التجمع الثاني لطالبات { كـلـيـة الـحـقـوق ] جامعة الكويت . حياكم الله

[badro_91]

آلسسلام عليكم ..

انا الحمدلله سجلت و بصرآحه حييل فآدني التدريب

لان بيوم التسجيل اذا قالتلي مسكر اختآر الدكتور اللي ورآه >> مسجلتهم

انا سمعت ان الموظفات نفسيه بس ما توقعت لهالدرجه :eh_s(11):

اممم دكــآترتي

اصول قانون > مرضي العنزي ..

دستوري > فواز الجدعي

اقتصاد >عبدالمنعم

شريعه > ابراهيم البديوي

تاريخ قانون > خالد الهندياني

قاعه بحث > محمد الجارالله

شرآيكم :eh_s(10):

مرضي حده زين باخر السنه زاد الشعبه كلها ونص الشعبه 40 من 40 بس امتحانه الاول كان صعب صدمنا بس عوضنا بثاني ووايد يحب البنت المهتمه بس خوش دكتور كان من احسن دكاترتي العام

اقتصاد الدكتور يحاسب عل غياب وامتحاناته سهله بس انسي اذا رحتي كلمتي يزيدج او يدبل الدرجه يعني انا رحته جم مره وما رضا يرفعني بس الماده اصدمتني لانها سهله بس الفاينل يابو صعب وايد فا لا تستهينين فيها

الهندياني حده زين وضمني ال40 يعطي متيرمين ويدبل الدرجه الاحسن ويبي برزنتيشن يقسم الشعبه قروبات وماياخذ غياب وكلا يغيب او يخلي المعيده اتي بداله والماده حلوه وسهله

قاعت بحث الله يعينج هدكتور ما يحب البنات ويدقق عل بحث اذكر كل ما اروحلا منفس

وانشاء الله فدج وموفقه وحياج بالكليه

 

[badro_91]

بناات انا جدولي كلشششش مو عاجبني انشاله اقدر احول داخلي

قاعة بحث .. انس التورة
اصول قانون.. بوالليل << واااايد خايفة منه
مبادئ اقتصاد.. عبد المنعم
حقوق انسان .. ندى
قانون دستوري .. الفيلي
شريعه.. ابراهيم البديوي
قولولي نظامهم بلييييز !!

الله يعينج على ندى لو ماخذه تاريخ قانون احسن لانه الدكتوره مح يمدحها كلش
الفيلي امتحاناته سهله وما يحاسب عل غياب حتى الامتحان الثاني خلانه ندخل الدستور ويانه بالقاعه بس من ناحية الفهم ما يفهم حاولت افهم معا بس وايد يعقد الامور وحسباله اجنا فاهمين بالقانون مثلا

بس هذول الي اعرف عنهم وانشاء الله فدج وشدي حيلج وموفقه

 

[mnara]

حبيبتي والله سكايناا ماقصرتي :eh_s(15):

وإن شاااء الله نعيش ايام الجامعة ونشوووف

وإن شاء الله كل دكاااترتي اوكي وينااسبوني :eh_s(22):

أجمعييين حبيبتي

 

[DN~DN]

هلا .. خيــره ياحلوـوه :eh_s(22):

وانا اشوف دكاترتج زينين ما شاء الله .. وع البريكات تقدرين تحولين بين شعب دكتورج اذا كان عنده اكثر من شعبه ..
وموفقه :eh_s(22):

مشكووره حبيبتييي شلون احول يعني اكلم الدكتور و اقوله ؟

 

[DN~DN]

دكتور مرضي خوش دكتور و يعطي بالاعمال و يراعي وايد (اللي ما تغيب )
لا تحاتييين ابد

هذا الوحيد اللي كنت عنده :eh_s(9):

و عالبريكات انا بريكاتي كانو طوال بس اشوه بيتنا قريب من الكليه
كنت ارد اغفي و العب مع اخوي الصغير و ارد الكليه
و ساعات كنت اقعد بالمكتبه ادرس شوي و عقبها اقعد مع البنات :eh_s(15):

فانتي شوفي شنو المناسب لج تقعدين تدرسين و مع البنات
او تردين :eh_s(22):
اذا تحبين القعده مع البنات و السوالف قعدي و راح تعرفين بنات
اشكال و الوان و من كل الاعمار و مو شرط قوائم حتا جذي و انتي قاعده
و تعرفي علا البنات بس هااااه ديري بالج مو اي وحده تأمنين لها
انا اعرف بنات وايد الحمدلله بس اللي أأمن لهم شوي مو كل البنات

المشكله بيتنا بعييد عن الجامعه :eh_s(16):
و مشكووره حيااااتي

 

[قدساوية 99]

لوير نونو بالعكس جدولج زيين بس عندج ندى صج مادتها اختياريه بس بالمدتيرم تصحيحها واايد دقيق تبي نفس الكلام اللي مكتوب بالكتاب بالحرف اذكر رفيجتي خذت 2من 20 مع انها شاطره انتي درسي اول باول وانشالله خير

 

[lawyer nona]

قدساويه
وااي خرعتيني 2/20 الله يستر

بدرو
انا مالقيييت غيرها والله وانا اسجل شوي وابجي
افففففف الله يعيني بسسسس......

 

[» ADMNT 7Ḇк ْ●~]

قاعت بحث الله يعينج هدكتور ما يحب البنات ويدقق عل بحث اذكر كل ما اروحلا منفس

آلله يستر :eh_s(2):

مع ان بآللقـآء كآن زين عشآن جذي آخترته

 

[SKY--NA]

د.محمد الجارالله ؟

العـآم اول سنه لـه يدرس ..

يعني هالسنه ثالث سنه .. يمدحوونه يقولون خـووش دكتور وحبـووب

 

[~.ąvȍƈaȚ.~]

بنات شفيكم عالجارالله

ترى الدكتور حبوب و اينن و ما فيه شي لا تخترعون

العام كانت رفيجتي ماخذه عنده قاعة بحث و سهالات يعني مو متشدد لا تحاتون


و اذا لقيتوا دكتور على قولتكم منفس عالبنات فلأنه محترم و ما يحب تطييح الميانة و بالذات لأن صغير مو كبير


حتى شوفوا كلامه بتويتر يدل على رقيه ماشالله عليه أستانس على تويتاته


لا تحاتوون




و اللي خايفين من د.ندى


حسب اللي سامعته عنها انها تحب البنيه اللي تشارك معاها و تشد حيلها


عالعمووم ترى دكاترة سنة اولى اغلبهم متساهلين و يعطون بونص و الا امتحان تعويضي


فبنات لا تخاااااااااافوون و لا تحاتووون ترى سنة اولى وايد سهله بس حاولوا تفهموون و بالذات بأصول قانون


و مبادئ تحفظون لأن هالمادة ما تنبلع و مالها أي داعي


و دستووري تركزوون و تراجعوون ترى من اسهل المواد لا يخرعونكم فيها


شريعه ما يبيلها شي...اختياري شدووا حيلكم فيها ترى اذا استهنتوا فيها بتاكلون المقلب بالنهاية


قاعة بحث سووا اللي عليكم و بتاخذون درجتكم بكل سهووله


حطوا ابالكم على كثر ما تعطوون بتاخذون

و حرصــــــــــــــــــــوا عالحضورلا تاخذكم حياة الجامعة و تكتشون بالمحاظرة و تروحون تقزون !! ترى بالحضور تضمنيلج درجات مهمة و بعض الدكاترة يعطون بونص عليها و الا حتى درجة كاملة بأعمال السنة بسبة الحضور فلا تستهينون فيه



الله يووفقكم انشالله و أي سؤاال أو استفسار احنا خواتكم هني ما راح نبخل عليكم بأي معلوومة

 

[وحشه الدنيا]

ياا حسرتي حرااام انا خذيت عند الجار الله لاني عجبني اسلوبه وشكله Easy going
و admnt 7bk
معاي ب4 مواااد !!
وناااسه اكثر وحده نفس موادي .. لازم اعرفج lool

 

[لوحه معقده]

لوحة معقده

اي كنت ماخذه عنده قاعة بحث ههههههههههه وحولت بعد ههههههههه

بس ماعليج خوش دكتور محترررررم ... ويعطي قريدات

بعد جان تغيير مادري الله يعلم

ان شاء الله يكون دكتووور زين
مشكوره :eh_s(7):

 

[mnara]

بسألكم سؤااال بعيد عن الحقووق وحياة الجامعة :eh_s(22): !


>>>>> صج صج ويين شريتو حق العيد :eh_s(22): ؟؟؟

امبي لأنيي ماكوو مكان مارحتله الأفنيوز ، 360 , المهلب , مارينا مول , معاارض بس ماالقيت أحس كله خلاااجين :eh_s(11):

محتاااارة لهدرجة يعني ذووقي صعب :eh_s(2):

 

[L a w y e R]

مناره انا المشاغل اللي عندي اسعارهم اوفر حق بدل عيد الا اذا ميزانيتج تسمح

يعني 200 وطالع بس شي نازك

ومحلات عندج لايم لايت - ديزاينر لاونج - الاسطوره - فاشن كود

شي كلاس وذرب ومو الكل لابس نفسج ، بس هم اسعارهم اغلى من باجي المحلات

 

[princess_1]

مرحباا محاميات

انا بـ 12 و حابه ادخل حقوق بعد ما اتخرج ان شاء الله بس عندي سؤال
في بنات منقبات في كليه الحقوق او لا؟؟
لأن السنه اليايه احتمال اتنقب فقولو لي

 

[Lays BL.ketchup]

مرحباا محاميات

انا بـ 12 و حابه ادخل حقوق بعد ما اتخرج ان شاء الله بس عندي سؤال
في بنات منقبات في كليه الحقوق او لا؟؟
لأن السنه اليايه احتمال اتنقب فقولو لي

ان شاء الله نشوفج مقبوله بكليتنا :eh_s(7):
وايد منقبات بالكليه - الوضع جدا طبيعي

 

[على النيه!]

السلام عليكم

بنااات متى تسجيل سنه الثانيه؟

ومتى الدوام الرسمي ؟ :^

 

[روح الغلا]

مشكووره حبيبتييي شلون احول يعني اكلم الدكتور و اقوله ؟

هلا ..
في تحولين لوول ,.
تحويل داخلي بين الدكاتره , << تكلمين الدكتورين ..
وتحويل بين شعب الدكتور نفسه ,<< تكلمين الدكتور وتقوليله بحول لشعبة الساعه كذا ..


خوش شرـرح اتمنـى فهمتيني ,.


ولاتخافون سنه اولى حلوه بس اهم شيء الحضور .. انا الغياب اللي لعب فيني :eh_s(4):
وموفقيــن

 

[روح الغلا]

السلام عليكم

بنااات متى تسجيل سنه الثانيه؟

ومتى الدوام الرسمي ؟ :^

وعليكم السلام ..


تسجيل الطلبة المستمرين للعام الدراسي 2011/2012 عن طريق الانترنت :
الفرقة الدراسية الرابعة (2008)
18/9/2011
الفرقة الدراسية الثالثة (2009)
20/9/2011
... الفرقة الدراسية الثانية (2010).
21/9/2011.

*ملاحظة :
بدء الدراسة المنتظمة 25/9/2011
وآخر موعد لاستكمال جداول الطلبة 6/10/2011

واي تغير أو تعديل بالمواعيد السابقة سوف يتم إبلاغكم بها


مع تمنياتنا لكم بالتوفيق
||•جمعية القانون•||

 

[DN~DN]

هلا ..
في تحولين لوول ,.
تحويل داخلي بين الدكاتره , << تكلمين الدكتورين ..
وتحويل بين شعب الدكتور نفسه ,<< تكلمين الدكتور وتقوليله بحول لشعبة الساعه كذا ..


خوش شرـرح اتمنـى فهمتيني ,.


ولاتخافون سنه اولى حلوه بس اهم شيء الحضور .. انا الغياب اللي لعب فيني :eh_s(4):
وموفقيــن

اجمعيين ياااارب و يعطييج العافيييه

بس يبداا الدواام و بكلم الدكتوور :eh_s(7):