البيض عند باب البيت شنو يعني؟؟؟

[Queen of Sadnes]

السلام عليكم...شلونكم وشخباركم

بنات عفيه ساعدوني انا حييييييييييييييييييييييييل خايفه و محتاره ليش ..انا اقولكم...:eh_s(2):

اليوم الجمعه طلعت ولقيت بيضه مكسوره عند باب بيتي والقشره متطشره بكل مكان... انا امس كنت طالعه ورديت العصر والباب نظيف ... معناته البيضه مكسوره يوم الخميس بالليل يعني ليله الجمعه....المشكله انه الخميس اللي اللي طاف الساعه 8 ونص بالليل طلعت هم لقيت بيضه مكسوره ما اهتميت وشلت القشور مع اني كنت راده العصر ماكان في شي بس انا مادققت عالموضوع بس لما شفتها اليوم ذكرت مرتين صارت هالشغله بليله جمعه والمشكله انه اثر الصفار الاولي بعده موجود عالطوفه بس انا ما انتبهت الا اليوم وشافه ريلي والله ما ادري شنو هذا ومنو له مصلحه ؟؟؟؟؟؟؟

عفيه بنات اللي تعرف شي عن البيض وليش جذي هل هو سحر مثلا(الله لا يقول) علما انا ساكنه بروحي وماعندي خدامه
الله يوفق كل وحده ترد علي ويرزقها الصحه والعافيه وامانه ادعووووووووولي...وحسبـــــــــــــــــي الله ونعم الوكيل...

 

[أمووورة الكويت]

سمالله عليج حبيبتي الله يكاافيج الشرر


انا مابي اقول او افتي بشي ماعرف بس هالامور سامعين فيها .. بس الاحسن اتصلي ع شيخ دين وسئليه حبيبتي احسنلج وانتي حصني نفسج صدقيني ماحد بيضرج بشي الا الي ربج كاتبه بس الحذر واجب سئلي شيخ دين عشان تتطمنين



والله يحفظكم يارب

 

[Queen of Sadnes]

مشكووره اختي أمووورة الكويت عالنصيحه و الله يوفقج ان شاء الله والله كريم

 

[خيالة]

امبيه خرعتيني انا على شباك غرفتي من بره هم كاسرين بيضتين ما ادري اشلون بيت جيرانا اللي ورا يقولون ما ندري بس ما تكرر الموضوع وما بينا وبينهم شي الحمدلله طيبين
اشلون سحر ما اتوقع

 

[Queen of Sadnes]

الله يستر ......

 

[Queen of Sadnes]

اختي خياله لاتحاتين دام عالدريشه جايز يكون بيض حمام يعني يبين اذا مكسورين بروحهم او اذا احد حاذفهم بالطوفه متعمد ,,,
والله الحافظ ان شاء الله

 

[Sayounara]

رد : البيض عند باب البيت شنو يعني؟؟؟

يمكن يهال يلعبون
اذكر انا و اختي كنا نسوي هالحركة
ناخذ بيض ونطلع نكسره فالحوش لوول<-نفشل:tongue22:
بس الغريب انه كاسرينه عند بيتكم
؟!
ماتهقيين بيض حمام او شي جي:tongue22:

 

[عزتي مالها حد]

رد : البيض عند باب البيت شنو يعني؟؟؟

ان شالله مافيه الا العافية

بس اتصلي على شيخ دين ثقة

عسى الله يطمن بالج ويبعد عنكم شر الحاسدين

 

[Queen of Sadnes]

والله ما ادري افكر احط كاميرا شرايكم؟

 

[كل الأسامي مأخوذة ليش؟]

صح والله حطي كامرة عشان تقطعين الشك باليقين و لا تظلين تحاتتين
انشالله ما كو الا العافية يمكن ياهال يلعبون عليكم

 

[عزتي مالها حد]

رد : رد: البيض عند باب البيت شنو يعني؟؟؟

والله ما ادري افكر احط كاميرا شرايكم؟

فكرتج حلوة

 

[حجيه هيونه]

رد : البيض عند باب البيت شنو يعني؟؟؟

اذا تقدرين تحطين كاميرا حطي

والله اعلم انا سامعه قبل انه له علاقه بالسحر

 

[يبيلك قلب مايتعب]

رد : البيض عند باب البيت شنو يعني؟؟؟

يمه الله يحميج صح حطي كاميره
وديري بالج تدوسين عليها ؟؟؟
وكل يوم حصني نفسج انتي وريلج وعيالج بس لا تهملين هالموضوع سألي وان شاءالله مافي الا الخير

 

[مشتاقه لك يبا]

رد : البيض عند باب البيت شنو يعني؟؟؟

ان شاء الله مافيه الا كل خييير يمكن بالصدفه اختي عادي احسني النيّه وان شاء الله ربي يبعدج عن كل شر ومكرووه يااارب

 

[حياتي فراغ]

رد : البيض عند باب البيت شنو يعني؟؟؟

بسرعه
أرتقي ورقي بيتج وعيالج وزوجج
و سورة البقرة والرقية الشرعية على طول شغليها
بالسياره و البيت
و كل مكان ...



وانشاءالله ماكو إلا الخير

واذا الشك ذابحج حطي كاميره عند باب البيت ..

 

[mango mango]

حبيبتي اخذي بطل ماي كبير واقري فيه الرقية الشرعية مالت السحر ونفثي فيه
و7 ايام رشي على مكان البيضة ورشي بيتج كله اذا قدرتي وعلى عتبة الباب
وان شاء الله ماكو الا العافية
ويقولون اذا ضفتي ملح حق الماي يكون احسن

 

[عنب احمر]

امبييييييييه ..

مره صار لنا نفسج عند الباب بيضه مكسوره ويوم امي سألت شيخ قال لها هذا سحر

وقال لها غسلي المكان بماي بحر وان شاء الله السحر يبطل ومايضركم شي

وامي على طول يابت ماي من البحر وغسلت فيه العتبه والحمدلله ماضرنا

 

[بحر الذكريات]

الله يستر عليج يارب

 

[FeShinGoOo]

رد : البيض عند باب البيت شنو يعني؟؟؟

احنا شفنا بيض ومعكرونه وبطول بول عزج الله ..
بس البيض ماكان عادي كان فيه شعر واظافر ووصاخه اذا بيضه عاديه ماتوقع يمكن احد يبي يخرع ..
رشي خل جدام باب البيت يطهر ويعقم .. وشغلي البقره ..
وكرري قول رب العالمين : ان عبادي ليس لك عليهم سلطان الا من اتبعك من الغاوين .
مايقدر عليج الساحر ولا يفلح الساحر حيث اتى .. خلج قويه ولاتخوفين عمرج والله بيحفظج ..

 

[مزيـانه]

الله يحفظكم و يحفظ امة محمد