التأمينات .. متى مقابلتهم؟

[BaiTotia]

السلام عليكم

من شهرين تقريبا التأمينات نزلوا إعلان يبون باحث تأميني ومحاسب

وكان آخر يوم للتقديم 30-6

وللحين مادقوا للمقابلة؟؟؟؟؟؟؟؟؟؟ منو مقدمة بهالوقت ودقوا عليها؟

ومنو مقدمه قبل وقابلوها و أشتغلت بعرف شكثر ياخذون وقت لين يقابلون؟؟؟؟؟؟؟؟؟؟

 

[BaiTotia]

شدعوه!!

 

[.]

بت بت..

ريلاكس..

لو تكلمين الجهه احسن..

قولي لهم بعرف شصار علي..

وموفقه يارب..

 

[BaiTotia]

هلا رن رن

كلمتهم اليوم و للأسف ماطلعت بفايدة قالوا للحين ما قررنا

فقلت اللي تشتغل أكيد متذكرة شكثر طولوا معاها

 

[BaiTotia]

أجمعين رونه

والله مليت من القعدة

أكل ومرعى وقلة صنعة خخخخخخ

 

[.]

مثل الحاله..

اخر شي بنغزرها ع الديوان

 

[dan]

انا قدمت اول 6 بس اهما مددو فترة التقديم لما 10-7

من جذي تأخرو للمقابلات

الله كريم ناطره كل يوم يرن تلفوني ملينا

 

[BaiTotia]

رونه الله كريم إن شاااااااااالله

دان حبيبتي توني أدري مددوه شكلهم بيطولون

الله يوفقنا إن شاالله بنات شكرا

 

[BaiTotia]

up up up

 

[AFRoDiT]

القطاع الخاص يتأخر نفس الديوان ..

انا قدمت ع الديوان و على جم شركه

نزل اسمي بالديوان
عقبها دقو الشركات ..


بنفس الوقت

 

[BaiTotia]

هذي مو شركة

مؤسسة التأمينات الإجتماعية (هيئة مستقلة بالقطاع الحكومي)

مشكورة

 

[dan]

بنات احد اتصلت عليهم اسألتهم متى المقابلة ؟

جنهم نسونا

 

[BaiTotia]

دقيت عليهم من أسبوعين تقريبا شكلهم مطولين

أنا بعرف أهم العادة شكثر يطولون أبي الموظفات يفيدونا

يا خوفي يدقون بعد العيد عندي إحساس بعد رمضان لأني قالي عادي نطول أسبوع - شهر - 3 أشهر

دان شنو تخصصج؟

 

[dan]

وييي حدها جايده 3 اشهر

انا نظم معلومات

لا باجر بحاول اتصل

 

[fona]

بنات انا مرت خالي تشتغل اهناك صارلها سنتين تقريبا وسالتها متى توضفت والصراحه انصدمت

قالتلي اهمه نزلوا الاعلان شهر 5 وشهر 9 دقوا عليها وشهر 12 بدت دورتها لمدة 6 اشهر يعني تعينت شهر 5

باختصار سالفتها طولت سنه على ما تعينت رسمي

مابي اضيق خلقكم بس ان شاء الله هالسنه امغيرين طريقتهم لانه الصراحه وايد

 

[BaiTotia]

دان إي تكفين إذا دقيتي طمنينا

فونا يعني دقوا علشان المقابلة شهر 9؟؟؟؟؟؟؟؟ وااااااااايد تقريبا 4 أشهر

أنا ماعندي مشكلة أطول لين أتوظف بس أبي يقابلوني بسرعة و أعرف إذا كنت مقبولة أو لا

وبعدها يوظفوني وقت مايبون

بس خل يتطمن قلبي

 

[fona]

والله مرت خالي هذا اللي صار معاها وايد طولوا على مادقوا عليها .. انا استغربت ليش جذي اول مرة اسمع عن مكان يطول جذي.. بس ان شاء الله هالدفعه غير .. الله يوفقكم

 

[BaiTotia]

مشكورة فونا

أجمعين إن شاالله

 

[fona]

بيتوتيا انا دقوا علي اليوم التامينات

يعني اكيد دقوا عليج او قريب ان شاء الله

 

[dan]

انا بعد اتصلو اليوم