التجـــــــــــمع الثــالــــث **لكليـــــــة الدراســــــــــات التجـــــــــاريه**

[مطيريه فزاعه]

سمعت يمدحوونه !!

شرايج بهاشم الرفاعي؟؟

عجيييييييييييييييييب حبوب هالدكتور اقسم بالله عسسسسسسل واذا جيتي كلمتيه عن الغياب يعذرج ويسامح حييل وبدرجات يزيد يعني اختصااار لا طوفينه .

 

[مطيريه فزاعه]

شذى الحداد زينه ولا لا؟؟؟

لااااااااااااااااااااااااااااااااااااااااااااااااااااااااااااااااا شذى لااااااااااااااااااا سنفروو بأرواحكم حكمتي على نفسج بالاعدام كلش مو زينه وياربي مذكرتها كلها كلام وقرقه وتصديع راس ولا تقولج انا مختصره لكم الكتاب الا خرطي اقص ايدي اذا مو زايده على الكتاب وامتحاناتها صعبه حييييييييييييل وما تساعد وتدقق على الغياب نصيحه اذا شفتي محمد بوعركي وشبيب عبدالله عسسسسسسسسسسسسسسسسسسسسل هالاثنين يهبلون والله راح تدعين لي شبيب تخرفين عنده بالتعاريف يحسب لج اياهم صح وبوعركي وناسه ولج الاختيار .

 

[سـارة]

بنات توني شايفه موضوع بمنتدى ثاني انصدمت بسألكم صج ولا لا ؟



بنات بقولكم موضوع صاير بكليتنا احنا بس
من بين كل كليات التطبيقي

حاطين لنا حارسات امن يراقبون البنات تخيلوو

ويوقفون عند الباب وينطرون البنت اللي تنزل من شخص مشبوه او شي من هذا القبيل

ومن القوانين اللي اهما بكيفهم الفوها وحطوها

ممنوع اشحن جهازي بالكليه
ممنوع اشحن لاب توبي
ممنوع البس جابانييز يعني بلوزه نص كم بس قصيره شوي
ممنوع ارجع الكليه اذا طلعت منها
ممنوع ادخل الكليه اذا ما عندي شي يثبت اني طالبه
ممنوع اقعد اسولف بقاعه مع بنت بروحنا (( اييب محرم يعني ))
ممنوع اوقف بممرات الكليه (( مادري بانينه من ذهب ))
ممنوع اخلي نغمتي بصوت عالي (( حد امه سكب مو بكيفهم ))
ممنوع ممنوع ادخل الكليع عقب الساعه اربع (( يعني اللي يايه ساعه اربع وعندها محاضره ما يخلونها تدش لازم تيي قبل ))
ممنوع تحطين ميك اب بمكان غير الحمام واللي تحط ياخذون مكياجها (( بهذي انا وياهم بس تجيس مكياجي اكسر ايدها ))
ممنوع اضحكواهيا يمي وان ضحكت تقول مخالفه




طبعا وااايد في بعد اشياء ممنوعه وكلها اشياء سخيفه وتاافهه
ومن كثرما ان الاشياء اللي يسوونها مالها داعي ووجودهم اصلا ماله داعي
تعرضت احداهن للضرب بالعام الماضي من احدى الطالبات
وهالسنه تكرر الموضوع مع ثنتين منهم (( لوووووووول حرمهاشكبرها تطقها بنت .. والله فشله ))
بسبب تمادي الامن الداخلي وتدخلهمبخصوصيات الطالبه وهذا شي ما يجووز


لا يقل عمر اي طالبه بالكليه عن 18 سنه اي مو طفله صغيره
واعتقد ان بهالعمر الطاله مو محتاجه لشخص يربيها
والطالبه تعدت هالمرحله واللي اهلها ما عرفوا يربونها ما راح تتربى على ايدهم
والبنت الزينه زينه لو وين ما تكون
والشينه شينه لو حاطينها بقفص ..



ولا اشرايكم



اتمنى تشاركوني رأيي




صج هالكلام @@

انااا مستجده وتدرييين اني من قريت الموضوع اخترعت ! من صجهم هذيل حشى داشين سجن مووو كلية
فيه شغلات ماله داعي يسوونها يعني من ناحية اللبس وجذي اهما مالهم شغل
الله يستررر لما اداااوم

 

[Hado0ol]

انا بعد مستجده واخرعت
حتى بالثانويه ماسوو جذي @@

 

[صـوفي]

بنــآآآت تكفــوون ردووا عــلى

شسوي عشـآآآن آوقــف قيــدي تكــفوون ردووآآ على

انا بآآجر برووح شنــوو اللى على واللى ماعلى

 

[آلعناآأ]

انا صار لي سنه ماعمري صادفت اي شي جذيه~
يعني لاتخافون وحتى لو صار لج موقف هي ماراح تاكلج ~
بس عطيني بطاقتج وبعدين تعهد وسلام عليكم<------لا طمنتيهم هع~
انا ميته من الخوف ماادري ليش كل ماتقرب الدوامات اخاف امي تقول بوديج مطوع يقرا عليج ~
المستجدات حبيباتي لا تخافون عادي لا تضيعون ايامكم الحلوه بالامن شنو راح يسوون وشنو راح يقولون الخ~
اهم شي احضروا الندوه التنويريه ~
انا ضعت لما ماحضرتها~
يلا بالتوفيق والدرجات الحلوه والتخرج ان شاء الله يارب~

 

[ريووم]

<< لاني ما اذكر ساعه جم بس كان العصر بس بالضبط ناسية :d


خلاص انا لما ارجع الكويت اسألج القسم :*)

لـوول مشكوووووره

صج مساافره الله يردج بسلالامه ان شاء الله :eh_s(6):

 

[lilla]

بنات المستجدات يعطونهم جدولهم يوم الخميس بس مادري راح يسلمونه ايا بيدنا ولا يعطونه باسوورد ويوزنيم واحنا انطلعه من الموقع؟

 

[aloooya]

موووووووووفقين

 

[Hado0ol]

انزين عادي البنات يودون لابتوباتهم ولا ممنوع ؟؟؟
وصج مايصير نيي بعد الساعه اربع ؟؟؟؟

 

[ABoOoBA]

لاحبيبتي عادي

ترى من زمان هالشي موجود بس مانشوفه

لاتحطون بالكم انه الامن الداخلي جذي

صارلي سنتين ونص بالكليه ماشفت منهم هالشي

يمكن يكلمونج اوكي بس مايقلبون الدنيا فوق حدر

 

[...رومـــا ....]

بنات شدعوا شفيكم مكبرين الموضوع
موظفات الأمن ما يقدرون يكلمونج دام انتي ماشيه سييييييييييييييده
واكيد الكل عارف قصدي
...
آنا خريجة وما صادفت هالسوالف .
البنت اللي مو مضبوطة ..
تتحمل كل شي اييها سواء من استاذ والا من موظفة أمن
وبصراحا وايد في بنات يحتاجون احد يراقبهم
..
ابسط مثال ...
كنت قاعدا بالقاعه بروحي اراجع الامتحان و دشو اثنين قعدو آآخر القاعه ... سوري علا هالكلما ... يبوسون بعض شفايف .... آنا لاعت جبدي وبنفس الوقت ماقدر اتحجا .
يعني بذمتكم هالموقف مو يحتاج احد يوقفه ؟؟؟
والا تبونا نصير مثل الدول الاجنبية؟ لا حيا ولا مستحا .. اشكره صار عندنا عادي ...
مافيها شي لو حطو ناس يوقفون البنات عند حدهم
وبعدين هذيل حريم كبار كبر امي .. ومحترمات ومعاهم شهادات بكالوريوس و ماجستير يعني ليش الغلط ؟
البنت المحترمة تمشي مثل الملكة و أكبر راس ما يقدر يكلمها ....

 

[نهاية حبنا]

انزين عادي البنات يودون لابتوباتهم ولا ممنوع ؟؟؟
وصج مايصير نيي بعد الساعه اربع ؟؟؟؟

انا كنت اخذ جهازي معاي عادي ..

بس ولا مرا جربت دشيت عقب الاربع لان محاضراتي مبجر

 

[كريستاله1]

بنات المستجدات يعطونهم جدولهم يوم الخميس بس مادري راح يسلمونه ايا بيدنا ولا يعطونه باسوورد ويوزنيم واحنا انطلعه من الموقع؟

شوفي حبوبه الجدول اجباري تروحين تستلمينه بيدج
وبعدين روحي مكتب التسجيل معاج بطاقتج المدينيه وراح يعطونج الباسووورد
ومن الكورس الثاني انتي تسجلين جدولج

 

[سميرة العوضي]

لـوول مشكوووووره

صج مساافره الله يردج بسلالامه ان شاء الله :eh_s(6):

العفو مقدما


اي صج و ان شاء الله 5-10 راده << حدي راهية لووول


تسلمين

 

[سميرة العوضي]

بنات والله لا تخافون ترى كلام << يمكن البنت مرة بهذا الموقف بس مو معناه الكل يمر

< انا سويت تحقيق صحفي بهذا الموضوع < ترى مو سالفة ان رعب مسويين بس هم مسيطرين نوعا ما و رغم هذا الا بولاوي قاعده تصير بالكلية

و هم لما يوقفون عند الباب ما هو بسجن بس علشان يوخرون الشباب اللي يحطون اغاني عالية و البنات كلهم واقفين < بالعكس لهم ايجابيات


و على اللاب < يبا ييبيه < انا كنت اييبه و لا مره شبكت بالمصلى عادي

و ساعه 5 انا كنت ادخل الكلية محد كلمني

< صدقيني لو كلمتيهم بأحترام راح يكلمونكم باحترام < كا يوم كنت قاعده على الدري ييت بكل احترام كلمتني و انا بكل احترام رديت عليها لا سحبت كرنيهي ولا حتى سألتني شنو اسمج

لااا تخترعون ترى موقف يمكن صار لبنت مو معناه للجميع بيصير

 

[انثى اسطورية]

بنآت حبآيبي بغيييت اسآلكمـ انا مسجلهـ مآدتين بالتسجيل المبكر عآد بسحبهمـ علشآن اوقف قيييدي ...

جذيهـ يعني اكون وقفتهـ ولآ لآزمـ ارآجعهمـ ...

اتمنى انكمـ تفيدووووني ...

وموفقين ان شا الله ...

شدعوووهـ بنآت مآحد رد علي ...

تكفووون اللي عندهى خببر لا تبخل علي ...

والله تكسب فيني آجر لاني حدي ضآيعهـ ...

:0bee2e8d89:

 

[ABoOoBA]

اعتقد لازم تراجعين لانه اذا وقفتي قيدج يتطلب منج بعض الاجراءات

واهم شي بعض الاجراءات لووووووووووووول

 

[قانوينة89]

اوووه جنه أعضاء منتديات جمعية القانون كلهم متيمعين اهني هههههههههههه

 

[دنـــدوونه]

مرحبا بنات بغيت أسألكم منو أحسن أستاذه في
مادة طباعه وتحرير المراسلات غير نوال العباد ومحاسن الفضاله
طلبتكم ردوا علي أنا خريجه وأبي أستاذه زينه