مع الجدول نصهم ما سجلوا وراحوا بعدين صالة الmtc

 

[F.L.O.N.A]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

مساء الخير

موفقين جميعا والله يسهل علينا التسجيل انشالله

.

بنات رابعه ..

بالنسبه للجارالله محد يعرفه بحكم انه يديد :/

وليلحين سالفة الاحتكار مو اكيده لان الجداول قاعده اتغير

.

بالنسبه للي سألت عند عيسى العنزي

مادرسني بس يمدحونه

.

التنويت مهم وصح في مواد ماتستدعي

بس اغلب موادنا يبيلها نوت

واذا مو حابه الدكتور .. نزلي راسج وحطي عينج بنوتج من اول مايدخل لين يطلع

ونصيحه نصيحه نصيحه !

لاتخلون كل المواد بنوت كبير علبو مقسم

خلو كل ماده لها نوت ، اريح واسهل بالدراسه وعشان اذا لاسمح الله ضاع والا اخترب مايأثر عالباجي

.

الجمعيه موفره الجداول بالكليه للي تسأل + موجوده هني بالنت + بتوزع بكوبي سنترز الجمعيات

يا حي الله لوووير

تسلمين يا بعد عمري ما قصرتي
بصراحه جمعية القانون بقيادة المستقلة ما قصروا معانا هالسنة كللللش
ان كان بنماذج الامتحانات اول السنة ، والا المراجعات بالفاينل والتكميلي وهم بعد الجداول

يعطيكم الف عافية بصراحه

وهذا الورد للورد لوير:aha:

 

[L a w y e R]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

بعد عمري فلونه مشكوره :*

والله يحييج ويبقيج انشالله

مشكوره عالشهاده الطيبه والله يقدر بنات الجمعيه وبنات المستقله على خدمتكم وراحتكم

 

[امبراطورية الزين]

رد: رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

امبراطورية الزين

حياج حياج .. انا نفسج بروح ثالثة ناو

وانتي صاجة كل شوي يغيرونه انا بنطر لي باجر لان تعبت اسوي جدول ويتغير .
بس ترا حظنا واااايد حلو هالسنة بالدكاترة كل الموجودين زينين فلا تحاتين

مساكين اللي العام تعبوا نفسيا مع الدكاترة وتالي مع الجدول نصهم ما سجلوا وراحوا بعدين صالة الmtc

حاسة فيني معاناة الجدول :eh_s(16)::eh_s(16):

 

[امبراطورية الزين]

للرفع

 

[F.L.O.N.A]

رد : التجمع الثاني لطالبات { كـلـيـة الـحـقـوق ] جامعة الكويت . حياكم الله

امبراطورية الزين

الجدول مأساااااة بسبة هالتغيرات اللي قاعدة يسوونها حشا احوال الطقس مو جدول لوووووول

بس الدكاترة زينين الحمد لله عسى الله ما يغيرونهم بعد

بس ما لاحظتي الظلم اللي صاير شعب الشباب 100 ، و90 ... والبنات بس 70 كلهم

مع ان الكل يدري ان البنات بالكلية ضعف عدد الشباب !!!

 

[امبراطورية الزين]

بنات جزاء خاص الكندري ولا منصور احسن

 

[امبراطورية الزين]

اي والله احنا سبعين مقعد كل كلاس مايكفي وحنا اكثر منهم والوقت جيكتي عليه السنه الي طافت نرد مبكر للبيت الحين كله عالاربع وشي موشي الوقت لوعندنا امتحان اليوم الي وراه ماراح يمدي ندرس

 

[امبراطورية الزين]

والمعاطي احتكار للاداري جيكتي

 

[امبراطورية الزين]

بليييييز الرضوان زين ولا لا
فيصل الكندري جزاء زين ولا لا

 

[امبراطورية الزين]

للرفع

 

[ملاااك نفسهـ]

اووووووووووووف ياربي ماكو بريك يوم الاثنين والاربع‘ـاء شسؤيـ من 8 ليما 12<<

 

[ملاااك نفسهـ]

^^^^

قاعده اسويـ جدولي

 

[امبراطورية الزين]

^^^^

قاعده اسويـ جدولي

الله يعينج
انا عكسج كله يطلع لي بريكات :bbbiu: