التجمع الثاني لطالبات { كـلـيـة الـحـقـوق ] جامعة الكويت . حياكم الله

[~.ąvȍƈaȚ.~]

رمز الترف

بصرااحه

دستووري كان اسهل امتحان و انا اصلا منصدمه من درجات العمووم !! يا نجاح عالحفه يا تكميلي شدعوه :\ !!

انا عن نفسي كنت ادرس من كتاب الطبطبائي و انوت مع الدكتور و شرحه وايد حلو ماشالله كتبت بنفس طريقته و الاسلوب و طلعت من الامتحان متأكده من اجابتي الا من شغله معينة كنت شاكه فيها حزء من قضية

مع ان دستوري اقل مادة درستلها على فكرة كنت مبدعه وقتها

و يبت درجة اممم شقولج مابي اقولها بصراحه لأن مابي أنعرف بس للأسف لحد اللحين ما لقيت احد قريب من درجتي مع اني حسيت ان نسب النجاح بتكون كبيرة

و على فكرة ترى القضايا كانوا سهله و تافهه بس فييهم تريك يخربط !! فأحس الطلبة ما يفهمون السؤال عدل و يستعيلون بالاجابة فممكن يكون كلامهم صح بس موو مع السؤال المطروح << ترى تاعبه عليها


اللي احس متساهلين فيه مبادئ كان اصعب امتحان و الكل اشتكى منه بس اعلى نسبة نجاح و انا عن نفسي صج ما توقعت انجح لووول على قولة ايفاا توقع الغير متوقع بالحقووق

 

[رمز الترف]

لوير

مشكورة يا قلبي
شكلي بتوكل على آللھٌ و بدشه




افوكات


تبين الصج و آللھٌ حتى انا مصدومة

انا طوول السنة كنت ادرس و قريداتي بأعمال السنة تهبببببببببببببببل


بس بالفانيل !!

حاشني شيء مو طبيعي
أيست
مدري شنو صار بالضبط
مو عن الدراسة صعبه ? عادي
بس كرهت شيء اسمه دراسة بكبرها


تخيلي دستوري داشه الامتحان
تقريبا 140 صفحة مو دارستها :/
تخيلي مو صفحة و ? صفحتين


و الامتحان تقريبا 30 درجة على هالجزء اللي انا ما درسته تخيلي :/

يعني نص الامتحان على هالجزء اللي مو دارسته


و اخر شيء الحمدلله الحمدلله الحمدلله
قريدي حلو
? تكميلي اجباري و ? تكميلي اختياري
الحمدلله


يعني اللي بقوله لج انا دراستي كانت خررررررررررررررطي بالفاينل بس
و خذيت قريد حلو


فـ استغربت من بنات اعرفهم كانوا يدرسون من قلب
و قبل الامتحان بفترة كانوا مشطبين عالكمية كلها مو نفسي !!
و اخر شيء تكميلي !!


انا اتوقع انهم كانوا مشددين بالتصحيح
بس الحمدلله الظاهر ورقتي صلحوها بمزاج رااااااايق لووووول


اللهم لك الحمد

 

[3iian-el7r]

صج بطبق هالقاعده بالحقوق!!
توقع اللي غير متوقع بالدرجات

يعني انا داشه مبادئ وحوالي 100 صفحه مو فاااااااتحتهم ولا ماراه عليهم ابدن!!
وبالامتحان سؤال ماحليته!!
واول سؤال بو 15درجه بدعت بدعتتتتتتتتتتت فيه وغير باجي الاسئله احس خرابيط
وماشاءالله طلعت بقريد ماكنت بتوقعه!!
توقعت تكميلي بس الحمدالله
انا للحين اقول احس اهم مخربطين بين درجة دستوري ومبادئ!!
الله يعين

 

[~.ąvȍƈaȚ.~]

رمز الترف

ترى الدراسة طول السنة تفيد لو مجرد مراجعه على كل محاظرة

تلقين اللي ذابحين عمرهم ما فتحوا الكتب الا حزة الفاينل عشان جذي دشت المعلومات ابعضها و ما قدروا اييبون قريدات

و على سالفة التصحيح اممم مادري عنهم بسس عن نفسي انا درجتي صح كنت شاكه بجزئية معينة و مادري شنو منقصيني عليه بعد يمكن شي غلطانه فيه

مادري للحين احس المشكله بفهم السؤال



عين الحر

اييي نفس الحالة مبادئ انا كنت دارستها و جذي و كنت مبدعه بالاسئلة ام 15 درجة لوول مو الاول السؤال الاخير ألفت فيه عدل مع ان كان بجزئية سهله من الكتاب بسس الله سهل و خفف ايدهم بالتصليح

بس عجبتني سالفة مبدلين بالدرجات لووول تعوضينها انشالله


باقيلنا ماادتين و الله يستر من الاختيااري

حدي قاعده احاتيها :\

 

[~.ąvȍƈaȚ.~]

اي بنات ترى هذي سياسة الحقوق

تنحييش الطلبة من الكلية بالتشدد بتصليح الفاينل هالحجي دايما كنت اسمعه من البنات

يبون يخفوون العدد لي اقصى حد خصوصا هالسنة قبلوا فوق الـ400 طالب

الله يسامحهم صاروا دكاترة ما يبونا نقايشهم :\ !!

 

[3iian-el7r]

افوكااااااات لوووووووووووول حدهم سياستهم مثل وييهم!!
الله يهديهم كل واحد طموحه واللي يبيه ليش يسوون جذي>>يعني اكسر الخاطر لووول
والله احس مبدلين الدرجات لوووول الله كريم بعد شنسوي
اي انا حدا خاااااااااااايفه من الاختياري بروحي مو مترقعه!

 

[3iian-el7r]

صج بنات حقوقيات:$:$
التفوق من 85صح؟
طبعا انا مو ماخذه 85
لو خذيت نسبتي من 80 لين 84
اعتبر متميزه ويكرموني!!
يارب بس ابي 80!!
وجان اطيح احلامي!!:"(

 

[~.ąvȍƈaȚ.~]

عين الحر

اي اصلا انا كله اقوول هالجمله "ماكوو فرق بيننا و بين الدكاترة الا انهم انولدوا بزمن قبلنا و صاروا اكبر منا " كاااااااك حكم حكم لو منولدين قبلهم جان صرنا دكاترتهم ثقه حدي هااا

و التفوق خبري 85لي قبل الـ90 جيد جدا مع مرتبة الشرف

90 و فوق امتياز مع مرتبة الشرف

بس مادري عن سالفة الـ80

بس ساااااامعه اشااعه و مادري صج و الا لأ ان رفعوا نسبة التفوق صارت 90 و فوق بسس و اهما اللي ينحطون بلوحة الشرف

كلية التحبيط خخخ

 

[3iian-el7r]

افوكاااااااااااااااااااااات حبطتيني لاتكلميني مره ثانيه زعلت منج
لووول!

 

[~.ąvȍƈaȚ.~]

اناا مالي شغل هذي اهيا كلية التحبيييط انا شعلي

و لا تتحبطين ترى مو كل الدكاترة كانوا متفوقين على فكرة...شفيني حاطه دوبي دوبهم اليوم لوول

لا عاااد صج صج حبيتهم دكاترة كليتنا الاعزاء

 

[حقـوق]

بنات ممكن تقولون لنا الدرجات كم تصير مع المعدل
يعني مثلا 60 كم تعادل
و 70 كم تعادل
وهيك يعني لان ابي احسب معدلي وماني عارفه ؟؟؟

 

[3iian-el7r]

حقوق تضربينهم بعدد الوحدات
يعني مثلاً باصول 70!!

تضربين 70x6=420
كل ماده تسوين جذي يعني نتيجتج ضرب عدد الوحدات لهاذي الماده
كل ماده تاخذين درجتها وتجميعنهم
يعني مثل ماخذه باصول 420 ودستوري480 ومبادئ 380
<<كل هالارقام تجمعينهم
وتقسمينهم على عدد الوحدات
احنا سنه اولى عدد وحداتنا 28
وبس ان شاءالله فهمتي انا وحده مااعرف افهم:$


افوكات الله يعين حاشرينهم جود اتصيرون دكتوره ان شاااااااااااءالله

 

[miss disaster]

حقوق

لا تحسبين المعدل اييج احباط

سويتها قبلج ياني احباط

 

[miss disaster]

حقوق تضربينهم بعدد الوحدات
يعني مثلاً باصول 70!!

تضربين 70x6=420
كل ماده تسوين جذي يعني نتيجتج ضرب عدد الوحدات لهاذي الماده
كل ماده تاخذين درجتها وتجميعنهم
يعني مثل ماخذه باصول 420 ودستوري480 ومبادئ 380
<<كل هالارقام تجمعينهم
وتقسمينهم على عدد الوحدات
احنا سنه اولى عدد وحداتنا 28
وبس ان شاءالله فهمتي انا وحده مااعرف افهم:$


افوكات الله يعين حاشرينهم جود اتصيرون دكتوره ان شاااااااااااءالله

عين ابي موقع بدليتج من الاعراب قاعده اضحك من مساع:krkrkr::krkrkr::krkrkr::krkrkr::krkrkr::krkrkr:

افوكات اول مره ادري انج ناس وايد مع بعض :krkrkr::krkrkr::krkrkr:
خبري فيج وحده بس ههههههههههههههههههههههههههههههههههه


سوري سوري بس و الله فاصله من الهم هههههههه الحمدلله علا كل حال و عينو اخذتي اجري على هالضحك :krkrkr::krkrkr::krkrkr:
اي و ابشرج هالمره اكو بطله قصيره و الروايه سووون هههههههه

 

[eva beach]

مس ديزايزتر

وااااااااضح انج فاصله هههههههههه

ماعليه تاثير المحاتاه

بس اهم شي الي جذبني سالفه البطله القصيره ههههههههههههههههههههه

>> تحن حق السنافر الي مثلها ههههههه

يا حلو القصررررر بس تحسين نفسج سنفووره

وسنفروا بحياتكم

 

[~.ąvȍƈaȚ.~]

عين

لوووووول اي انشالله اذا ما ظقت فيوزاتي قبل

disaster

لالالالا ما عليج ترى من الشمس اتفجج اصير واايد نمشي و انا و وصيفااتي شفييج

شكلج صج فاصله لوول

 

[L a w y e R]

لوير اقصد ان اذا خذيت كذا ماده ام ام اعيد السنه؟! يعني عندي لمت معين ولا عادي اكثر من ماده اخذ فيها تكميلي؟؟ من غير ما اعيد ثالثه؟ صج صج ما اعرف اشرح !

عادي بكل المواد mm بس لازم تدشين التكميلي وتنجحين فيهم كلهم عشان تروحين رابعه

او تنجحين فيهم كلهم عدا مادتين ، يعني كل المواد تعدينهم بس 2 يكونون F هني عادي تروحين رابعه

بس اذا لاسمح الله عندج اكثر 3 مواد وزود F ماتروحين رابعه وتعيدين السنه

لاتفكرين هالتفكير السلبي تفاااااائليييييي

عيزت وانا اقولكم توقعوا غير المتوقع بالحقوق

وعسى الله لايضيع تعبنا انشالله

 

[حقـوق]

عين الحر مافهمتي قصدي ..
انا عندي حاسبه للمعدل

http://www.kuniv.in/vb/easy_pages.php?p=1

هذا الموقع بس الى بعرفه
انا مثلا جايبه باصول70 بعرف السبعين شنو قريدها
a/b/d/c
شنو القريد المصاحب للسبعين
والتسعين شنو القريد المصاحب انا
يعني شنو تعادل a/b/c/d
بليز ابي رد

 

[Lays BL.ketchup]

A : 90-100
b : 80 - 89
c : 70 - 79
d : 60 - 69

بس بالحقوق عشان تحسبين معدلج بالنسبه المئويه لازم تتبعين هالخطوات :

درجة كل ماده × عدد الوحدات = المجموع

تسوين هالحركه مع كل المواد

عقب تجمعين مجاميعهم ÷ عدد وحداتج هالسنه = النسبه%

الرابط اللي انتي حاطته يصلح حق الكليات الثانيه لان معدلهم ينحسب بالنقاط - احنا ينحسب بال% :eh_s(7):

 

[miss disaster]

مس ديزايزتر

وااااااااضح انج فاصله هههههههههه

ماعليه تاثير المحاتاه

بس اهم شي الي جذبني سالفه البطله القصيره ههههههههههههههههههههه

>> تحن حق السنافر الي مثلها ههههههه

يا حلو القصررررر بس تحسين نفسج سنفووره

وسنفروا بحياتكم

ههههههههههههههههههه :eh_s(15):
ترا القصر مو حلو ( الطول هيبه )